#kross_yugurish

🏆O‘zDJTSU: “Doimo sport bilan bo‘l” shiori ostida yugurish musobaqasi bo‘lib o‘tdi!

🏃‍♂️Bugun, erta tongdan O‘zbekiston davlat jismoniy tarbiya va sport universitetida “Doimo sport bilan bo‘l” shiori ostida professor-o‘qituvchilar, talabalar va mahalla-yoshlari o‘rtasida kross-yugurish musobaqasi bo‘lib o‘tdi.

✅Universitetning Menejment va sport tadbirlarini tashkil etish, Yengil atletika nazariyasi va uslubiyati kafedralari hamda Sport klubi tomonidan tashkil etilgan mazkur musobaqada 400 nafarga yaqin professor-o‘qituvchilar, talabalar hamda mahalla yoshlari faol ishtirok etishdi.

🧾🛍Musobaqa so‘ngida g‘olib va sovrindorlar diplom va esdalik sovg‘alari bilan taqdirlanishdi.

Telegram | Instagram | You Tube | Facebook

#ilmiy_seminar

🏆Universitet yosh olimlari va iqtidorli talabalar uchun ilmiy seminar o‘tkazildi

📊Bugun O‘zbekiston davlat jismoniy tarbiya va sport universiteti hamda uning Nukus va Farg‘ona filiallarida faoliyat yurituvchi yosh olimlar va iqtidorli talabalar uchun “GRANT LOYIHALARINI TASHKIL ETISH VA RASMIYLASHTIRISH” mavzusida ilmiy seminar bo‘lib o‘tdi.

📌Seminar Ilmiy ishlar va innovatsiyalar bo‘yicha prorektor Shukurjon Gaziyev boshchiligidagi mutaxassislar tomonidan olib borilib, qatnashchilarga sohaga oid ilmiy grant loyihalarini tashkil etish va tijoratlashtirish faoliyati to‘g‘risida qimmatli ma’lumotlar berildi.

✔️Seminar qizg‘in bahs-munozara va savol-javoblarga boy bo‘ldi.

Telegram | Instagram | You Tube | Facebook

#uchrashuv

🏆Taniqli sportchilar universitetning magistratura va doktorantura bosqichlariga o‘qishga qabul qilinmoqda!

✅Bugun, 30-noyabr kuni O‘zbekiston davlat jismoniy tarbiya va sport universitetida oliygoh rektori Rashid Matkarimov, Jismoniy tarbiya, sport nazariyasi va uslubiyati kafedrasi professori Fikrat Kerimov, erkin kurash bo‘yicha Osiyo va jahon chempioni, olimpiada o‘yinlari sovrindori, AQShning dunyoga mashhur “Harvard” universiteti murabbiyi, O‘zbekistonda xizmat ko‘rsatgan sportchi Begzod Abdurahmonov hamda erkin kurash sport turlari bo‘yicha O‘zbekiston milliy terma jamoa a’zolari Abbos Raxmonov, Sardor Xolmatovlar o‘rtasida uchrashuv bo‘lib o‘tdi.

Telegram | Instagram | You Tube | Facebook

#talaba_yutuqlari

🏆Universitet talabalari respublika chempionatlarida hakamlik qilmoqda!

✅O‘zbekiston davlat jismoniy tarbiya va sport universitetida so‘nggi vaqtlarda talaba-yoshlarning egallagan bilimlarini amaliyotda tadbiq qilish maqsadida talabalar turli musobaqalarga hakam sifatida keng jalb etib kelinmoqda.

🥊Misol uchun, 2024-yil 26-30 noyabr kunlari Toshkent shahrida boks bo‘yicha U-13 va U-14 yosh toifasidagi o'smirlar o'rtasidagi Toshkent shahar chempionatida universitetning boks ixtisosligi talabalari hakam sifatida faol ishtirok etishdi. Bu esa ulardagi hakamlik malaka va ko'nikmalarini yanada rivojlantirishga xizmat qildi.

🏸Shuningdek, oliygohning Tennis, badminton, stol tennisi talabalari 29-noyabr kuni parabadminton bo‘yicha O‘zbekiston ochiq chempionatini bevosita kuzatib, musobaqa jarayonlarini boshqarish va uni yuqori saviyada o‘tkazishda jonbozlik ko‘rsatishdi.

Telegram | Instagram | You Tube | Facebook