O‘quv jarayonlari muhokama qilindi!

📝Universiteti rektori Rashid Matkarimovning Nukus filialiga xizmat safari doirasida Universitet hamda uning filiallari rahbar xodimlari ishtirokida onlayn shaklda o‘tkazilgan
sayyor yig‘ilishida berilgan topshiriqlar ijrosini ta'minlash yuzasidan bugun O‘quv ishlari bo‘yicha prorektor E.Raxmanov boshchiligida ZOOM platformasida yig‘ilish tashkil etildi. Ushbu yig‘ilishda universitetning Nukus va Farg‘ona filiallari o‘quv ishlari bo‘yicha direktor o‘rinbosarlari va o‘quv-uslubiy ishlarga mas'ul xodimlar ishtirok etdi.

📌Yig‘ilishda universitet va uning filiallarida o‘quv-me’yoriy hujjatlarning ishlab chiqilishi, talabalar amaliyotini tashkil etish, o‘quv adabiyotlarining mavjudligi, mustaqil ta’limni tashkil qilish mexanizmlarini takomillashtirish hamda dars jarayonlarini sifatli tashkil etish masalalari muhokama qilindi.

✅Muhokama jarayonida yuzaga kelayotgan muammolar va ularning yechimi haqida batafsil to‘xtalib o‘tildi.

Telegram | Instagram | You Tube | Facebook

#ITKF #karate_do #xalqaro_turnir

🥋 UZDJTSUda ITKF karate-do turi bo‘yicha xalqaro turnir o‘tkazildi!

📆2024-yil 14-16 noyabr kunlari O‘zbekiston davlat jismoniy tarbiya va sport universitetida sportning ITKF karate-do turi bo‘yicha barcha yosh toifalari o‘rtasida xalqaro turnir bo‘lib o‘tdi.

🇺🇿O‘zbekiston (ITKF) karate-do federatsiyasi bilan hamkorlikda tashkil etilgan ushbu xalqaro turnirda Qozog‘iston, Qirg‘iziston, Tojikiston hamda Qoraqalpog‘iston Respublikasi sport vazirligi, viloyatlar va Toshkent shahardagi mavjud sport boshqarmalaridan 300 nafardan ziyod turli yosh toifasidagi sportchilar ishtirok etdilar.

Mazkur turnirning tantanali yopilish marosimida Xalqaro karate federatsiyasining (ITKF) Osiyo va Okeaniya mintaqasi bo‘yicha Prezidenti Ibrahim al-Bakr janoblari, O‘zbekiston (ITKF) karate-do federatsiyasi Prezidenti Shuhrat Kushmuratov hamda Universitet rektori Rashid Matkarimov ishtirok etdilar.

Telegram | Instagram | You Tube | Facebook

#ijaradagi_talabalar
#e’tibor

Talabalarning yashash sharoitlari o‘rganildi.

✅Xabaringiz bor, O‘zbekiston davlat jismoniy tarbiya va sport universiteti rahbariyati, professor-o‘qituvchilari, kafedra mudirlari, tegishli bo‘lim rahbarlari hamda tyutorlar tomonidan oliygohning ijarada istiqomat qiluvchi talabalari holidan muntazam ravishda xabar olinib, ularning yashash sharoiti o‘rganib kelinmoqda.

⛹🏻🤾🏻‍♂️Hususan, joriy yilning 16-noyabr kuni Suv sporti, eshkak turlari nazariyasi va uslubiyati kafedrasi tyutori Ashrab Isoyev tomonidan ijara uylarda istiqomat qiladigan talabalar holidan xabar olib, ularning yashash sharoiti o‘rganildi.

📌Jarayon davomida talabalarga kuz-qish mavsumi oldidan elektr energiyasi va tabiiy gazdan xavfsiz foydalanish, texnika havfsizligi qoidalariga qat'iy rioya qilish borasida zaruriy   tushuntirishlar berildi.

🏢Muloqot davomida ijarada yashayotgan talabalarga talabalar turar joyga ko‘chib o‘tish bo‘yicha zarur tavsiyalar berildi.

Telegram | Instagram | You Tube | Facebook