6479 ta maktab va 4031 ta bog‘chaning issiqlik ta’minoti yanada yaxshilanadi

Yurtimizdagi ijtimoiy soha obyektlarining isitish tizimini yaxshilashda ta’lim muassasalari – maktab va maktabgacha ta’lim tashkilotlariga katta ustuvorlik berilmoqda.

Joriy yilning 10-aprel kuni Davlatimiz rahbari tomonidan imzolangan tegishli qarorda bu borada kelgusida amalga oshirilishi rejalashtirilayotgan ishlar batafsil belgilab berilgan.

E’tiborlisi, qarorga muvofiq, 6479 ta maktab va 4031 ta maktabgacha ta’lim tashkilotlarining issiqlik ta’minoti tizimlari xususiy sektorlar ishtirokida modernizatsiya qilinadi.

Ushbu loyihalarni amalga oshirish natijasida kuz-qish mavsumida ta’lim maskanlarining issiqlik harorati doimiy nazoratga olinadi va mo‘tadilligi ta’minlanadi.

Jarayonlar davlat organlari va mahalliy hokimliklar vakillaridan iborat Ishchi guruh tomonidan doimiy nazorat qilib boriladi.

Batafsil:👉 https://uzedu.uz/uz/news/1006

Vazirlikning rasmiy sahifalariga ulanish
Telegram | Youtube | Facebook | Instagram

Марказий банк “Умумжаҳон пул хафталиги” (Global Money Week 2023) доирасида ёшлар ўртасида “Пулингизни режалаштиринг. Келажагингизни режалаштиринг” мавзусида видеороликлар танловини эълон қилади

🔸Марказий банк аҳолининг 14 ёшдан 18 ёшгача бўлган ёшлар ўртасида видеороликлар танловини ўтказмоқда. Ушбу танловда молиявий саводхонлик мавзусида – молиявий режалаштириш, молиявий мақсадлар, рақамли молиявий саводхонлик ва жамғариш маданияти йўналишларида ижодий информацион видеоролик яратиш ва юбориш кўзда тутилган.

Танловда иштирок этиш тартиби:⬇️

▪️2023 йил 30 апрелгача “Пулингизни режалаштиринг. Келажагингизни режалаштиринг” мавзусида 2 дақиқагача бўлган информатив видеоролик суратга олиш.
▪️Ушбу ҳавола орқали танловда иштирок этиш учун ариза шаклини юклаб олиш ҳамда тўлдириш.
▪️Ариза ва видеороликни [email protected] электрон манзилига юбориш (электрон почта мавзусида “Global Money Week 2023 видеороликлар танлови” деб кўрсатиб ўтиш шарт) ёки почта манзилига (100001, Тошкент ш., Ислом Каримов кўчаси, 6), ҳудудий Бош бошқармалари орқали юбориши ёки шахсан электрон хотирада Марказий банк биносига олиб келишлари мумкин.
▪️Finlit.uz ижтимоий саҳифаларида анонсларни кузатиб бориш зарур.

Энг яхши ижодий ишлар Марказий банкнинг қимматбаҳо совғаларини қўлга киритадилар:⬇️
🥇1 ўрин – ноутбук
🥈2 ўрин – смартфон
🥉3 ўрин – smart соат

🔸“Умумжаҳон пул ҳафталиги” (Global Money Week 2023) доирасида ёшлар ўртасида “Пулингизни режалаштиринг. Келажагингизни режалаштиринг” мавзусида видеороликлар танлови қоидалари

🔸Танлов ҳақида қўшимча маълумот олиш учун (71) 212-73-58 рақами орқали мурожаат қилишингиз мумкин.

Сиздан ижодий ишларни кутиб қоламиз❗️

Web | Telegram | Facebook | Instagram | Odnoklassniki | Youtube | Twitter | Linkedin

#Taʼlim_fidoyilari

O‘QUVCHILARIGA O‘Z UYIDAN JOY BERGAN USTOZ

Yurtimizda kasbidan baxt va huzur topgan, shogirdlarining ertangi istiqboli va kamoli uchun o‘z halovatidan kechgan ustoz o‘qituvchilar talaygina. Va ularning fidoyiligi va mehnatkashligi qiyin vaziyatlarda ham o‘quvchilarning mustahkam taʼlim olishida katta yordam berib kelgan.

