AGRAR SOHADA O‘ZBEKISTON VA QATAR HAMKORLIGI

Qishloq xo‘jaligi vaziri o‘rinbosari Qaxramon Yuldashev Qatar davlatining “Hassad Food” kompaniyasi ijrochi direktori Muhammad Ali al-G‘iysaniy bilan uchrashdi.

Uchrashuvda O‘zbekiston va Qatar o‘rtasidagi hamkorlik aloqalarining istiqbolli yo‘nalishlarini rivojlantirish masalalari muhokama qilindi.

Suhbatda Qatar O‘zbekiston uchun strategik va muhim hamkorlardan biri hisoblanishi, shuningdek, ikki davlat rahbarlarining yaqin do‘stona aloqalari so‘nggi yillarda o‘z samarasini berayotgani ta'kidlab o‘tildi.

Xususan, 2023-yil iyun oyida Qatar amiri shayx Tamim bin Hamad Ol Soniy janoblarining O‘zbekistonga tashrifi hamda O‘zbekiston Prezidentining joriy yil oktyabr oyida Qatar davlatiga amalga oshirgan oliy darajadagi tashrifi yaqqol misol bo‘lishi aytib o‘tildi.

Muloqotda O‘zbekiston Respublikasi Prezidentining Qatar davlatiga tashrifi doirasida Qishloq xo‘jaligi vazirligi vakillari va “Hassad Food Qatar” kompaniyasi vakillari o‘rtasida chorva uchun ozuqa mahsulotlarini O‘zbekistonda yetishtirishni tashkil etish bo‘yicha investitsiya loyihasini amalga oshirish yuzasidan dastlabki kelishuvlarga erishilgani alohida qayd etildi.

#qatar #uchrashuv #hamkorlik

🌐Website💬Telegram💬Facebook📺YouTube📷Instagram

⭕️⭕️⭕️

PIYOZ YETISHTIRISHDA YANGI REKORD‼️
HAR BIR GEKTARDAN 150 TONNAGACHA HOSIL OLINDI

Bugungi kunda dunyoda 4.5 million gektar maydonga piyoz ekilishi natijasida 92,1 million tonna mahsulot yetishtirilmoqda. O‘rtacha hosildorlik esa, gektaridan 19,3 tonnani tashkil etmoqda.

🌍 Dunyo miqyosida piyoz yetishtirish bo‘yicha Xitoy 🇨🇳, Hindiston 🇮🇳, AQSh 🇺🇸, Eron 🇮🇷 davlatlari yetakchi o‘rinni egallaydi.

🇺🇿 O‘zbekistonda ham piyozni yangi serhosil va turli muddatlarda yetishtirishga mos navlarini yaratish, urug‘idan, ko‘chatidan hamda no‘shidan yetishtirishda takomillashgan texnologiyalarni, xususan suv tejovchi texnologiyalar — tomchilatib, yomg‘irlatib sug‘orish tizimini qo‘llash orqali hozirgi kunda bir qator fermerlarimiz piyozdan yaxshi hosil olishmoqda.

Birgina, Jizzax viloyati, Zomin tumani, Chorvador QFY hududidagi “Jilg‘alisoy shabadasi” fermer xo‘jaligi rahbari Baxtiyor Mirzayev joriy yilda tik quduq qazib, o‘z dalalariga tomchilatib sug‘orish texnologiyalarini joriy etish natijasida, fermer xo‘jaligi dalalarida o‘zi yetishtirgan mahalliy piyoz urug‘larini ekib, rekord darajada piyoz yetishtirishga erishdi. Hosil, har gektar maydondan 1️⃣5️⃣0️⃣ tonnani tashkil etib, bu borada yangi REKORD o‘rnatildi.

✅ “Bu yilgi natija bilan to‘xtab qolish niyatimiz yo‘q, keyingi yilda Qishloq xo‘jaligi vazirligi tizimidagi ilmiy tadqiqot institutlari olimlari bilan birgalikda gektaridan 1️⃣6️⃣0️⃣ tonna hosil olishni reja qilganmiz. Xudo xohlasa, keyingi 3 yilda hosilni yanada ko‘paytirib gektaridan 2️⃣0️⃣0️⃣ tonnagacha hosil olishni o‘z oldimizga maqsad qilib qo‘yganmiz” – deydi, o‘z yutug‘idan mamnun bo‘lgan fermer, Baxtiyor Mirzayev.

#piyoz #rekord

🌐Website💬Telegram💬Facebook📺YouTube📷Instagram

21-OKTYABR – O‘ZBEK TILI BAYRAMI

Xalqaro qishloq xo‘jaligi universitetida 21-oktyabr —O‘zbek tili bayrami munosabati bilan tadbir tashkil etildi.

Unda Xalqaro qishloq xo‘jaligi universiteti o‘quv ishlari bo‘yicha dekani Bexzod Egamberdiyev, Alisher Navoiy nomidagi Toshkent davlat o‘zbek tili va adabiyoti universiteti dotsenti va Fuzuliy nomidagi ilmiy-tadqiqot markazi rahbari Gulbahor Ashurova, Yozuvchilar uyushmasi azosi Mamura Zohidova, Xalqaro qishloq xo‘jaligi universiteti professor o‘qituvchilari va talabalar hamda universitet huzuridagi Buyuk Britaniya ta’lim tizimi asosida dars beruvchi ixtisoslashgan xalqaro maktab o‘quvchilari ishtirok etishdi.

Tadbirda so‘zga chiqqanlar qadimiy til sifatida e’tirof etilayotgan o‘zbek tili xalqimiz uchun milliy qadriyat, o‘zlikni anglash, mustaqil davlatchilik timsoli, ma’naviy boyligimiz ekanligi hamda yurtimizning siyosiy-ijtimoiy, ma’naviy-ma’rifiy taraqqiyotida muhim ahamiyat kasb etishini alohida ta’kidlab o‘tishdi.

Tadbirda ta’kidlanganidek, o‘zbek tilining mamlakatimiz ijtimoiy hayotida to‘laqonli ifodalanishini ta’minlasak va takomillashtirib borsak, yoshlarni milliy hamda umuminsoniy qadriyatlardan g‘ururlanish ruhida tarbiyalasak, ona tiliga bo‘lgan hurmati, mehr-muhabbati yanada ortib boraveradi.

Ana shundagina biz yurtimizdagi har bir fuqaroning davlat tilini bilishiga va buni burch va majburiyat sifatida his etishiga erishamiz.

Zero, mutaxassislar aytib o‘tganidek, mamlakatimiz ijtimoiy hayotining barcha sohalarida davlat tilining to‘liq joriy etilishini ta’minlash, til to‘g‘risidagi qonun hujjatlarini takomillashtirish va uning ta’sir kuchi barchaga taalluqli bo‘lishini ta’minlash bizning asosiy vazifamizdir.

#til_bayrami #21_oktyabr #tadbir

🌐Website💬Telegram💬Facebook📺YouTube📷Instagram