Bugun Olimpiya va Paralimpiya shon-shuhrati muzeyida Oʻzbekiston sport delegatsiyasini Parij-2024 XVII yozgi Paralimpiya oʻyinlariga tantanali kuzatish tadbiri boʻlib oʻtdi

Maʼlumki, joriy yilning 28-avgustidan 8-sentyabriga qadar Fransiyaning Parij shahrida XVII yozgi Paralimpiya oʻyinlari boʻlib oʻtadi.

Shu munosabat bilan bugun Olimpiya va Paralimpiya shon-shuhrati muzeyida boʻlib oʻtgan tadbirda Oʻzbekiston Respublikasi Bosh vaziri A.Aripov, Oliy Majlis Qonunchilik palatasi spikeri N.Ismailov, Oʻzbekiston Respublikasi Prezidenti Administratsiyasi departamenti rahbari O.Abduraxmonov, OOK vitse-prezidenti O. Umarov, Sport vaziri A.Ikramov, Oʻzbekiston Respublikasi Prezidenti huzuridagi Ijtimoiy himoya milliy agentligi direktori va oʻrinbosarlari, Oʻzbekiston musulmonlari idorasi raisi, muftiy Nuriddin Xoliqnazarov, Milliy paralimpiya qoʻmitasi raisi M.M. Tashxodjayev, Milliy olimpiya qoʻmitasi Bosh kotibi O.Kasimovlar ishtirok etishdi.

Tadbirda dastlab Paralimpiya sportchilari haqida tayyorlangan maxsus videorolik namoyish etildi.

Shundan soʻng, soʻz Oʻzbekiston Respublikasi Bosh vaziri Abdulla Nigmatovich Aripovga berildi.

Bosh vazir oʻz nutqida Paralimpiya oʻyinlariga tayyorgarlik siklida sportchi va murabbiylarga davlat tomonidan barcha sharoitlar yaratib berilgani, bunga javoban Oʻzbekiston para sportchilri navbatdagi yozgi paralimpiya oʻyinlariga oʻz tarixidagi eng katta delegatsiya bilan yoʻl olayotgani haqida gapirib oʻtdi.

Shuningdek, yurtimizda nogironlar sportini yanada rivojlantirish va paralimpiya harakati qamrovini kengaytirish boʻyicha koʻrilayotgan tashkiliy chora-tadbirlar, jumladan Adaptiv sport turlari assotsiatsiyasi tashkil etilganligi taʼkidlandi.

Tadbirda XXXIII yozgi Olimpiya oʻyinlari oltin medalini qoʻlga kiritgan sportchilar Diyora Keldiyarova va Ulugʻbek Rashitovlar “Olimpiya oilasi” nomidan Oʻzbekiston paralimpiya sport delegatsiyasiga oʻzlarining tabrik soʻzlarini izhor etishdi.

Para sportchilar nomidan esa para yengil atletika boʻyicha terma jamoa aʼzosi, soʻnggi Para osiyo oʻyinlari gʻolibi va terma jamoaning eng yosh sportchisi Shahina Yigitaliyeva tabrikladi.

Soʻzga chiquvchilar Davlatimiz rahbarining bevosita qoʻllab-quvvatlashi, yaratib berilgan sharoitlar haqida gapirib, oʻz minnatdorchiliklarini bildirishdi.

Web-Sayt | Telegram | Facebook | Instagram | Youtube

Tadbir davomida XVII yozgi Paralimpiya oʻyinlarida Oʻzbekiston delegatsiyasi bayroqdorlari para yengil atletikaning yadro otish dasturida ikki karra Paralimpiya oʻyinlari gʻolibi Xusniddin Norbekov va disk uloqtirish dasturida Tokio-2020 Paralimpiya oʻyinlari oltin medali sohibasi Mohigul Hamdamovaga tantanali ravishda davlat bayrogʻini topshirildi.

Maʼlumot oʻrnida aytish joizki, bu galgi oʻyinlarda ishtirok etish uchun jami 113 ta litsenziya qoʻlga kiritilgan boʻlib, 65 nafar para atletlarimiz 9 ta sport turi boʻyicha (para yengil atletika, para taekvondo, para oʻq otish, para suzish, para kanoe, para akademik eshkak eshish, para dzyudo, para pauerlifting va para velosport) oʻz mahoratlarini namoyon etishadi. Bu Oʻzbekiston Paralimpiyasi tarixida rekord koʻrsatgich hisoblanadi.

Taqqoslash uchun paralimpiyachilarimiz 2016-yil Rio de Janeyro shahrida boʻlib oʻtgan oʻyinlarga 32 ta, Tokioda boʻlgan oʻyinlarga 70 ta litsenziya qoʻlga kiritgan edi.

Eʼtiborlisi, Parij-2024 yozgi Paralimpiya oʻyinlarida ishtirok etadigan 65 nafar para atletning 29 nafari, yaʼni 45 foizi ayol sportchilar hisoblanadi. Bundan tashqari, para oʻq otish boʻyicha ilk bor oʻzbekistonlik ayol sportchi – Shaxnoza Mamajonova Paralimpiya oʻyinlari litsenziyasini qoʻlga kiritdi. Bu esa yurtimizda Paralimpiya harakatida ham gender tengligi taʼminlanib borayotganidan dalolatdir.

Fransiya poytaxtidagi oʻyinlarda Oʻzbekiston delegatsiyasi para velosport turidan debyut qiladi. Ikki nafar para velosportchimiz XVII yozgi Paralimpiya oʻyinlarida velopoyganing 8 ta yoʻnalishda gʻoliblik uchun bahs olib boradi.

Shuningdek, para kanoe, para taekvondo, para pauerlifting va para yengil atletika sport turlarida rekord darajada litsenziyalar qoʻlga kiritildi. Parij paralimpiya oʻyinlarining rasmiy ochilish marosimi 28-avgust sanasiga belgilangan.

Web-Sayt | Telegram | Facebook | Instagram | Youtube

#o‘qishni_ko‘chirish

🏆Bugun, 14-avgust kuni O‘zbekiston davlat jismoniy tarbiya va sport universitetida 2024-2025-o‘quv yilida talabalar o‘qishini xorijiy va nodavlat OTMlardan davlat OTMlariga ko‘chirish bo‘yicha yig‘ilish bo‘lib o‘tdi.

✅Unda Oʻquv ishlari boʻyicha prorektor E.Raxmanov, Qabul komissiyasi kotibi D.Ishtayev va kafedra mudirlari ishtirok etdi.

📍Yig‘ilish davomida universitetga kunduzgi va sirtqi ta’lim shakli qabuli uchun o‘qishni ko‘chirish bo‘yicha bo‘lib o‘tadigan kasbiy (ijodiy) imtihon jarayonlariga puxta tayyorgarlik ko‘rgan holda, ularni shaffof va adolatli o‘tkazish hamda baholash mezonlariga qat’iy amal qilish yuzasidan mas’ullarga kerakli topshiriqlar berildi.

📌Ma’lumot o‘rnida, universitetga 2024-2025-o‘quv yilida xorijiy va nodavlat OTMlardan talabalar o‘qishini ko‘chirish bo‘yicha kasbiy (ijodiy) imtihon jarayonlari 2024-yil 16-17-avgust kunlari o‘tkaziladi.

https://t.iss.one/uzdjtsu_rasmiy