💠 “Oʻzbek geologiya qidiruv” AJ tarkibidagi Toshkent Markaziy geologiya qidiruv ekspeditsiyasiga press-tur tashkil qilindi

Joriy yilning 12-oktabr kuni O‘zbekiston Respublikasi Tog‘-kon sanoati va geologiya vazirligi “Oʻzbek geologiya qidiruv” AJ faoliyati bilan yaqindan tanishish va geologiya qidiruv sohasida amalga oshirilayotgan ishlar, respublika mineral xom ashyo bazasi rivojlantirilishini taʼminlashga qaratilgan vazifalar ijrosi bilan yaqindan tanishish maqsadida Toshkent Markaziy geologiya qidiruv ekspeditsiyasiga press-tur tashkil etildi.

Unda 20 nafardan ortiq ommaviy axborot vositalari vakillari va jurnalistlar ishtirok etdilar. Press-tur avvalida geologik xaritalar chizish, xaritalarni raqamlashtirish yuzasidan qilinayotgan ishlar, transport texnikalaridan samarali foydalanish bo‘yicha “O‘zbek geologiya qidiruv” AJdagi faoliyat bilan yaqindan tanishildi.

Press-tur doirasidagi tadbirlar davomida OAV vakillari va jurnalistlarga Toshkent Markaziy geologiya qidiruv ekspeditsiyasi faoliyati, xususan ekspeditsiyadagi asosiy transport texnikalari, Ungurlikon uchastkasidagi burgʻilash ishlari, kern saqlash omboridagi texnik jarayonlar, Toshkent MGQEning “Sharqiy Qurama dala ekspeditsiyasi” laboratoriya kompleksi haqida ma’lumotlar berildi.

Press tur davomida geologlar, soha xodimlari, laboratoriya ishchilar, kern omboridagi mutaxassislar o‘z intervyularida geologiya qidiruv faoliyati, burg‘ilash ishlari, kern namunalarini o‘rganishning ahamiyati to‘g‘risida so‘zlab berishdi.

#kongeologiya #mingeo #Ozbekgeologiyaqidiruv #Toshkent_MGQE #press_tur

Сайт | Telegram | Facebook | Instagram | Twitter | YouTube

💠 “Neftgaz geologiyasining va yer qaʼri uglevodorod potensialini oʻzlashtirishning dolzarb muammolari va ularni yechish yoʻllari” nomli xalqaro ilmiy-texnik anjuman

Oʻzbekiston Respublikasi Togʻ-kon sanoati va geologiya vazirligi Geologiya fanlari universiteti “Neft va gaz konlari geologiyasi hamda qidiruvi instituti” davlat muassasasida “Neftgaz geologiyasining va yer qaʼri uglevodorod potensialini oʻzlashtirishning dolzarb muammolari va ularni yechish yoʻllari” nomli xalqaro ilmiy-texnik anjuman boʻlib oʻtdi.

Konferensiyani Oʻzbekiston Respublikasi Togʻ-kon sanoati va geologiya vazirining maslahatchisi N.Muxutdinov kirish soʻzi bilan ochib berdi, shundan keyin anjuman ilmiy yoʻnalishlari boʻyicha maʼruzalar boshlandi.

Anjumanda “Neft va gaz geologik tizimlarining fundamental qonuniyatlarini oʻrganish va uglevodorod salohiyatini bashoratlash”, “Neft-gazga yoʻnaltirilgan geologiya-qidiruv ishlarini ilmiy asoslash va samaradorligini oshirish”, “Uglevodorod resurslari va zaxiralarini zamonaviy metodikalarda baholash”, “Burgʻilashning texnikasi, uglevodorod uyumlarini oʻzlashtirish texnologiyalari”, “Mineral xomashyo bazasining noananaviy manbalari” ilmiy yoʻnalishlari mavzulari boʻyicha maʼruzalar qilindi.

Tadbir soʻngida ma’ruzachilar tomonidan ishtirokchilarni qiziqtirgan savollarga javoblar qaytarildi.

#kongeologiya #mingeo #NGKGQI #GFU #xalqaro_konferensiya

Сайт | Telegram | Facebook | Instagram | Twitter | YouTube