Yozning issiq kunlarida ekinlarni qanday qilib salqin va suvga to’yingan holda saqlash mumkin?

☀️Yozning jazirama haroratida o'simliklardagi suvga muhtojlik ortadi. Bu vaqtda suvni to'g'ri vaqt oralig'ida va belgilangan miqdorda berish talab etiladi.

📌Yoz faslida ekinlarni asosan ertalab sug'orish kerak. Bu issiqda bug'lanishidan oldin ildiz tizimiga ko'proq suv tushishiga imkon beradi. Sug’orishni kechqurun ham qilish mumkin, lekin, ekinlarni to’yintirib yubormaslik zarur. O’simliklardagi namlik doimo nazorat qilinishi lozim.

🌱O'simlik yuzasidagi suv tez bug'lanishini hisobga olsak, namlik ildiz tizimigacha yetib borishi uchun cho'ktiruvchi shlanglardan foydalanish samara beradi. Namlagich shlangidan foydalanishning yana bir afzalligi shundaki, u o'simliklarga suv berishni sekinlashtirishga ham imkon beradi.

✅Ba'zi o'simliklar kun davomida issiq haroratda cho'kishga moyil bo'ladi. Namlagich shlangi avtomatlashgan bo’lib, ekinlar poyi qurishni boshlashi bilanoq sekinlashtirilgan tarzda ildiz tizimiga suv yuboradi. Natijada hosildorlikka to’siq bo’ladigan ortiqcha issiqlikning oldi olinadi.

🌐Website 💬Telegram 💬Facebook 📺YouTube 📷Instagram

Milliy axborot platformasi: o‘zaro hamkorlikdagi yangi qadam

🟢Bugun Qishloq xo‘jaligi vazirligi binosida Milliy axborot platformasini ishga tushirish uchun vazirlik va idoralar bilan hamkorlikda olib boriladigan ishlarni samarali tashkil qilish masalasida yig‘ilish bo'lib o'tdi.

🟢Uchrashuvda Qishloq xo'jaligi vazirligi va tizim tashkilotlarining mas'ul xodimlari, Sog‘liqni saqlash vazirligi, Raqamli texnologiyalar vazirligi, Statistika agentligi, Iqtisodiyot va moliya vazirligi mas'ul vakillari ishtirok etdi.

💬Ishchi uchrashuvda O‘zbekiston Respublikasi Prezidentining 2024-yil 16-fevraldagi PF-36-son Farmoniga muvofiq Milliy axborot platformasini ishga tushirish masalasidagi istiqbolli takliflar tinglandi. Uning ahamiyati, undan foydalanishdagi yengilliklar borasida fikrlar tahlil qilindi.

✅Tadbirda so'z olganlar qayd etilgan topshiriq ijrosini belgilangan muddatda bajarish hamda hamkorlikda olib borilayotgan ishlarni yangi bosqichga olib chiqish, kelgusidagi rejalarni tizimli yo'lga qo'yish borasida o'zlarining xulosa va takliflarini bildirib o'tdilar.

🌐Website 💬Telegram 💬Facebook 📺YouTube 📷Instagram

Chegaradosh hududlarda amalga oshirilgan agroloyihalar sarhisob qilindi

🟢Bugun Poytaxtimizdagi “International” mehmonxonasida O‘zbekiston Respublikasi Qishloq xo‘jaligi vazirligi, Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) hamda Aholishunoslik jamg‘armasi (UNFPA) hamkorligida O‘zbekiston va Qirg‘izistonning chegaradosh hududlarida tinchlik o‘rnatish bo‘yicha qo‘shma loyiha yakunlari sarhisobiga bag'ishlangan tantanali tadbir bo‘lib o‘tdi.

🌐Unda Qishloq xo‘jaligi vazirligi hamda Oila va xotin-qizlar davlat qo‘mitasi mutasaddi xodimlari, diplomatik korpus vakillari va xalqaro ekspertlar, shuningdek, ikki qo‘shni davlatning chegaradosh hududlarida yashovchi 100 dan ortiq faollar ishtirok etdi.

▶️Ta’kidlash joizki, Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO) va Aholishunoslik jamg‘armasi (UNFPA) tomonidan amalga oshirilayotgan “Qirg‘iziston va O‘zbekistonning chegaradosh hududlarida hamkorlik orqali umumiy farovonlik” loyihasi 2022-yil iyun oyida boshlangan edi.

✅Mazkur loyiha BMT Bosh kotibining Tinchlik qurish jamg‘armasi tomonidan moliyalashtirilib, Farg‘ona vodiysi orqali o‘tuvchi chegaraning har ikki tomonida yaxshi qo‘shnichilik munosabatlarini mustahkamlashga qaratilgan. Shu maqsadda loyiha qishloq xo‘jaligi va boshqa muhim ijtimoiy-iqtisodiy sohalarda hamkorlikni rivojlantirishga yo‘naltirilgan bo‘lib, Qirg‘iziston va O‘zbekistonning chegaradosh hududlarida ayollar va yoshlar imkoniyatlarini kengaytirishga alohida e’tibor qaratdi. Shuningdek, loyiha doirasida Qirg‘izistonning Jalolobod va O‘sh viloyatlari, shuningdek, O‘zbekistonning Namangan va Andijon viloyatlaridagi bir qator qishloqlar ham qamrab olindi.

🟢Ushbu loyihaning erishilgan asosiy yutuqlaridan biri 700 dan ortiq kishini birlashtirgan 66 ta o‘z-o‘ziga yordam guruhlarining (O‘YoG) tashkil etilgani bo‘ldi. E’tiborlisi, bu guruh ishtirokchilarining 90 foizi ayollardan iboratdir.

🌐Website 💬Telegram 💬Facebook 📺YouTube 📷Instagram