Бугун Ўзбекистон бўйлаб қор ёғиши прогноз қилинмоқда. ❄️

Фақат шимол, Бухоро ва Навоий вилоятларидан ташқари жойларда қор ёғади. Сурхондарё вилоятида ёмғир билан биргаликда қор ёғиши кутилмоқда.

Ўзгидромет

@uzb_meteo

🕗 08:00

Нукусда -20 даража совуқ, Самарқанд, Жиззах, Гулистон, Тошкент, Нурафшон ва водий вилояти марказий шаҳарларида қор ёғиб ўтмоқда.

@uzb_meteo

Шимолий Евроосиё иқлим маркази Ўрта Осиё мамлакатлари учун 2022-2023 йил қиш мавсуми учун мавсумий ёғингарчилик прогноз маълумотларини эълон қилди.

Унда Ўзбекистонда қишда меъёр атрофида ёғин тушиши прогноз қилинган.

Фақатгина Фарғона водий вилоятлари ва Тошкент вилояти ҳудудларида мавсумий ёғингарчилик миқдорида ижобий прогнозлар мавжуд. Ёғин кутилмалари меъёрдан кўп.

Мазкур прогноз картаси 6 та замонавий иқлим модел маълумотлари, хусусан ПЛАВ, ГГО, ИВМ, TCC, CanSIP, CFS2 ларни биргаликда талқин қилиш орқали яратилган.

@uzb_meteo

10-14 декабрь кунлари республиканинг 7 вилояти баъзи ҳудудларида қор кўчиш хавфи мавжуд.

Бу ҳақида Ўзгидромет бош директори Ш.Ҳ Ҳабибуллаев ўзининг фейсбукдаги саҳифасига хабар жойлади.

@uzb_meteo

9-12 декабрь кунлари Ўзбекистонда ўртача суткалик ҳаво ҳарорати иқлимий меъёр кўрсаткичларидан 7-12 даража паст кузатилади. 🌡📉

Ўзгидромет

@uzb_meteo

13-14 декабрь кунлари Ўзбекистонда ҳаво ҳарорати бироз кўтарилади.🌡📈

Хусусан, 13-14 декабрь кундуз кунлари Бухоро ва Навоий вилоятларида ҳаво ҳарорати +5 даража, жануб Сурхондарё вилоятида +7 даража, Тошкент, Жиззах, Сирдарё ва Самарқандда эса +3 даражагача кўтарилади.

Ўзгидромет

Нам ҳаво оқимларининг сўнги босқичидан Андижон шаҳрида қор ёғмоқда.❄️

Шу вақтдан бошлаб, республиканинг бошқа вилоятларига совуқ антициклон ўзининг аёз совуғи билан 2-3 кун кучли таъсир эта бошлайди.

Тунлари қуруқ совуқб изғирин, кундуз кунлари ёғинсиз қуёшли аёз кунлар гувоҳи бўламиз.

@uzb_meteo

2022 йилда етти Осиё мамлакати қуёш энергияси туфайли 34 млрд АҚШ долларини тежади.

Хитой, Япония ва Ҳиндистон жорий йилнинг биринчи олти ойида қайта тикланадиган энергиядан энг кўп фойда кўрган.

Умуман олганда, қуёш энергияси Осиёнинг еттита давлатига 2022 йилнинг биринчи ярмида 34 миллиард АҚШ доллари тежашга ёрдам берди.

Масалан, Хитой 21 миллиард доллар, Япония 5,6 миллиард, Ҳиндистон 4,2 миллиард, Жанубий Корея 1,5 миллиард доллар маблағ тежаб қолган.

@uzb_meteo

Ўзбекистон қўшни Туркманистондан ток импорт қилиш ҳажмини оширди ва суткалик қувватни 20-21 млн кВт/c га етказди.

Ўзбекистондаги электр станциялари билан биргаликда суткасига 250 млн кВТ/соатга яқин электр токи аҳоли ва тармоқларга етказилмоқда. Ҳозирги кунда Ўзбекистоннинг кунлик эҳтиёжи 255-260 млн кВТ/с га яқинлашган.

Аввалроқ прогноз қилганимиздек, 8 декабрда ҳам 7 декабрдаги сингари республикадаги мавжуд электр станциялари бир хил қувватда ишлади. Истеъмолчиларга табиий газ етказиб бериш эса ўтган кунга нисбатан 2 млн куб метрга ошган. Аммо, бу тармоқларда сезиларли ўзгаришларни бермайди.

Эсингизда бўлса, Қирғизистонда ўтган йили қиш ойларида электр энергиясини лимитлаш, тежаш режимига ўтилгани ва тунги муддатларда шаҳар кўчаларидаги ёритгичлар кечалари ўчириб қўйилгани ҳақида хабар қолдирган эдик.

Бунга Тўхтағул сув омборида куз бошидаёқ етарлича сув тўпланмаганлиги асосий сабаб этиб кўрсатилиб, қирғиз ҳукумати томонидан чора-тадбирлар қиш келишидан аллақачон олдин ишлаб чиқилган эди.

