Ҳукумат қишга тайёр эмас, бугунги энергетика инқирозини бартараф эта олмайди. Буни тушундик. Хўш, яқин ва узоқ истиқбол учун қанақа режалари бор? Янги вазир лавозимга тайинланганидан бери халққа изоҳ бергани йўқ, қорасини ҳам кўрсатмайди. Бир-иккита жойда каска кийиб, расмга тушишдан бошқасига ярамайдиганга ўхшайди.

Ҳамма нарсанинг сабаби бор. Сабабчиси бор. Бугунги энергия инқирозининг сабабчилари бор. Уларнинг исми, фамилияси бор. Беш-олти йил олдин баралла гапирганлар, лавозимдаги қарорлари билан шу кунга олиб келганлар қани? Балки уларнинг жавобгарлиги масаласини кўриб чиқармиз? Халқ билсин қаҳрамонларини.

Ўзбекистон ҳафта давомида совуқ антициклон таъсирида бўлади.

Ўзгидромет ҳафтада кутилажак об-ҳаво маълумотини тақдим этди.

5-9 декабрь кунлари Ўзбекистонга совуқ антициклонларнинг (расмда чекка қисми кўк рангда тасвирланган) чекка қисми чуқур таъсир этиб туради.

Ҳарорат бўйича республиканинг шимолида тунлари -20 даражагача совуқлик, бошқа вилоятларида -8 -13 даражагача совуқ ҳароратни таъминлайди. Кундузги муддатлар ҳам жанубий вилоятлардан ташқари республика бўйлаб ноль даража атрофида ва ундан паст ҳарорат кузатилади.

Ёғингарчилик бўйича сешанба куни водий вилоятлари бўйича қор ёғади. Бошқа вилоятларда ёғингарчилик кутилмайди, туман тушади. Йўлларда музлама ҳодисалари кузатилади. Чоршанба ва пайшанба кунлари фақат республика жануби-ғарбида ва тоғларда қор ёғиши прогноз қилинган. Бошқа вилоятларда ёғингарчилик йўқ.

Умуман олганда, 10 декабрь кунига қадар республикада ғайритабиий совуқлик давом этади. Ҳафта давомида совуқ антициклонни минтақадан "ҳайдаб чиқарадиган" ҳеч қандай илиқ ҳаво оқими йўқ.

Самарқанд аэропорти аэродром йўлаги соат 13:30 дан самолёт парвозлари ва уларни қабул қилиш учун очилди. 🛫🛬✔️

@uzb_meteo

4 декабрь куни электр станцияларида умумий 224 млн кВт/с қувватда ток ишлаб чиқилган.

Мазкур кўрсаткич 26 ноябрь кунидаги кўрсаткичдан 6 млн кВт/с кам дегани. 26 ноябрь куни ҳаволар анча илиқ бўлганда энерготизим 230 млн кВт/с қувватда ток ишлаб чиқа олган. Бу статистика тушунарли, газ босимининг пасайиб кетиши иссиқлик электр станцияларида электр ишлаб чиқаришни камайтирган.

Вазирлик ҳисоботида кеча аҳолига табиий газ етказиб бериш кўрсаткичлари ҳам бироз камайганини кўриш мумкин. 154,9 млн куб метр. 3 декабрь кунги кўрсаткич 156,4 млн куб метр эди.

Энергетика тизимининг истеъмолчиларга суюлтирилган газ етказиб бериши ҳам бир кун олдингига нисбатан тенг икки баробарга камайиб кетган (2 минг метр кубдан 0,9 минг метр кубга).

@uzb_meteo

5 декабрь куннинг биринчи ярмида Ўзбекистоннинг сунъий йўлдошдан кўриниши.🛰

Сунъий йўлдош тасвирига кўра, Қорақалпоғистон Республикаси, Хоразм ва Бухоро вилояти, Навоий вилоятининг катта қисмида қор қоплами мавжуд эмас.

Республиканинг бошқа вилоятларида эса нам ҳаво оқимидан ёғган қор жойларда қор қопламини ҳосил қилган (оқ рангда). Ёки булутлардан қор ёғаётгани акс этган тасвир узатилган.

NASA.

@uzb_meteo

Ўзгидромет 6-8 декабрь кунлари 6 та вилоятнинг айрим туманлари тоғли ҳудудларида қор кўчиш хавфини эълон қилди.

Батафсил: https://t.iss.one/uzgydromet/9085

@uzb_meteo

🕔 05:00

Барча вилоят марказий шаҳарларида ҳаво ҳарорати нол даражадан паст.

Шимолда -17 даражагача совуқ...

Гулистон ва Нурафшонда туман

@uzb_meteo

Бугун кундузи республика бўйлаб ҳаво ҳарорати нол даражадан паст кутилади.

Куннинг биринчи ярмида Фарғона водий вилоятлари баъзи туманларида "бироз" қор ёғиб ўтади. Бошқа ҳудудларда ёғингарчилик кутилмайди.

Эрталаб жойларга туман тушади. Йўлларда яхмалак ҳодисалари кутилади.

Ҳаво ҳарорати шимолда -5 -10 даража, бошқа вилоятларда -0 -5 даража совуқ бўлиши прогноз қилинмоқда.

Ўзгидромет

@uzb_meteo

5 декабрь тонгида Ўзбекистонда энг паст ҳаво ҳарорати қарийиб -24 даража совуқни ташкил этган.

@uzb_meteo