6-iyun – Xalqaro zararkunandalarga qarshi kurash kuni

🌏Har yili dunyoning bir qancha mamlakatlarida 6-iyun kuni global miqyosda zararkunandalarga qarshi kurash kuni sifatida nishonlanadi. Bayramning maqsadi – odamlarga kasallik tashuvchilarni yo‘q qilish va ularga qarshi kurashning ahamiyatini yetkazishdan iboratdir. 2017-yilda ushbu kunni belgilash tashabbuskori Xitoy zararkunandalariga qarshi kurash assotsiatsiyasi bo‘lib, uning tashabbusi boshqa yirik jahon dezinfeksiya tashkilotlari uyushmalari (CEPA - Yevropa, NPMA - AQSh, FAOPMA - Avstraliya) va Jahon sog‘liqni saqlash tashkiloti tomonidan qo‘llab-quvvatlangan.

❤️Odatda, odamlar "zararkunanda" so‘zini eshitganda, birinchi navbatda qishloq xo‘jaligi uchun zararli tirik organizmlar - hasharotlar, kemiruvchilar, shuningdek, ekinlarga zarar yetkazadigan qushlar xayolga keladi. Ammo keng ma’noda zararkunandalar odamlar yoki ularning manfaatlariga zarar yetkazadigan har qanday o‘simlik va hayvonlarni o‘z ichiga oladi. Ya’ni keng ma’noda zararkunandalarga har qanday o‘simlik, hasharot yoki hayvon turi kiradi.

🔴Zararkunandalar sonini nazorat qilish muhim ahamiyatga ega. Odamlarni, qishloq xo‘jaligi yerlarini va chorva mollarini ulardan himoya qilish kerak, ammo turlarni batamom yo‘q qilishga yo‘l qo‘yib bo‘lmaydi, chunki bu tabiiy muvozanatning buzilishiga olib kelishi mumkin. Bundan tashqari, "zararkunanda" bir joyda xavfli bo‘lsa, boshqa bir masalada undan foydalanish ham mumkin.

👆Masalan, yovvoyi yenot (rakun) va tulkilar ekotizimning ajralmas qismidir. Ular o‘rmonda tabiiy "sanitar" hisoblansa, shahar sharoitida juda ham xavfli zararkunandalardan biridir. Zararkunandalarga qarshi kurash sanitar-epidemiologik farovonligining ajralmas qismidir.

✅Yurtimiz maydonlarining katta qismi bog‘ va poliz hududlaridan iborat ekanligini hisobga olsak, sifatli va eksportbop mahsulotlarni yetishtirishga jiddiy talablar qo‘yiladi. Bu yo‘lda zararkunandalarga qarshi biologik kurashning ahamiyati katta bo‘lib, tabiatdan foydali mahalliy entomopatogen nematodalarni ajratib olish, ular bilan bir qatorda brakon, trixogramma hamda oltinko‘z kabi bioagentlarni dalalarda faol qo‘llash samarali hosil olishda muhim omil hisoblanadi.

❗️Shu asnoda davriy agrotexnik tadbirlar, xususan, ekin maydonlaridagi begona o‘tlar, kasalliklar va turli zararkunandalarga qarshi kurash usullarini o‘ylab topish, unib chiqqan mahsulotni bezarar parvarishlash, keyinchalik hech qanday talafotsiz yig‘ishtirib olish ham muhim vazifaning bir qismi hisoblanib, bu sohaga aloqador hammaga birdek mas’uliyat yuklaydi.

🌐Website 💬Telegram 💬Facebook 📺YouTube 📷Instagram

Eksportga yoʻnaltirilayotgan tez buziluvchan meva-sabzavotlarga  chegara o‘tkazish maskanlarida hujjatlar rasmiylashtiruvi tezlashtiriladi

📑O‘zbekiston Respublikasi Prezidentining 2024-yil 1-apreldagi “O‘zbekiston Respublikasi Prezidentining qishloq xo‘jaligi va oziq-ovqat mahsulotlarini yetishtiruvchi, ishlab chiqaruvchi va ularni eksport qiluvchi tadbirkorlar bilan o‘tkazilgan muloqotida belgilangan vazifalarni amalga oshirish chora-tadbirlari to‘g‘risida”gi qaroriga asosan tez buziluvchan meva-sabzavotlarni karantin ko‘rigidan o‘tkazish va ichki fitosanitariya sertifikati rasmiylashtirishida tezkorlik ta’minlanadi.

✍️Ichki fitosanitariya sertifikati mavjud bo‘lgan meva-sabzavot mahsulotlarining eksporti uchun tashqi iqtisodiy faoliyat (TIF) maskanlarida tezkorlik bilan xalqaro namunadagi fitosanitariya sertifikati rasmiylashtirib beriladi.

🛂Chegara punktlarida meva-sabzavot mahsulotlarining eksporti uchun navbatda turgan transport vositalarini tezkorlik bilan o‘tkazishda joylardagi bojxona organlari bilan hamkorlik kuchaytirilib, сhegara punktlarida hujjatlarni tegishli elektron baza orqali tekshirilishi 3 daqiqadan ko‘p bo‘lmagan muddatda amalga oshiriladi.

✅Chegara punktlarida hosil bo‘ladigan tirbandliklar bo‘yicha tashkil etilgan Eksport shtablariga ma’lumotlar berib borilib, vaziyatning ijobiy yechim topishiga ko'maklashiladi.

🔬Markaziy fitosanitariya laboratoriyasi va hududiy fitosanitariya laboratoriyalari ekspertiza uchun kelib tushgan  mahsulotlar bo‘yicha qisqa muddatlarda laboratoriya ekspertizasi xulosasini taqdim qilishi ta’minlanadi.

🤝Qo‘shni davlatlarning milliy karantin xizmatlari bilan chegara o‘tkazish punktlaridagi tirbandliklarni oldini olish bo‘yicha doimiy muzokaralar olib boriladi.

🌐Website 💬Telegram 💬Facebook 📺YouTube 📷Instagram

👍👍👍👍👍👍👍

Qovoqning xom yoki pishganligini qanday farqlash mumkin?

🎃Qovoqni pishish vaqtini bilish uchun ekilayotgan navning xususiyatlariga diqqat qilishingiz lozim. Xo‘sh, urug‘ning navi yoki xususiyatlarini bilish imkonsiz bo‘lganda nima qilish kerak?

🔍Unda qovoqning pishganligini tashqi ko‘rinishidan aniqlash mumkin. Agar bandi qurib, taxtasimon bo‘lib qolgan bo‘lsa, demak qovoq pishgan.

❌Barglarning rangi qochib, qurib boshlashi yoki sarg‘ayishi mumkin. Agar palak hali yashil, suvli bo‘lsa va barglarning rangi endi-endi qochayotgan bo‘lsa, hosilni yig‘ishtirishga hali erta.

Har kim bilishi mumkin bo‘lgan asosiy va muhim belgilar:

- Hosil yetilganda mevalarning rangi to‘yingan bo‘ladi;
- qovoq po‘stlog‘i zich, qattiq, jilosiz va barmoq bilan bosganda botmaydi;
- qo‘l bilan urganda pishgan qovoqdan jaranglagan ovoz chiqadi.

🌐Website 💬Telegram 💬Facebook 📺YouTube 📷Instagram