DENOV TUMANIDA G‘ALLA EKISH MAVSUMIGA BAG‘ISHLANGAN SEMINAR TASHKIL ETILDI

🌱Surxondaryo viloyati Denov tumanining “G‘alaba” hududidagi “Denov oltin yerlari” fermer xo‘jaligi dalasida g‘alla ekish mavsumiga tayyorgarlik jarayonlari yuzasidan ko‘rgazmali seminar o‘tkazildi.

✅Tumanda 2024-yil hosili uchun 365 ta fermer xo‘jaliklarining jami 9 077 gektar, shundan 1 366 gektar ochiq maydonlarida, 7 711 gektar g‘o‘za qator oralariga g‘alla ekish rejalashtirilgan bo‘lib, tadbirni uyushqoqlik bilan olib borish uchun 15 ta otryad tashkil etilgan. Mavsum uchun sifatli va serhosil g‘alla navlaridan 2 269 tonna urug‘lik don, 1 815 tonna fosforli, 908 tonna kaliyli mineral o‘g‘itlar hamda 681 tonna yoqilg‘i-moylash materiallari jamg‘arish rejalashtirilgan.

✅Seminarda viloyat hokimi Ulug‘bek Qosimov ishtirok etib, olib borilayotgan ishlar yuzasidan soha mas’ullari va tuman mutasaddilarining axborotini tingladi. G‘alla ekish mavsumiga puxta hozirlik ko‘rish, don ekish otryadlarining samarali faoliyat yuritishi uchun zarur sharoitlarni yaratish, texnikalarning shayligini ta’minlash bo‘yicha vazifalarni belgilab berdi.

#Denov #galla #seminar #qishloqxojaligi

🌐Website💬Telegram💬Facebook📺YouTube📷Instagram

QISHLOQ XO‘JALIGINI MEXANIZATSIYALASHTIRISHDA YANGI IMKONIYATLAR

🔰Qishloq xo‘jaligi vazirligi huzuridagi Qishloq xo‘jaligini mexanizatsiyalash ilmiy-tadqiqot institutida xorijiy hamkorlar bilan uchrashuvlar o‘tkazildi.

✅BMTning Pekinda joylashgan Osiyo va Tinch okeani uchun iqtisodiy va ijtimoiy komissiyasi (ESCAP)ning mintaqaviy muassasasi – Barqaror qishloq xo‘jaligini mexanizatsiyalash markazi (CSAM) vakili Qiang Li bilan onlayn ko‘rinishda o‘tkazilgan uchrashuvda hamkorlik imkoniyatlari muhokama qilindi.

✅Unda Qishloq xo‘jaligini mexanizatsiyalash ilmiy-tadqiqot instituti direktori Shuhrat Azizov institutning ilmiy salohiyati, amalga oshirilayotgan loyihalar haqida so‘zlab berdi.

✅Muloqot davomida tomonlar qishloq xo‘jaligini mexanizatsiyalashtirishda xorij tajribalarini o‘rganish va o‘zaro almashish, agrar sohadagi yosh olimlarning malakasini oshirish, dargohning moddiy-texnik bazasini mustahkamlash masalalarini muhokama qildilar.

✅Muloqotda BMT Oziq-ovqat va qishloq xo‘jaligi tashkiloti (FAO)ning O‘zbekistondagi vakolatxonasi vakili ham ishtirok etdi.

✅Shuningdek, Hindistonning eng yirik qishloq xo‘jaligi texnikasi ishlab chiqaruvchilaridan biri “AGROSAW” kompaniyasi vakili Sahil Panchal bilan uchrashuv ham bo‘lib o‘tdi. Unda har ikki tomon uchun samarali hamkorlik rejalari tuzib olindi.

#mexanizatsiya #qishloqxojaligi

🌐Website💬Telegram💬Facebook📺YouTube📷Instagram

QISHLOQ XO‘JALIGI MUTAXASSISLARI ERONDA AMALIYOT O‘TAYDI

🔰Eron Qishloq xo‘jaligi vaziri o‘rinbosari, Qishloq xo‘jaligi ilmiy tadqiqot, ta’lim tashkiloti direktori Mojtaba Khayam Nekouei boshchiligidagi delegatsiya O‘zbekistonga tashrif buyurdi.

✅Tashrif doirasida delegatsiya vakillari va O‘zbekiston Qishloq xo‘jaligi vazirining o‘rinbosari Alisher Shukurov o‘rtasida ikki tomonlama uchrashuv bo‘lib o‘tdi. Shuningdek, eronliklar Qishloq xo‘jaligida bilim va innovatsiyalar milliy markazi faoliyati bilan ham tanishishdi.

✅Uchrashuvlar chog‘ida qishloq xo‘jaligi sohasida qo‘shma innovatsion tadqiqotlarni amalga oshirish, soha tarmoqlarining malakali mutaxassislarga bo‘lgan joriy va istiqboldagi ehtiyojlarini hisobga olgan holda kadrlarni qayta tayyorlash va ularning malakasini oshirish ishlarini samarali tashkil etish masalalari muhokama qilindi.

✅Shuningdek, qishloq xo‘jaligida innovatsiyalardan foydalanib, ishlab chiqarish samaradorligini oshirish asosiy masalalardan biri ekanligi qayd etildi. Jumladan, oziq-ovqat xavfsizligi, pistachilikni rivojlantirish va pista navlarini yaratish borasida tadqiqot ishlarini amalga oshirish bo‘yicha hamkorlik qilish istiqbollarini ko‘rib chiqildi. Eron tomoni ushbu yo‘nalishda tajriba almashishga tayyorligini bildirdi.

✅Uchrashuvlar yakunida Yosh olimlarning xorijiy ilmiy markazlar va universitetlarda qisqa muddatli ilmiy amaliyotini tashkil etish va buni moliyalashtirish to‘g‘risidagi shartnoma imzolandi.

✅Ushbu shartnoma asosida joriy yilning oktyabr oyidan boshlab 7 nafar o‘zbekistonlik mutaxassislar biotexnologiya, veterinariya, bog‘bonchilik, urug‘chilik, o‘rmonchilik, mexanizatsiya va vaksinatsiya yo‘nalishlari bo‘yicha “AREEO” da amaliyot o‘tash maqsadida Eronga borishadi.

#Eron #qishloqxojaligi #innovatsiya #delegatsiya

🌐Website💬Telegram💬Facebook📺YouTube📷Instagram