Бугун Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги томонидан «Давлат органлари ва ташкилотлари очиқлигини таъминлаш: замонавий талаб ва тенденциялар» лойиҳаси доирасида давлат органлари ва ташкилотлари ахборот хизматлари раҳбарларининг малакасини ошириш учун навбатдаги ўқув-семинари бўлиб ўтмоқда.
Малака ошириш курси икки кун давом этиб, унда:
- жамоатчилик билан алоқалар, унинг моҳияти, тарихи, хусусиятлари ва ташкилот имижини шакллантиришдаги роли;
- Матбуот котиби, ташкилот раҳбарининг индивидуал имиджи ва корпоратив компонентлари;
- PR коммуникация, унинг турлари ва динамикаси,
- матбуот анжумани: назарий қарашлар ва амалиётдаги муаммолар;
- Янги медиа форматлар тайёрлашда рақамли инструментлардан фойдаланиш;
- PR стратегия: даврий медиарежа тузиш ҳамда PR хизматлари фаолияти самарадорлигини баҳолаш мезонлари;
мавзулари бўйича тажрибали медиатренерлар томонидан турли слайдлар, интерфаол усуллар ёрдамида мавзулар тушунтирилиб, керакли кўрсатмалар ва тавсиялар берилади.
Барча Давлат органлари ва ташкилотлари матбуот хизмати рахбарлари қаторида Давлат геология қўмитаси матбуот хизмати раҳбари З.Ахмедова мазкур тренингда иштирок этмоқда.

18 НОЯБРЬ – ЎЗБЕКИСТОН РЕСПУБЛИКАСИ ДАВЛАТ БАЙРОҒИ
ҚАБУЛ ҚИЛИНГАН КУН. Давлат геология ва минерал ресурслар қўмитаси Ўзбекистон Республикаси Давлат байроғи қабул қилинган кун билан барчани муборакбод этади. https://www.uzgeolcom.uz/en/news/453

Давлат байроғи – давлатнинг асосий рамзларидан бири: расмий, шунингдек, бошқа давлатлардан фарқловчи белгисидир. Байроқ - давлат суверинитетининг рамзи ҳисобланади. Давлат байроғи махсус қонун билан белгиланади.
Давлат байроғи халқаро майдонда: Ўзбекистон Республикаси расмий делегацияларининг хорижий мамлакатларга сафарлари чоғида, халқаро ташкилотларда, анжуманларда, жаҳон кўргазмаларида, спорт мусобақаларида Ўзбекистон Республикаси тимсоли бўлади.

Байроғимиз уч хил - кўк, оқ, яшил рангдан ва ранглар орасидаги қизил чизиқдан иборат. Байроқдаги кўк ранг мовий осмон рамзидир. Ундаги оқ ранг поклик, мусаффолик рамзи бўлса, яшил ранг яшил байроғимизнинг табиат билан уйғунлиги рамзидир. Байроғимиздаги қизил ранг эса вужудимизда жўш уриб офаётган қонимиз белгисидир. Байроғимизнинг тепа қисмида яримой ва ўн иккита юлдузлар тасвири бор. Йилимиз ўн икки ой, қадимдан ўн икки ойда йил алмашади. Демак, байроғимиздаги ой ва юлдузлар абадийлик, Мустақиллигимизнинг боқийлиги рамзидир. https://www.uzgeolcom.uz/en/news/453

Давлат геология ва минерал ресурслар қўмитаси тасарруфидаги Хавфли геологик жараёнларни кузатиш Давлат хизмати ўзига қўйилган топшириқлар ижросини ўз вақтида таьминлаш мақсадида 2020 йилнинг 16 ноябрдан бошлаб «Юқори тайёргарлик ҳолати иш режимига» ўтказилди.
Кузги-қишки мавсум бошланиши муносабати билан Республикамиз ҳудудига совуқ ҳаво оқимининг кириб келиши, ер кўчкилари, тош қулаши ва потенциал хавфи мавжуд ҳудудлар ҳолатини баҳолаш, 2020 йилда берилган кўрсатмаларнинг бажарилишини назорат қилиш мақсадида юқори тайёргарлик ҳолати иш режими кучайтирилган тартибда олиб борилмоқда.
Бугунги кунда Давлат кузатиш хизмати ҳудудий кузатиш станцияларида кузатув отрядлари ва кузатув постлари ташкил қилинди, барча автотранспорт воситалари фавқулодда вазиятларга шай ҳолатга келтирилди. Айни дамда хавфли экзоген геологик жараёнлар мониторинги олиб борилмоқда.
Бундан ташқари, жорий йилнинг 10 ноябридан бошлаб,
А-373 «М-39 автойўли – Гулистон – Бўка – Ангрен – Қўқон ва Андижон орқали Ўш» («Тошкент – Ўш») автомобиль йўли ва «Ангрен – Поп» электрлаштирилган темир йўлининг «Қамчиқ» довонидан ўтган қисмида 2020 – 2021 йиллар куз – қиш мавсумида транспорт воситалари ва аҳолининг узлуксиз ҳамда хавф – хатарсиз ҳаракатланишини таьминлаш учун Фарғона кузатиш станцияси мутахассисларидан иборат “Қамчиқ” кузатув пости ташкил қилиниб, хар 3 соатда узлуксиз маълумот алмашинуви йўлга қўйилди.
Шунингдек, Фавқулодда вазиятлар вазирлиги, Ички ишлар вазирлиги, вилоят ва туман ҳокимликлари вакиллари билан хавфли экзоген геологик жараёнлар тарқалган ҳудудларда жойлашган аҳоли хўжаликларини биргаликда ўрганиш ва улар хавфсизлигини таьминлаш бўйича ишчи гуруҳ ишлари ҳамкорликда бошлаб юборилди. https://www.facebook.com/uzgeolcom.uz/ https://www.facebook.com/AxmedovaZ/