QISHLOQ XO‘JALIGI TIZIMIDA SUGʻURTALASHNING TURKIYA MODELI MUHOKAMA ETILDI

🇺🇿🤝🇹🇷
Shu kunlarda O‘zbekistonda Turkiya agrosug‘urta sohasi vakillaridan iborat delegatsiya ishchi tashrif bilan bo‘lib turibdi.

Agrosug‘urta tizimini takomillashtirish, sug‘urtalash orqali qishloq xo‘jaligi korxonalarini qo‘llab-quvvatlashda Turkiya tajribasini o‘rganishga alohida e'tibor berilgan. Bu borada ikki mamlakat vazirlarining o‘zaro muloqotlarida ham fikr almashilgandi. Mana shu hamkorlik davomi o‘laroq, bugun O‘zbekiston Qishloq xo‘jaligi vazirligida Turkiyaning “TARSIM” sug‘urta kompaniyasi vakillari bilan uchrashuv o‘tkazildi.

Uchrashuvda qishloq xo‘jaligi vaziri Aziz Voitov agrosug‘urta  sohasidagi Turkiya tajribasiga yuqori baho berib, O‘zbekiston sharoitida uni qo‘llash yaxshi natija berishiga umid bildirdi.

“TARSIM” kompaniyasi bosh direktori va direktorlar kengashi a'zosi Bekir Engurulu Turkiya tomoni O‘zbekiston qishloq xo‘jaligini sug‘urtalash sohasida hamkorlikka tayyor ekanini bildirdi va bu yo‘lda dastlab qilinishi lozim bo‘lgan ishlarni belgilab olishni taklif etdi.

Uchrashuvda O‘zbekistonda agrosug‘urta tizimini tashkil etish va rivojlantirishdagi hamkorlik ishlarini jadal boshlash, bu borada ishchi guruh tuzib, “Yo‘l xaritasini” ishlab chiqishga kelishib olindi. Shuningdek, hamkorlik uchun mustahkam zamin o‘laroq, O‘zR Qishloq xo‘jaligi vazirligi va Turkiya Qishloq va o‘rmon xo‘jaligi vazirligi o‘rtasida Anglashuv memorandumini imzolash masalasi ko‘rildi.

#xalqaro_hamkorlik #vazir #tashrif #uchrashuv #delegatsiya #qishloq_xojaligi #agrosugurta #memorandum #Ozbekiston #Turkiya #TARSIM

Vebsayt • Telegram • Facebook • YouTube • Instagram

O‘ZBEKISTON QISHLOQ XO‘JALIGI VA OZIQ-OVQAT MAHSULOTLARI “TUTTO FOOD” XALQARO KO‘RGAZMASIDA

🔰O‘zbekiston Respublikasi Qishloq xo‘jaligi vazirligi vakillari hamda mahalliy tadbirkorlardan iborat mamlakatimiz delegatsiyasi Italiyaning Milan shahrida bo‘lib o‘tgan “TUTTO FOOD” Xalqaro oziq-ovqat ko‘rgazmasida ishtirok etdi.

Bu yilgi ko‘rgazmada ham dunyoning 100 ga yaqin davlatidan oziq-ovqat tarmog‘ida faoliyat yurituvchi 2 500 dan ziyod kompaniyalar o‘z mahsulotlarini namoyish etishdi. Shuningdek, davlatimizdagi 21 ta korxona tomonidan ishlab chiqarilgan 34 turdagi oziq-ovqat mahsulotlari va qayta ishlangan meva-sabzavotlar, sharbatlar, sut, qandolat mahsulotlari, tabiiy hamda sublimatsion usulda quritilgan mahsulotlar, dorivor choylar va boshqalar ham ko‘rgazma peshtaxtalaridan o‘rin oldi.

Ko‘rgazma doirasida mamlakatimiz vakillari quyidagi natijalarga erishishdi:

“TUTTO FOOD” xalqaro oziq-ovqat ko‘rgazmasida xorijiy yirik tijorat kompaniyalari bilan 2023-2026-yillar davomida 42 million dollarlik eksport kelishuvlari imzolandi;
🟢“SISAI SRL” (Italiya) kompaniyasi prezidenti Flavio Ramella bilan respublikamizda yetishtirilgan qishloq xo‘jaligi va oziq-ovqat mahsulotlarini xorijiy yirik bozorlarga eksport qilish bo‘yicha kelishildi;
🟢“Brevis SRLS” (Italiya) kompaniyasining tijorat masalalari bo‘yicha direktori Davide Vismara bilan Italiya va Kuba davlatlariga O‘zbekistondan qayta ishlangan meva-sabzavotlar, dukkakli, sut-go‘sht va boshqa oziq-ovqat mahsulotlarini eksport qilish bo‘yicha shartnoma imzolandi;
🟢“International Italia SRL” (Italiya) kompaniyasining biznes aloqalar menejeri Alessandro Simon bilan O‘rta sharq va Osiyo davlatlariga  eksport qilish bo‘yicha (10 mln AQSh dollar) kelishuvga erishildi.

#xalqaro_hamkorlik #qishloq_xojaligi #xalqaro_oziq_ovqat_korgazmasi #eksport #memorandum #quritilgan_meva #dukkakli_mahsulotlar #meva_sabzavotlar

Vebsayt • Telegram • Facebook • YouTube • Instagram

O‘ZBEKISTON-XITOY BIZNES FORUMI O‘Z ISHINI BOSHLADI
🇺🇿🤝🇨🇳
O‘zbekiston Respublikasi Prezidenti Shavkat Mirziyoyevning Xitoy Xalq Respublikasiga tashrifi arafasida Sian shahrida O‘zbekiston va Xitoy davlat muassasalari, biznes doiralari vakillari ishtirokida biznes-forum ochildi.

Forum doirasida bir qancha uchrashuvlar o‘tkazilishi va hamkorlik hujjatlari imzolanishi ko‘zda tutilgan.

#xalqaro_hamkorlik #safar #delegatsiya #qishloq_xojaligi #Ozbekiston #XXR
*****
НАЧАЛ РАБОТУ УЗБЕКСКО-КИТАЙСКИЙ БИЗНЕС-ФОРУМ
🇺🇿🤝🇨🇳
Накануне визита Президента Республики Узбекистан Шавката Мирзиёева в Китайскую Народную Республику в городе Сиань открылся бизнес-форум с участием представителей государственных структур и деловых кругов Узбекистана и Китая.

В рамках форума планируется провести ряд встреч и подписать документы о сотрудничестве.

#международное_сотрудничество #визит #делегация #сельское_хозяйство #Узбекистан #КНР

Vebsayt • Telegram • Facebook • YouTube • Instagram