Қирғизистонда совуқ қишда истеъмолчиларга электр токи деярли мунтазам етказиб берилиб, шаҳар кўчаларидаги чироқлар ўчирилган эди. Таърифлар оширилган.

Ўзбекистонда ҳозирда энергетик етишмовчилик сабаб, электр таъминотида чекловлар киритилиши вазир томонидан таъкидланди ва бу амалда жорий қилинмоқда.

Келаётган уч кунликда республика бўйлаб йирик шаҳарларда ҳам тунлари ҳароратнинг -10 даражагача, баъзи нуқталарда -13 даражагача совуқ бўлиш прогнозлари янграмоқда. Балки шаҳар кўчаларида тунлари чироқларни ўчириб қўйиш бўйича қандайдир чоралар ҳам кўрилар...

@uzb_meteo

Ғарбий Тянь-шань ва Помир тоғларида йиғилган қор қоплами.

Сунъий йўлдош спектрометрик тасвирларидан кўриш мумкинки, 2022 йил 9 декабрь ҳолатига тоғларда ҳозирда 1,5-2 метргача қор қоплами ҳосил бўлган.

Ижтимоий тармоқларда тарқалаётган мана бу видеодаги ҳолат ўтган ёки ундан олдинги ҳолат бўлиши керак. Чунки, тоғларда ҳозирча 3,5-4 метрли қорлар ҳосил бўлмади.

@uzb_meteo

Ўтган ноябрь ойи Ўзбекистонда илиқ ўтган.

Охирги йилларда одатда ноябрь ойи совуқ келаётган эди. 2016, 2018, 2019, 2020 ва 2021 йилларнинг айнан ноябрь ойи совуқ бўлган.

Аммо жорий мавсум ноябрь ойи Ўзбекистонда иқлимий меъёрдан юқори кузатилди. Бу ҳақида Copernicus иқлим маркази ўз ҳисоботида маълум қилган.

Бу об-ҳаво тўғрисидаги маълумотни эслаб қоламиз. Кейинроқ керак бўлади.

@uzb_meteo

🕚 23:00

Нукусда -14,6 даража, Урганчда -12,7 даража, Гулистонда -12,4 даража Нурафшонда -8,6 даража, Бухорода -7,6 даража ва Тошкентда -7,3 даража совуқ ҳарорат кузатилмоқда.

Ҳаво ҳарорати эрта тонг жойларда бунданда пасаяди.

@uzb_meteo

23:40

Қорақалпоғистон Республикаси ва Хоразм вилоятига ўрнатилган мини метеорологик станция кўрсаткичлари.

Қўнғиротда ҳаво ҳарорати -20 даража совуқдан пасайиб кетди. 🌡📉

Манба: data.meteo.uz

Бундан 35 йил олдин МДҲ мамлакатлари пойтахт шаҳарлари учун об-ҳаво прогноз хабари.

@uzb_meteo

🕗 08:00

Нукус, Тошкент ва вилоят марказий шаҳарларида кузатилган ҳаво ҳарорати кўрсаткичи.

@uzb_meteo

Фарғона ва Наманган вилоятига қўшни Сўғд вилоятида охирги ўн йилликдаги энг кучли қор ёққан.

Сўғд Гидромет бошқарма бошлиғи Абдували Гамидов сўзларига кўра, 5-14 мм ёғингарчилик жойларда 5 смгача қор қоплами ҳосил қилди.

Совуқлар 14 декабрь кунига қадар сақланади. Тунлари ҳарорат -8 даражагача пасаяди, йўлларда яхмалак ҳодисалари кузатилади.

@uzb_meteo

Энергетика вазири BBC га берган интервюда Ўзбекистонда электр ва газ инқирози юзага келишига об-ҳавонинг совиши сабаб экани айтилди.

Мен ҳозирги энергетик коллапс даражасидаги танқисликка бошқачароқ таъриф берган бўлардим: "Энергетик тизим ўз вақтида қиш мавсумига пухта тайёргарлик кўрмагани учун танқислик рўй берди." деб. Менимча, бу фикрга Сиз ҳам қўшиласиз...

Эсласангиз, ўтган йили Ўзбекистондаги барча электр станциялари суткасига 230 млн кВт/с қувватда ишлай олганди. Бу йил тизимга 1,5 ГВт ли янги генерациялар қўшилишига қарамай, унда нега ҳозиргача ўтган йилдаги ток ишлаб чиқиш даражасига чиқиш қийин кечмоқда?

Юқори эҳтимол, сабаблар йил бошидаги 25 январдаги блэкауга етаклаб бориши мумкин. Блэкаут ортидан кўплаб совет давридаги энергоблоклар шикастланган кўринади (нега блэкаут сабаблари ҳали ҳанус расмий очиқланмади?). Республикада асосий қувватни берадиган Сирдарё ИЭСда икки уч энергоблокнинг ёз бўйи таъмирланиши фикримизни исботлайди.

