🫥 Koreyaning nufuzli ikki oliy ta’lim muassasasi bilan hamkorlik yo‘lga qo‘yildi

Joriy yilning 27 mart kuni Respublikamizda o‘tkazilgan O‘zbekiston-Koreya oliy ta’lim muassasalari rektorlari forumida Geologiya fanlari universiteti bilan Koreya Respublikasining Kangvon milliy universiteti hamda Kyungvun universitetlari bilan anglashuv memorandumlari imzolangan edi.

Ushbu imzolangan memorandumda belgilangan kelishuvlarni batafsil muhokama qilish maqsadida Kyungvun universiteti prezidenti Kim Dong Je va uning yordamchisi Chun Ju Yong universitetga tashrif buyurishdi.

Koreya delegatsiyasi a’zolari universitet o‘quv binolari, axborot resurs markazi hamda talabalar turar joyi va unda yaratilgan shart-sharoitlar bilan tanishdilar.

Uchrashuv doirasida tomonlar ishtirokida tor doirada muzokaralar bo‘lib o‘tdi. Universitetda yaratilgan sharoitlar va zamonaviy kampus haqida ijobiy fikrlar bildirdi, xorijiy oliy ta’lim muassasalaridan qolishmasligini ta’kidlab o‘tildi.

Uchrashuv yakuniga ko‘ra, tomonlar yaqin kelajakda geofizika va injenerlik geologiyasi, “xavfsizlik va tabiiy ofatlarning oldini olish” yo‘nalishlarida hamkorlikning keyingi bosqichlarini amalga oshirishga kelishib oldilar.

#kongeologiya #mingeo #GFU #Koreya_Respublikasi #rektorlar #forum #memorandum #hamkorlik

Сайт | Telegram | Facebook | Instagram