Farg‘onalik 77 yoshli Latofatxon hoji aya Ergasheva ana shunday hayotini o‘qituvchilik kasbiga bag‘ishlagan va unga sadoqat ko‘rsatgan faxriy pedagoglardan biri.

Latofatxon aya taʼlim sohasida 40 yildan ortiq faoliyat yuritib, hozirda farzandlari, nabiralari va chevaralari davrasida keksalik gashtini surmoqda.

Ustoz pedagog 1996-yilda mamlakatimizda birinchilardan bo‘lib Farg‘ona viloyati Toshloq tumanidagi 1-sonli gimnaziya-internatini tashkil qilish va hududdagi iqtidorli o‘qituvchilarning bu taʼlim maskaniga jalb qilishda jonbozlik ko‘rsatgan.

Mazkur yangi tipdagi taʼlim muassasasini bugungi kunga qadar tugatib chiqayotgan o‘quvchilar tuman, viloyat, respublika va hatto xalqaro miqyosda o‘tkazilgan fan olimpiadalarida yuqori natijalarga erishib kelmoqda. Ularning aksariyati hozirda yurtimizdagi nufuzli tashkilotlar va muhim sohalarda faoliyat yuritib keladi.

Taʼlim maskani bitiruvchilarining taʼkidicha, maktab ochilgan dastlabki yillari o‘quvchilarga yotoqxonalar yetishmay qolganda, Latofatxon aya o‘nlab bolalarni o‘z uyiga olib kelgan, ularni joy va yeguliklar bilan siylagan.

Bugun onaxon ustozning uyi farzandlariyu nabiralari qatorida yuzlab shogirdlari bilan gavjum. Sobiq o‘quvchilar qadrdon ustozini tez-tez yo‘qlab turishadi, unga o‘zlarining cheksiz mehri va hurmatini ko‘rsatishadi. Ustoz va shogirdlar diydori uzoq duolarga ulanib ketadi.

#Maktab_maslahatchisidan_tavsiyalar

📣 PREZIDENT MAKTABLARI TAJRIBASINI BO‘LISHAMIZ: MAKTAB MASLAHATCHISIDAN TAVSIYALAR-4

Chet el universitetlariga topshirish mobaynida School Profile (maktab haqida umumiy ma'lumot) so‘ralishi va u qanday ko‘rinishda bo‘lishi kerakligini bilasizmi?

❗️Maktabgacha va maktab ta'limi vazirligi Аxborot xizmati tomonidan yo‘lga qo‘yilgan "Maktab maslahatchisidan tavsiyalar" ruknining navbatdagi sonida bu haqda batafsil ma'lumot berilmoqda.
____

👉Video Ixtisoslashtirilgan ta'lim muassasalari agentligi tizimidagi Xiva shahridagi Prezident maktabi tomonidan tayyorlandi.

Vazirlikning rasmiy sahifalariga ulanish
Telegram | Youtube | Facebook | Instagram

#Сўраган_эдингиз

NODAVLAT TA'LIM TASHKILOTLARINI OCHISH TARTIBI YENGILLASHDI

❓Nodavlat umumiy o‘rta ta’lim tashkiloti ochish tartibi qanday hamda ular amal qilishi lozim bo‘lgan asosiy talablar va shartlar nimalardan iborat?

✅ Bugungi kunda nodavlat umumiy o‘rta ta’lim xizmatlarini ko‘rsatish faoliyatini litsenziyalash Vazirlar Mahkamasining 2022-yil 21-fevraldagi 80-son qarori bilan tartibga solinadi.


Batafsil: https://telegra.ph/NODAVLAT-TALIM-TASHKILOTLARINI-OCHISH-TARTIBI-YENGILLASHDI-04-14

Voyaga yetmagan o‘quvchilar hayotiga daxldor noxush holatlarning keng yoritilishi ularning ruhiyatiga aks taʼsir ko‘rsatishi ilmiy asoslangan

Keyingi paytlarda ommaviy axborot vositalari hamda blogerlarning ijtimoiy tarmoqlardagi kanallarida yoshlar o‘rtasidagi salbiy holatlar, xususan, suitsid holatlarini aks ettiruvchi ko‘plab maʼlumotlar uchramoqda.

Albatta, biz so‘z erkinligi kabi tushunchalarni tanqid qilishdan yiroqmiz.

Lekin shunday jarayonlar ham borki, ularning yoritilishi o‘smirlar ongiga salbiy taʼsir ko‘rsatib, o‘smirlarning ruhiyatiga aks taʼsir ko‘rsatishi psixolog olimlar tomonidan ilmiy asoslab berilgan.

