💠 O'zbekiston Respublikasi Prezidentining 2023 yil 10 fevral kuni Jizzax viloyatiga tashrifi davomida "Uchquloch polimetal konini o'zlashtirish" loyihasini amalga oshirish topshirig'i berilgan edi.

Bugun, 12 aprel kuni Jizzax viloyati, Forish tumanida "Uch-quloch polimetall konini kompleks o'zlashtirish" investisiyaviy loyihasining amalga oshirilishiga start berildi.

"Uchquloch polimetal konini kompleks o'zlashtirish" loyihasini tantanali ochilish marosimida tog'-kon sanoati va geologiya vaziri o'rinbosari A.Kadirxodjaev, Jizzax viloyati hokimi E.Saliev, "Olmaliq KMK" AJ boshqaruv raisi A.Xursanov, "Esan Eczacibasi" kompaniyasi bosh direktori Sindar Eczacibasi, va boshqa davlat organlari mutasaddilari qatnashdilar.

"Uchquloch polimetal konini o'zlashtirish" loyihasi mavzusida ma'ruzalar qildilar.

O'zbekiston Respublikasi tog'-kon sanoati va geologiya vazirligi, Olmaliq kon-metallurgiya kombinati hamda Turkiyaning "Esan Eczacibasi" kompaniyasi o'rtasida mazkur loyihani amalga oshirish bo'yicha 3 tomonlama shartnoma tuzilgan. Shartnomaga ko'ra, konda razvedka ishlarini olib borish, rudani qazib olish va qayta ishlash amalga oshiriladi.

Kondan yiliga ochiq usulda 500 ming tonna polimetall ruda qazib olinadi.
Shuningdek, loyiha doirasida yiliga 500 ming tonna rudani qayta ishlashga mo'ljallangan zamonaviy boyitish fabrikasi quriladi.

Fabrikada yiliga 5,4 ming tonna rux kontsentrati hamda 18,4 ming tonna qo'rg'oshin kontsentrati olinadi.
Muhimi, loyiha amalga oshirilishi natijasida kamida 600 ish o'rinlari yaratiladi hamda hududning ijtimoiy–iqtisodiy rivojlanishi ta'minlanadi.

#kongeologiya #mingeo #Jizzax #OlmaliqKMK #Esan_Eczacibasi #Uchquloch

Сайт | Telegram | Facebook | Instagram