🏆O‘zDJTSU olimlari xalqaro ilmiy anjumanda ishtirok etmoqda…

📊Ayni vaqtda Urganch davlat universitetida “Jismoniy madaniyat sohasida ta’lim va o‘qitish sifatini takomillashtirish: muammo va yechimlar” mavzusida xalqaro ilmiy-amaliy anjuman bo‘lib o‘tmoqda.

✅Dastlab tashkil etilgan anjumanning ochilish marosimida Rossiya, Germaniya, Ukraina kabi xorijiy davlatlarning sohaga ixtisoslashgan universitetlari olimlari, shuningdek, O‘zbekiston davlat jismoniy tarbiya va sport universiteti professor-o‘qituvchilari hamda oliygohga Germaniyaning Kyoln sport universitetidan jalb qilingan professorlari Georgiy va Lesya Korobeynikovalar ham ishtirok etdi.

🖥Konferensiyada oliy ta’limda jismoniy tarbiya va sport ta’limi, o‘qitish sifatini takomillashtirishning zamonaviy texnologiyalari, o‘qitish metodlari hamda spot sohasi samaradorligini oshirishda fiziologik, pedagogik-psixologik yondashuvlar va fanlararo integratsiyalashuv masalalari xususida taqdimotlar qilinmoqda.

https://t.iss.one/uzdjtsu_rasmiy

#Talabalar_ligasi_final

“TALABALAR LIGASI” SPORT MUSOBAQALARI RESPUBLIKA FINAL BOSQICHIGA "START" BERILDI

24-28 may kunlari “Talabalar ligasi” sport musobaqalari respublika final bosqichi o‘tkazilmoqda.

Yoshlar orasida sportni ommalashtirish maqsadida voleybol, futzal, stol tennisi, basketbol va shaxmat sport turlarida o‘tkazilayotgan liganing basketbol va shaxmat musobaqalariga Navoiy shahri mezbonlik qilayapti.

Bugun "NKMK jamg‘armasi"ga qarashli sport saroyida tantanali ochilish marosimi bo‘lib o‘tdi.

Unda so‘zga chiqqan tegishli vazirliklar, oliy ta'lim muassasalari hamda Navoiy viloyati hokimligi mas'ullari respublikamizning barcha hududlaridan tashrif buyurgan sportchi yoshlarga omad tilashdi.

Ayni daqiqalarda jamoalar o‘rtasidagi o‘yinlar davom etmoqda.

Web-Sayt | Telegram | Facebook | Instagram | Youtube

Xitoy sport vaziri o‘rinbosari Toshkentdagi “Olimpiya shaharchasi” bilan tanishdi

Poytaxtimizda bo‘lib o‘tgan Butunjahon antidoping agentligining Osiyo va Okeaniya mamlakatlari vazirlari ishtirokidagi 19 hukumatlararo yig‘ilishida ishtirok etish uchun kelgan Xitoy Xalq Respublikasi sport vaziri o‘rinbosari Liu Guoyong O‘zbekiston Respublikasi sport vaziri o‘rinbosari Shaxrullo Mahmudov hamrohligida poytaxtimizda bunyod etilayotgan “Olimpiya shaharchasi” bilan tanishdi.

Sport vaziri o‘rinbosari davlatimiz rahbarining tashabbusi bilan qad rostlayotgan “Olimpiya shaharchasi”ning infratuzilmasi bilan mehmonni tanishtirdi.

“Toshkent-2025” Osiyo o‘yinlari uchun bunyod etilayotgan “Olimpiya shaharchasi”da qurilayotgan sport majmualari, zarur infrastruktura, kommunikatsiya tizimlari bilan tanishuv jarayonida Xitoy Xalq Respublikasi sport vaziri o‘rinbosari Liu Guoyong bunyod etilayotgan majmualar holatiga yuksak baho berib, O‘zbekistonda mahoratli sportchilarni tayyorlash borasida amalga oshirilayotgan islohotlar natijasida mahoratli sportchilar tayyorlanayotganligini ta’kidladi.

Shu bilan birga Xitoy-O‘zbekiston terma jamoalari o‘rtasidagi hamkorlik aloqalarini yanada mustahkamlash, qo‘shma o‘quv mashg‘ulot yig‘inlarini tashkil etish borasida o‘z takliflarini bildirib o‘tdi.

Web-Sayt | Telegram | Facebook | Instagram | Youtube