Aytish joizki, Maktabgacha va maktab taʼlimi vazirligi tomonidan o‘quvchilar o‘rtasida sog‘lom turmush tarzini targ‘ib qilish, mustaqil hayotga jismoniy, tibbiy, ruhiy jihatdan tayyorlash borasida doimiy ravishda ishlar olib boriladi.

Afsuski, shunga qaramay voyaga yetmaganlar o‘rtasida sodir etilayotgan qaltis vaziyatlar, huquqbuzarlik, jinoyatchilik, o‘z joniga qasd qilish kabi salbiy holatlarning sodir etilishi barchamizni qayg‘uga soladi. 

Bunday holatlarning oldini olishda har birimizning masʼuliyatimizni oshirish, bolalarni tushunish, ularga eʼtibor, g‘amxo‘rlik va mehr ko‘rsatish, bola huquqlarini himoya qilish, ota-onalarning masʼuliyatini oshirish borasida birgalikda harakat qilishga eʼtibor qaratishimiz lozim. 

Shularni inobatga olib, bunday noxush holatlarni yoritishda eʼtiborli bo‘lishni so‘rab qolamiz.

Psixologik-pedagogik respublika tashxis markazi psixologi Feruza INAGAMOVAning mavzu yuzasidan tavsiyalari ushbu videoda

#Infografika

✅ Maktabgacha va maktab ta’limi vazirining “VAZIRGA MUROJAAT” portali orqali kelib tushgan HAFTALIK murojaatlar statistikasi.

❗️Statistika 07.04.2023 - 14.04.2023 soat 09:00 holatiga ko’ra taqdim etilmoqda.

Vazirlikning rasmiy sahifalariga ulanish
Telegram | Youtube | Facebook | Instagram

#Vazirga_murojaat
#Bayonot_6

⚡️ VIDEOBAYONOT: ENG KO‘P KELIB TUSHAYOTGAN SAVOLLARGA JAVOBLAR

✅ Maktabgacha va maktab ta'limi vaziri Hilola Umarova tashabbusi bilan tashkil etilgan "VAZIRGA MUROJAAT" portaliga kelib tushayotgan mazmunan bir xil savollarga videobayonot tarzida javob berishda davom etamiz.

❗️Bugungi videobayonotimizda, jumladan quyidagi savollarga javob olishingiz mumkin:

▶️ Maktabgacha ta’lim tashkilotlarida mehnat qilayotgan tarbiyachilarning sohaga doir ilmiy yoki ijodiy faoliyati uchun qo‘shimcha ustamalar belgilanganmi?

▶️ O‘quv yilining IV choragida boshqa maktabdan kelgan o‘quvchini 9 sinfga qabul qilish mumkinmi?

▶️ Tug‘ruq ta’tiliga ketgan bir o‘qituvchining dars soatlari mazkur fandan dars beruvchi boshqa o‘qituvchilar orasida qay tartibda taqsimlanadi? Kimlarga ko‘proq ustuvorlik beriladi?

❕Bayonotlarimiz davom etadi.

Vazirlikning rasmiy sahifalariga ulanish
Telegram | Youtube | Facebook | Instagram

“Quest: Karriere” - kasblar onlayn marafoniga start berilmoqda...

Raqamli ta'lim mahsuloti qanday ishlab chiqilishi haqida hech o'ylab ko'rganmisiz?

✅ 22-aprel kuni soat 13-00da Siz nafaqat raqamli mahsulotlarni ishlab chiqish jarayoni, balki bevosita IT kasb egalari bilan ham tanishasiz.

✅ Bundan tashqari, Germaniyada ushbu kasblar bo'yicha faoliyat olib borayotgan mutaxassislar hamda talabalar bilan jonli muloqot qilish imkoniyatiga ega bo‘lasiz.

✅ Jonli muloqot bilan birga Nemis tilini o‘rganishga hamda Germaniyadagi kasblarga qiziquvchilarni “Quest: Karriere” Kasblar onlayn marafoniga taklif etamiz. Marafon 17-21-aprel kunlari “Quest:Karriere UZ” kanalida bo‘lib o‘tadi.

✅Qiziqarli raqamli (digital) kasblar bilan tanishish, Germaniyalik kuchli mutaxassislar bilan suhbatlashish imkonini qo'ldan boy bermang!!!

