Kichik xo‘jalik va aholi tomorqasida yetishtirilgan qishloq xo‘jaligi mahsulotlarini O‘zbekiston respublika tovar-xom ashyo birjasida sotilishi yo‘lga qo‘yiladi

💬Bugun Qishloq xo‘jaligi vazirligida Iqtisodiyot va moliya vazirligi, Mahallabay ishlash va tadbirkorlikni rivojlantirish agentligi, O‘zbekiston respublika tovar-xom ashyo birjasi bo‘linmalari rahbarlari va mutaxassislari ishtirokida kichik xo‘jalik va aholi tomorqasida yetishtirilgan qishloq xo‘jaligi mahsulotlarini birjada sotish tizimini yo‘lga qo‘yish masalalari muhokama qilindi.

🟢Yig‘ilishda yangi mexanizmni joriy etish tadbirlari, jumladan ishlab chiqilgan normativ-huquqiy hujjat loyihasi, idoralarning elektron almashinuvini kengaytirish, qishloq xo‘jaligi mahsulotlari savdosida shaffoflikni oshirish, sotuvchi va xaridorlarga qulay xizmat ko‘rsatishni yo‘lga qo‘yish masalalarida fikr almashildi.

📌Shu o‘rinda klasterlar va fermer xo‘jaliklari o‘rtasida paxta xomashyosini yetkazib berish bo‘yicha fyuchers shartnomalari tuzish 2024-yildan boshlab birja savdolari orqali yo‘lga qo‘yilgani, bunda Qishloq xo‘jaligi vazirligi va O‘zbekiston respublika tovar-xom ashyo birjasining axborot tizimlaridan foydalanayotgani, Mahallabay ishlash va tadbirkorlikni rivojlantirish agentligining «Online mahalla» elektron platformasida dehqon xo‘jaligi va tomorqa yerlarida yetishtirilayotgan mahsulotlarini yuritilishi, kooperatsiyalarni rivojlantirish bo‘yicha tizimli ishlar yo‘lga qo‘yilgani ta’kidlandi.

✔️Mutaxassislar qishloq xo‘jaligi mahsulotlarini ishga tushirilayotgan “Uzex Agro” savdo portali orqali sotish amaliyotini yo‘lga qo‘yishda idoralarda mavjud texnik va dasturiy imkoniyatlardan foydalanish, shuningdek sotuvchi va xaridorlarga qulay savdo muhitini yaratish, bunda ma’lumotlarning ishonchligini oshirish, ortiqcha ovoragarchiliklarni istisno qilishda ma’lumotlar bazalarini yaratish masalalarini ko‘rib chiqishdi.

🔵Yig‘ilish yakunlari bo‘yicha yuqorida ko‘rsatib o‘tilgan yo‘nalishlarda tomonlarning elektron hamkorligini kuchaytirish, mahsulotlar sotuvini yo‘lga qo‘yishda amalga oshiriladigan tadbirlar kelishib olindi.

🌐Website 💬Telegram 💬Facebook 📺YouTube 📷Instagram