💠 “O‘zbekgidrogeologiya” DUK tarkibida Situatsion markaz faoliyati yo‘lga qo‘yildi.

O‘zbekiston Respublikasi Prezidentining 2022 yil 7 dekabrdagi 439-sonli Qarori 4-bandi ijrosini ta’minlash maqsadida “O‘zbekgidrogeologiya” DUK tarkibida Situatsion markaz faoliyati yo‘lga qo‘yildi.

O‘rnatilgan tartibda Situatsion markaz to‘g‘risidagi Nizom tasdiqlanib, zarur malakali mutaxassislar bilan ta’minlandi hamda yer osti suvlari monitoringining raqamli ma’lumotlar bazasi va interaktiv xaritasini tayyorlash bo‘yicha zamonaviy uskunalar va dasturiy ta’minotlar bilan jihozlandi.

Hozirda Situatsion markazda quyidagi 4 ta asosiy yo‘nalish bo‘yicha axborot tizimlari yaratildi:
1. Yer osti suvlari monitoringining raqamli ma’lumotlar bazasi va interaktiv xaritasi bo‘yicha waterbase.uz axborot tizimi;
2. «O‘zbekgidrogeologiya» DUK tarkibidagi va tadbirkorlik sub’ektlaridagi burg‘ilash uskunalarining harakati, holati va turgan joyini onlayn ko‘rsatuvchi smpo.uzgps.uz axborot tizimi;
3. Xavfli ekzogen geologik jarayonlar to‘g‘risidagi ma’lumotlar va ularning onlayn holatini ko‘rsatib turuvchi sms-geohazard.uz axborot tizimi;
4. Soliq qo‘mitasi bilan yer osti suvlaridan foydalanish bo‘yicha o‘zaro elektron hamkorlikni tashkil etish bo’yicha axborot tizimi.

#kongeologiya #mingeo #situatsion_markaz #yer_osti_suvlari

Сайт | Telegram | Facebook | Instagram