Vazirlikning rasmiy sahifalariga ulanish
Telegram | Youtube | Facebook | Instagram

​Namunali ota-ona bo‘la olyapmizmi?

So‘nggi kunlarda maktab o‘quvchilari bilan bog‘liq turli holatlarni kuzata turib, yurtimizdagi barcha ota-onalarga bir savol bilan murojaat qilishni istadim: bugun biz namunali ota-ona bo‘la olyapmizmi? Namunali ota-ona kim o‘zi?

Ijtimoiy tarmoqlarda farzandlarimiz tarbiyasi, aniqrog‘i tarbiyasizligi bilan bog‘liq ko‘plab videolar tarqalmoqda. Birida o‘g‘il bola o‘quvchi hech tap tortmay ustozi va qiz bola sinfdoshlari oldida kurakda turmaydigan mavzuda gapirishga haddi sig‘ayotgan bo‘lsa, boshqasida bir-bir bilan mushtlashayotgan o‘g‘il-qizlarga guvoh bo‘lish mumkin. Afsuski, bunday holatlar kam emas.

Kelajagimizni ta’minlashda har tomonlama yetuk avlodni tarbiyalash, mustaqil fikrlaydigan, ezgu fazilatlarga ega yoshlarni voyaga yetkazish bugungi kunning eng muhim vazifalaridan biriga aylanib bormoqda.

Xo‘sh, bunda bugungi ota-onalarning o‘rni va xizmatlari qanday bo‘lyapti? Bugungi namunali ota-onalarning hayotiy mezonlari nimalardan iborat?

Qayd etish joizki Vazirlik tomonidan ishlab chiqilgan “Namunali ota-ona” mezonlarida bu haqida quyidagicha muhim ta’riflar keltirib o‘tilgan.

Unga ko‘ra, o‘z farzandining ta’lim-tarbiyasi bilan muntazam shug‘ullanadigan, uni tinglash uchun doim vaqt topa oladigan, farzandida o‘qishga bo‘lgan ishtiyoqni oshirib, unga motivatsiya beradigan ota-onalar bu borada yetakchilik qiladi.

Farzandi ongida ma’naviy qadriyatlarni shakllantira oladigan, uni umuminsoniy va milliy qadriyatlar hamda jamiyatdagi qonun va qoidalarga hurmat ruhida tarbiyalaydigan, bu borada o‘zi shaxsiy namuna bo‘la oladigan ota-onalar ham ushbu mezonga to‘la mosdir.

Farzandining bo‘sh vaqtini kimlar bilan va qanday o‘tkazayotganini doimiy nazorat qilib boradigan, uni ta’lim oladigan maktab jamoasiga nisbatan hurmat ruhida tarbiyalayotgan insonlar namunali ota-onalardir.

Sababi, yuqorida keltirib o‘tilgan o‘quvchilar ishtirokidagi salbiy holatlarning tag zamirida ota-onalarning o‘z farzandi tarbiyasi, kelajak taqdiriga befarqligi va uning bo‘sh vaqtini qanday o‘tkazayotgani bilan qiziqmasligi yotibdi.

Istardimki, ota-onalarimiz, mahalla-ko‘y va bobo-buvilarimiz bolalarimiz bilan ko‘proq suhbat olib borishsa, ularning hayot, odob-axloq, kelajak orzulari, qiziqishlari haqida bolaning o‘zi bilan muloqot olib borsa.

Farzand tarbiyasidagi muvaffaqiyat kaliti bu albatta unga bo‘lgan muhabbat, g‘amxo‘rlik va hurmatdir. Farzand har jihatda namunani ota-onasidan oladi. Namunali ota-ona bo‘lishning shartlari esa juda oddiy va shu bilan birga juda murakkabdir. Ammo uning mevasi shirin, bu – farzand kamoloti va baxtidir.

Shunday ekan, aziz ota-onalar! Zimmangizga yuksak va ma’suliyatli vazifa yuklatilgan, oilangizda o‘rnatilgan namunali tartib va ijobiy muhit nafaqat farzandingiz tarbiyasiga, balki sizning kelajagingizga bevosita ta’sir etishini unutmasligingizni so‘rab qolaman.


Suratda bugungi kunda ikki nafar farzandi Prezident maktabida tahsil olayotgan, ularning ta’lim-tarbiyasida barchaga namuna bo‘la oladigan ota-onalardan biri Abdulhay va Nargiza Jo‘raevlar oilasi.