💠 “Oʻzbekiston — 2030” strategiyasi ramzi ishlab chiqildi

“Oʻzbekiston – 2030” strategiyasi ramzining asosini “Yangi Oʻzbekiston” va “Uchinchi Renessans” timsoli sifatida “Yangi Oʻzbekiston” bogʻidagi Mustaqillik monumenti obrazi tashkil etadi.

Ramzda aks ettirilgan Mustaqillik monumenti mamlakatimiz tarixi, bugungi kuni va kelajakning oʻzaro uygʻunligi ifodasi sifatida talqin etilsa, uning yuksaklikka boʻylashishi negizida xalqimizning birligi va birdamligi, Oʻzbekistonning dunyo davlatlari bilan hamjihatligi, tinchliksevar siyosati mujassamlashgan.

Shuningdek, yuqoriga intilgan chiziqlar dinamikasida “Oʻzbekiston – 2030” strategiyasining beshta ustuvor yoʻnalishi va unda belgilangan 100 ta maqsadni toʻliq hamda muvaffaqiyatli amalga oshirish ezgu gʻoyasi mavjud.

Logotipning yuqori qismida baxt-saodat, hurriyat va tinchlik timsoli hisoblangan qanotlarini yozgan Humo qushi tasvirlangan. U qadim, uch ming yildan ziyod davlatchilik tajribasiga ega, shu bilan birga, navqiron, orzu-maqsadlari ulkan, qonida erksevarlik tuygʻulari joʻsh urayotgan, mehnatsevar va oliyjanob xalqiga tayanadigan davlat timsoli sifatida gavdalangan.

Humo qushga tutash ustunlar esa inson huquq va erkinliklari, milliy va umuminsoniy qadriyatlar, taʼlim va tarbiya, davlat va jamiyat muvozanatining ifodasi sifatida tasvirlangan. Shuningdek, mazkur element davlatning hokimiyatni amalga oshirishi, shu bilan birga jamiyat manfaatlari, erkinliklari, talablari oʻrtasidagi muvofiqlik va uygʻunlikni anglatadi.

Batafsil

#kongeologiya #mingeo #Ozbekiston_2030 #Strategiya

Сайт | Telegram | Facebook | Instagram | Twitter | YouTube

💠 “Oʻzmetkombinat” AJ tomonidan o‘tkazilgan brifing tafsilotlari

AOKAda oʻtkazilgan brifingda “Oʻzmetkombinat” AJ boshqarma boshligʻi H. Daminov korxonada korrupsiyaning oldini olish va unga qarshi kurashish sohasida amalga oshirilgan ishlar haqida ma’lumot berdi.

Uning so‘zlariga ko‘ra “Oʻzmetkombinat” AJda Korporativ xavfsizlik va resurslarni himoya qilish departamenti hamda Komplaens xizmati bu boradagi ishlarning barqarorligini taʼminlash vazifasini bajarmoqda.

Jumladan, Komplaens xizmati tomonidan korrupsiya holatlari haqida xabar berishga moʻljallangan aloqa kanallari mavjud boʻlib, ushbu aloqa kanallari orqali 2023-yil davomida 14 ta murojaat kelib tushgan. Barcha murojaatlar tegishli tarkibiy boʻlinmalarni jalb qilgan holda koʻrib chiqilib, murojaat qilganlarga yozma va ogʻzaki ravishda javoblar berildi. 2024-yilda esa manfaatlar toʻqnashuvi va korrupsiya holatlari boʻyicha 9 ta murojaat kelib tushgan boʻlib, ushbu murojaatlarga ham belgilangan tartibda javoblar berib borilgan.

Batafsil.

#kongeologiya #mingeo #Ozmetkombinat #korrupsiyaga_qarshi_kurash #brifing

Сайт | Telegram | Facebook | Instagram | Twitter | YouTube