💠 “Tog‘-kon sanoatida barqaror rivojlanish” mavzusida taqdimot tadbiri

2023-yil 26-dekabr kuni O‘zbekiston Respublikasi Tog‘-kon sanoati va geologiya vazirligida “Tog‘-kon sanoatida barqaror rivojlanish” taqdimot bo‘lib o‘tdi.

Tadbirni O'zbekiston Respublikasi tog'-kon sanoati va geologiya vazirining birinchi o'rinbosari O.Nasritdinxodjaev kirish so'zi bilan ochib berdi va "Sanoatning tog'-kon sektori sohasida barqaror rivojlanishi" mavzusidagi taqdimotini ishtirokchilar e'tiboriga havola qildi.

Shuningdek, kon-geologiya vazirligining taqdimot tadbirida “Olmaliq KMK” AJ hamda PWC xalqaro konsalting kompaniyasi vakillari taqdimotlarini namoyish qilishdi.

Kon-geologiya vazirligi tizimida tog‘-kon va metallurgiya korxonalarida salmoqli ishlar amalga oshirilib, ular qatorida Global tashabbuskorlik hisoboti (GRI - Global reporting initiative) standartlari asosida “Barqaror rivojlantirish hisoboti” (SDR) ishlab chiqilgani, ISO sertifikatlarining olingani, qayta tiklanuchi energiya manbalari va suv tejamkor texnologiyalarning joriy qilinayotgani alohida qayd etib o‘tildi.

#kongeologiya #mingeo #taqdimot #OKMK #tadbir #ESG

Сайт | Telegram | Facebook | Instagram | Twitter | YouTube

💠 “Shargʻunkoʻmir” AJ konida koʻmir qazib chiqarish ishlari boshlandi

Joriy yilning 26-dekabr kuni Surxondaryo viloyati Sariosiyo tumanida “Shargʻunkoʻmir” AJni modernizatsiya qilish va loyiha quvvatini yiliga 900 ming tonnagacha toshkoʻmir qazib olishga yetkazish” investitsiya loyihasi asosida Oʻrta Osiyoda Yagona boʻlgan mexanizatsiyalashgan texnologiyalar asosida koʻmir qazib olish ishlari boshlandi.

Tantanali tadbirda O‘zbekiston Respublikasi Tog‘-kon sanoati va geologiya vaziri B.Islamov, “O‘zbekiston temir yo‘llari” AJ boshqaruv raisi Z.Narzullayev, Surxondaryo viloyati hokimi U.Qosimov, Sariosiyo tumani hokimi A.Donayev, “Sharg‘unko‘mir” AJ rahbari X.Abdullayev, korxona xodimlari va OAV vakillari ishtirok etdi.

Kon-geologiya vaziri o‘z tabrik so‘zida “Sharg‘unko‘mir” AJ tarixi, so‘nggi yillarda ko‘mir qazib olish sanoatiga berilayotgan ulkan e’tibor, kondan qazib olinadigan toshko‘mirning yurtimiz iqtisodiyoti, sanoatga qo‘shadigan hissasi katta ekanligini ta’kidladi.

Surxondaryo viloyati hokimi yangi konning ochilishi 2024-yilda Surxondaryo viloyati, Sariosiyo tumani va Sharg‘un shahri aholisi, “Sharg‘unko‘mir” AJ xodimlariga o‘ziga xos sovg‘a bo‘lishini qayd etdi.

Tantanali tadbirdan keyin jurnalistlar hamda ommaviy axborot vositalari xodimlari uchun press-tur tashkil qilinib, korxonaning yangi ma’muriy binosi bilan tanishtirildi, investitsiya loyihasi haqida batafsil ma’lumot berildi.

#kongeologiya #mingeo #Shargunkomir #Surxondaryo #Sariosiyo #press_tur

Сайт | Telegram | Facebook | Instagram | Twitter | YouTube