🎥O‘zbekiston Respublikasi qishloq xo‘jaligini 2020-2030 yillarda rivojlantirish strategiyasida agrar soha taraqqiyotining muhim ustuvor yo‘nalishlari belgilangan bo‘lib, ularni hayotga tatbiq etishda huquqiy, iqtisodiy, ishlab chiqarish munosabatlarini isloh qilish bilan birga inson resurslarini rivojlantirish, sohani malakali kadrlar bilan ta’minlash ham muhim ahamiyat kasb etadi.

“O‘zbekiston 24” telekanalida efirga uzatilgan maxsus reportajda journalist Toshkent davlat agrar universitetining Andijon filiali – Andijon qishloq xo‘jaligi va agrotexnologiyalar instituti tomonidan bu borada amalga oshirilayotgan ishlar haqida hikoya qiladi.

#repost #maxsus_reportaj #malakali_kadrlar

WWW • TELEGRAM • FACEBOOK • YOUTUBE • INSTAGRAM

🎥"O‘zbekiston 24" telekanalining "Maxsus reportaj" dasturida qishloq xo‘jaligida qizg‘in tarzda olib borilayotgan mavsumiy tadbirlar to‘g‘risida lavha efirga uzatildi.

Unda Toshkent viloyatining Chinoz tumanidagi fermer xo‘jaliklari yer maydonlarida ham chigit ekish ishlari ko‘ngildagidek o‘tkazilayotgani va bu borada ko‘rilgan chora-tadbirlar haqida hikoya qilinadi.

Shuningdek, lavhada tumandagi “Do‘stlik” mahallasida kaftdek yerdan ham unumli foydalanayotgan va daromad olayotgan tomorqa yer egalariga yaratilayotgan imkoniyatlar, berilayotgan subsidiya va kreditlarga ham to‘xtalib o‘tilgan.

Aholi tomorqalarida foydalanilayotgan yangi texnologiyalarning samaradorligi qishloq xo‘jaligining yanada rivojlanishi va daromadlar miqdorining oshishiga turtki bo‘layotgani taʼkidlangan.

#repost #Ozbekiston_24 #maxsus_reportaj

WWW • TELEGRAM • FACEBOOK • YOUTUBE • INSTAGRAM

🎥"O‘zbekiston 24" telekanalining "Maxsus reportaj" dasturida "Qishloq xo‘jaligi sohasida yangicha yondashuvlar" mavzusida lavha efirga uzatildi.

Lavhada 100 ming gektar qo‘shimcha yerlarni aholiga ajratib berish borasida olib borilayotgan ishlar, ushbu hududlarda kooperatsiyalar tashkil etilishi va shu orqali qishloq xo‘jaligida o‘sish ko‘rsatkichlarini oshirish masalasiga eʼtibor qaratilgan. Xususan, Toshkent viloyatidagi aholiga 9 ming gektardan ortiq yer maydonini ajratib berish rejalashtirilgani, bu borada Bo‘ka tumanining tajribasi haqida hikoya qilinadi.

Eʼtiborlisi, ushbu maydonlarning o‘zida Qishloq xo‘jaligi vazirligi huzuridagi Tuproqshunoslik va agrokimyoviy tadqiqotlar institutining mobil laboratoriyalari mutaxassislari tomonidan tekshirish va tahlish ishlari olib borilib, yer egalariga tavsiya va tushuntirish ishlari berilmoqda.

#repost #Ozbekiston_24 #maxsus_reportaj

Vebsayt • Telegram • Facebook • YouTube • Instagram

🎥"O‘zbekiston 24" telekanalining "Maxsus reportaj" dasturi "Qishloq xo‘jaligida kutilgan tadqiqot: kartoshkachilikda milliy nav" mavzusiga bag‘ishlandi.

Dasturda dolzarb mavzu: kartoshkachilik va uning urug‘chiligiga eʼtibor qaratilib, ayni kunlarda mamlakatimiz yer maydonlarida ushbu mahsulot urug‘ligining to‘liq siklini yo‘lga qo‘yilganligi taʼkidlangan. Bunda respublikamizga shu paytgacha olib kirilgan, import kartoshkachilik o‘rnini bosadigan, hosildor, virus va bakteriyalardan, kasalliklardan holi bo‘lgan — milliy mahsulotimiz kartoshka urug‘liklarini arzon narxlarda mamlakatimizdagi fermer va dehqon xo‘jaliklariga yetkazib berish va shu orqali mahsulot tannarxini kamaytirish hamda aholi ehtiyojini qoplash ko‘zda tutilgan.

Lavhada mavzu bo‘yicha Qishloq xo‘jaligi vazirligi departament boshlig‘i o‘rinbosari Jamshid Abduzuhurov va vazirlik huzuridagi ilmiy-tadqiqot institutlari mutaxassislari o‘z-fikr-mulohazalarini bildirib o‘tishgan.

#repost #Ozbekiston_24 #maxsus_reportaj

WWW • TELEGRAM • FACEBOOK • YOUTUBE • INSTAGRAM