Andijonda sholi pishmoqda

🍚 Jahon bozorida guruch – eng talabgor mahsulotlardan biri. Qadimgi ekin turlaridan bo‘lgan sholi hozir ham dunyo aholisining uchdan bir qismi uchun asosiy ozuqa manbaidir. BMTning Oziq-ovqat va qishloq xo‘jaligi tashkiloti (FAO) ma’lumotlariga ko‘ra, dunyo bo‘yicha 160 million gektarga yaqin sholi ekilib, 750 million tonnadan ortiq hosil olinmoqda ekan.

🇺🇿Andijonda ham yuqori hosil olish va sifatli sholi urug‘ligini yetishtirish bo‘yicha bir qator ishlar amalga oshirilmoqda. Jumladan, aprel oyida tajriba sifatida ekilgan o‘rtapishar, serhosil “Iskandar” navli sholi ko‘chatlari yozning qoq o‘rtasi – iyulda pishib yetilishi va uning ortidan ikkinchi hosil uchun yana ertapishar sholi ko‘chatlarini yerga qadalishi bu tajribalarning ilmiy asoslanganligi bilan chambarchas bog‘liqdir.

📈 Mana shu tajribalarni yuqori ko‘rsatkichlarga olib chiqish va keng joriy qilish maqsadida institut va KOPIA markazi bilan hamkorlikda dala seminari tashkil etildi. Unda sholikor fermerlar va dehqonlar, soha olimlari ishtirok etdi.

🌾 Seminar ishtirokchilariga sholini ko‘chat usulida ekishning afzalliklari, olib borilayotgan tajribaning ilmiy asoslanganligi, sifatli sholi urug‘ligini yetishtirish masalalarida tushunchalar berildi. Ko‘pchilik fermerlar tomonidan kelgusi yilda ushbu tajribalarni o‘z dalasida qo‘llash istagi paydo bo‘ldi.

🌐Website 💬Telegram 💬Facebook 📺YouTube 📷Instagram

Andijonda yetishtirilayotgan qalampir Xitoyga eksport qilinadi

🇺🇿🇨🇳O'zbekiston-Xitoy o'zaro tovar almashinuvida qishloq xo'jaligi tarmog'i alohida o'rin egallaydi. 2023-yilning dekabr oyida xitoylik sarmoyadorlar bilan hamkorlikda “Tianjiao hongan agriculture hightech” korxonasi tashkil etilib, korxonaga ajratilgan dala maydonlarida hozirda eksportbop qalampir mahsulotlari yetishtirilmoqda. Olinadigan hosil bozori aniq – mahsulot Xitoy provinsiyalariga eksport qilinadi.

🔰Qishloq xo‘jaligi vazirligi huzuridagi O‘simliklar karantini va himoyasi agentligi Andijon viloyati boshqarmasi inspektorlari tomonidan mahsulotni Xitoy fitosanitariya talablariga javob beradigan darajada yetishtirish, zararkunanda va begona o'tlardan asrash borasida tavsiyalar berilib, amaliy yordam ko'rsatilmoqda.

📦Shuningdek, mutaxassislar tomonidan qadoqlash korxonasida zarur bo'lgan sharoitlarni yaratish yuzasidan ham tavsiyalar berildi. Xitoy tomoni talablari bajarilganidan so'ng qadoqlash korxonasi maxsus reyestrga kiritiladi va Xitoyga eksport qilishga mo'ljallangan mahsulotlarni qadoqlash huquqiga ega bo'ladi.

🌐Website 💬Telegram 💬Facebook 📺YouTube 📷Instagram

👍👍👍👍👍👍👍

Qishloq xo‘jaligi ekinlarining sug‘orish rejimi

ℹ️Sug‘orish rejimi – sug‘oriladigan maydonlarning tabiiy va xo‘jalik sharoitlarini hamda o‘simlikning biologik xususiyatlarini inobatga olgan holda belgilanadigan sug‘orish me’yorlari, muddatlari va sonlarining jamlanmasidir.

🖋 O‘simlik rivojlanishining maqbul sharoitlari quyida keltirilgan:
– havo namligi - 40-50%;
– havo harorati - 14-22°C;
– tuproq ildiz qatlamdagi namlik - (0,6-0,8)TNS;
– xlor va natriyning tuzlarini bo‘lmasligi.

📄Qishloq xo‘jaligi ekinlarining sug‘orish rejimiga ta’sir etuvchi omillar:

• Iqlim sharoiti: havo harorati, yog‘in miqdori va uning yil oylari bo‘yicha taqsimlanishi, havo namligi va bug‘lanishi, shamolning kuchi, yo‘nalishi va takroriyligi.
• Tuproq sharoiti: tuproqning mexanik tarkibi, suv-fizik xossalari, sho‘rlanish darajasi va turi.
• Gidrogeologik sharoitlar: yer osti suvlarining sathi, minerallashganligi va ularning o‘zgarishi.
• Iqtisodiy–xo‘jalik sharoitlari: tuproq unumdorligi, agrotexnika ekinning hosildorligi.
• Qishloq xo‘jaligi ekinlarining turi: g‘o‘za, kuzgi bug‘doy, sabzavot ekinlari, bog‘, uzumzorlar va boshqalar.
• Qishloq xo‘jaligi ekinlarining biologik xususiyatlari: o‘simliklarning navlari, suvga, tuzga va issiqlikka munosabati.
• Sug‘orish usuli va texnikasi: yer ustidan, tomchilatib, yomg‘irlatib va boshqa usullar va texnikalar.

🌐Website 💬Telegram 💬Facebook 📺YouTube 📷Instagram

Oziq-ovqat mahsulotlari sifati qat’iy nazorat qilinmoqda

ℹ️Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi Surxondaryo viloyati boshqarmasining mutaxassis xodimlari tomonidan aholini sifatli oziq-ovqat mahsulotlari bilan ta’minlash maqsadida dehqon bozorlarida nazorat tadbirlari olib borilmoqda.

✔️ Xususan, Sho‘rchi tumani veterinariya va chorvachilikni rivojlantirish bo‘limi va tashxis markazi xodimlari tomonidan aholini sifatli oziq-ovqat mahsulotlari bilan ta’minlash borasida tumanda mavjud dehqon bozorlarida nazorat tadbirlari olib borilmoqda.

🟢Shuningdek, mahsulotlarni saqlash va bu borada xavfsizlik choralarini ko‘rish bo‘yicha tadbirkorlarga muntazam ravishda tushuntirish va targ‘ibot ishlari ham olib borilmoqda.

🌐Website 💬Telegram 💬Facebook 📺YouTube 📷Instagram