💠 OKMKda OAV vakillari, davlat va xo‘jalik boshqaruvi organlari matbuot kotiblari uchun press-tur tashkil qilindi

Joriy yilning 17-noyabr kuni O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan Olmaliq kon-metallurgiya kombinati bilan hamkorlikda davlat hokimiyati va boshqaruvi organlari axborot xizmati rahbarlari hamda ommaviy axborot vositalari vakillari uchun press-tur tashkil etildi.

Press-tur ishtirokchilari “Olmaliq KMK” AJ Axborot xizmati faoliyati hamda kombinat tomonidan amalga oshirilayotgan investitsiyaviy loyihalar bilan tanishdilar.

Dastlab, ishtirokchilar kombinat tarixi muzeyini ko‘zdan kechirishdi. Shundan so‘ng, OKMK Axborot xizmati faoliyati, dunyodagi eng yirik konlardan biri Qalmoqqir koni, shu bilan birga “Yoshlik-1” konida amalga oshirilayotgan ishlar, DPU-1 qurilmasida ma’dan maydalanish hamda magistral konveyerda ma’danni fabrikaga transportirovka qilish jarayonini kuzatishdi.

Shuningdek, Markaziy ta’mirlash mexanika zavodi, sanatoriy-profilaktoriydagi shart-sharoitlar, ishchilarning salomatligini tiklashi uchun amalga oshirilayotgan ishlar, OKMK sport majmuasi haqida OAV vakillariga to‘liq ma'lumot berildi.

Press-tur davomida Axborot va ommaviy kommunikatsiyalar agentligi xodimlari, OAV vakillari hamda matbuot kotiblari tomonidan “Yashil makon” umummilliy loyihasi doirasida daraxt ekish aksiyasi ham bo‘lib o‘tdi. Kombinat sport majmuasi hududida tashkil qilingan bog‘da ko‘plab mevali va manzarali daraxt ko‘chatlari o‘tqazilib, “Matbuot kotiblari bog‘i” tashkil etildi.

#kongeologiya #mingeo #OKMK #AOKA #press_tur

Сайт | Telegram | Facebook | Instagram | Twitter | YouTube

💠 “Mineral resurslar instituti” DM vakillari Moskvada o‘tayotgan konferensiyada ishtirok etishmoqda

O‘zbekiston Respublikasi Tog‘-kon sanoati va geologiya vazirligi Geologiya fanlari universiteti “Mineral resurslar instituti” DM rahbari hamda bir qator xodimlar Rossiya poytaxti Moskva shahrida o‘tkazilayotgan “Yuqori texnologik metallarning mineral xomashyo bazasini shakllantirish, qayta ishlash va foydalanish” mavzusidagi ilmiy-amaliy konferensiyada qatnashmoqda

Anjumanda geologiya qidiruv, qazib olish va chuqur qayta ishlashning istiqbolli loyihalar, yuqori texnologik metall konlarini aniqlash va o‘zlashtirish istiqbollari, mineral xomashyoni qazib olish va qayta ishlashning ilg‘or texnologiyalari, mahalliy strategik mineral xomashyo turlarini ishlab chiqarish, iste'molga yo‘naltirishni prognoz qilish hamda boshqarish muammolari, yopiq konlarni izlash kabi mavzular muhokama etilmoqda.

🔹 🔹 🔹

💠Представители ГУ «Институт минеральных ресурсов» принимают участие в конференции, проходящей в Москве

Руководитель ГУ «Институт минеральных ресурсов» Университета геологических наук Министерства горнодобывающей промышленности и геологии Республики Узбекистан и ряд сотрудников принимают участие в научно-практической конференции на тему «Минерально-сырьевая база металлов высоких технологий освоение, воспроизводство, использование», проходящей в столице России городе Москве.

На конференции обсуждаются такие темы, как перспективные проекты, добычи и глубокой переработки, перспективы выявления и освоения месторождений металлов высоких технологий, передовые технологии добычи и переработки сырья, проблемы прогнозирования и регулирования производства и потребления отечественной промышленностью стратегических видов минерального сырья, поиски скрытых месторождений.

#kongeologiya #mingeo #MRI #GFU #ilmiy_amaliy_konferensiya #xalqaro_hamkorlik

Сайт | Telegram | Facebook | Instagram | Twitter | YouTube

💠 Kon-geologiya vazirligi vakillari “O‘zbekiston davlat organlari faoliyati samaradorligi mukofoti” nominatsiyalarida sovrindor bo‘lishdi

2023-yil 22-noyabr kuni “O‘zbekiston” xalqaro forumlar saroyida tashkil etilgan “O‘zbekiston davlat organlari faoliyati samaradorligi mukofoti 2023” tantanali tadbirida hukumat a’zolari, vazirlik va idoralar rahbarlari, mas’ullari, davlat fuqarolik xizmatchilari hamda OAV vakillari ishtirok etdi.

Tadbirning tantanali ochilish marosimida O‘zbekiston Respublikasi Bosh vaziri Abdulla Aripov va BAA Hukumat ishlari vaziri Muxammad al-Gergavi ishtirok etib, ikki mamlakatning hamkorlik yo‘nalishlari va istiqbollari haqida fikr bildirishdi.

“O‘zbekiston davlat organlari faoliyati samaradorligini baholash” dasturida joriy yilning avgust oyida 17 ta vazirlik va 70 nafardan ortiq vazirlik xodimlari 8 ta nominatsiya bo‘yicha ishtirok etdi. Taqdim etilgan anketalarni Dasturga muvofiq baholash maqsadida BAAdan 36 nafar malakali mutaxassis-assessor ham jalb qilindi. Ular vazirliklarga chiqishdi, Davlat boshqaruvi akademiyasida intervyular tashkil etishdi. Baholashda strategik maqsadlarni amalga oshirish, qadriyatlar, resurslarni yaratish imkoniyatlari inobatga olindi.

O‘zbekiston Respublikasi Tog‘-kon sanoati va geologiya vaziri o‘rinbosari A.Kadirxodjayev “Namunali vazir o‘rinbosari” nominatsiyasida faxrli 3-o‘rinni, vazir maslahatchisi A. Rustamov “Namunali hududiy boshqarma xodimi” nominatsiyasida 1-o‘rinni hamda vazirlikning yana bir vakili N. Shukurov “Namunali ixtisoslashgan xodim” nominatsiyasida 3-o‘rinni egallashdi. G‘oliblarga hamkorlarning diplom va esdalik sovg‘alari topshirildi.

#kongeologiya #mingeo #tantanali_tadbir #Uzbekistan_Government_Quality_Award_2023

Сайт | Telegram | Facebook | Instagram | Twitter | YouTube