Ҳа айтмоқчи, ушбу мавсум ноябрь ойи охирги 5-6 йилдаги энг иссиқ ноябрь бўлиб тарихга кирди. Декабрь бошидан шимолда аномал совуқ кузатилмоқда, 8- декабрдан бошлаб эса аномал совуқлилик республика бўйлаб энди тарқала бошлади.

Энергетик тизимдаги камчиликлар тунлари ҳатто ҳароратнинг нол даражадан пастга тушмаган илиқ ўтган ноябрни ўзидан кўринганини инобатга олсак, мавжуд тизим бу имкониятлари билан қишда об-ҳавонинг кескин совишига тайёр тура олмаслиги ҳаммага аён бўлганди.

Тўсатдан совуқ ва аномал иссиқлик тўлқинларига тизим доим  тайёр туриши керак. Худдики, биздан совуқликни кучли ҳис қиладиган қўшни тоғли Тожикистон ва Қирғизистон Республикалари каби. Айбни об-ҳаводан эмас, ўзларингиздан қидиринглар. Шунда тизим ривожланади, тизимда ўзгаришлар сезилади

Ой ўртасида жанубий вилоятда ҳаво ҳарорати +15 даражага етади. ☀️

Республика шимолида қарийиб икки ҳафта давом этган аномал совуқ ҳароратдан сўнг, ой ўртасида ҳарорат +5 даражага, Бухоро, Навоий, Самарқанд, Жиззах, Сирдарё ва Тошкент вилоятида +10 даражага, Қашқадарё вилоятида +12 даражага кўтарилиши прогноз қилинмоқда.

15 декабрь куни Сурхондарёда ҳаво ҳарорати +15 даража илиқ бўлиши прогноз қилинмоқда.

Ўзгидромет

@uzb_meteo

Оқибатлар...

"Максам Чирчиқ" ва "Фарғонаазот" заводи фаолияти вақтинча тўхтатилган.

«Ўзтрансгаз» АЖ бошқарув раиси Беҳзод Норматовнинг маълум қилишича, табиий газ билан боғлиқ мавжуд ҳолатни яхшилаш мақсадида қуйидаги чоралар кўрилмоқда:

➖ Газни Хитойга экспорт қилиш тўхтатилган. Бўш қолган ҳажм ички бозорга йўналтирилган;

➖ Импорт ҳажмлари сақланиб турибди ҳамда импорт ҳажмини ошириш борасида музокаралар олиб борилмоқда;

➖ Катта ҳажмда газ истеъмол қиладиган — «Максам Чирчиқ», «Фарғонаазот» заводлари тўлиқ тўхтатилди. Шунингдек, «Навоийазот» заводининг асосий ишлаб чиқариш қувватлари ҳам тўхтатилган. Бундан бўшаган ҳажмлар аҳолига йўналтирилган;

➖ Метан «заправка»ларнинг фаолияти режа асосида тўхтатилмоқда. Негаки, «заправка»ларнинг жойлашган жойи аҳолига газ етказиб беришда ҳалақит қилгани боис, газ истеъмоли авжига чиққан паллада тўхтатилди. Ҳароратнинг кўтарилиб бориши билан заправкалар фаолияти қайта тикланади.

@uzb_meteo

uzb_meteo архиви бўйича кун хронологияси.

2018 йил 10 декабрь. Водийда ҳарорат иқлимий меъёрдан 3-4 даража юқори кузатилган. Ёғингарчилик бўлмаган.

2019 йил 10 декабрь.  Водий вилояти текислик ҳудудларида қалин туман бўлиши ҳисобига ҳарорат иқлимий меъёр атрофида кузатилган. Водий тоғлари ва тоғ этакларида эса меъёрдан 6 даража иссиқ ҳаво ҳарорати қайд этилган.

2020 йил 10 декабрь. Uzb_meteo каналига хабар жойланмаган.

2021 йил 10 декабрь. Туманли кун бўлган. Антициклон чет қисмининг водийдан чиқиб кетиши водийнинг кўплаб туманларида қалин туман ҳодисаларини келтириб чиқарган.

Сайёра шимолида антициклонлар фаоллашиб, Ёқутистонда -61 даража, Лапландияда -45 даражалик совуқлар қайд этилган

Умуман олганда, охирги беш йилликдаги совуқ кун бугунги кунга тўғри келмоқда.

#kun_xronologiyasi

@uzb_meteo

🕗 08:00

Термиз шаҳридан ташқари республиканинг кўплаб марказий шаҳарларида ҳаво ҳарорати нол даражадан анча паст совуқ ҳароратни кўрсатмоқда.

Пойтахт ва Бухоро шаҳрида -8, Нурафшонда -11, Гулистонда -12, Урганчда -15, Нукусда -17 даража совуқ кузатилмоқда.

Қаршида туман.

@uzb_meteo