Agrosanoat tizimida ijtimoiy sherikchilik munosabatlari

🟢Bugun Toshkent davlat agrar universitetida “Agrosanoat tizimida ijtimoiy sherikchilik munosabatlarini mustahkamlash, tarmoq jamoa kelishuvlari ijrosi hamda yangi qabul qilinayotgan kelishuvlar” mavzusida seminar tashkil etildi.

✅Unda Qishloq xo‘jaligi vaziri maslahatchisi – ijtimoiy mehnat masalalari komissiyasi a’zosi Eshmirza Abdualimov, O‘zbekiston ASM xodimlari kasaba uyushmasi Respublika kengashi raisi o‘rinbosari Erkin Bayniyazov hamda vazirlik, qo‘mita va uyushmalarning “Ijtimoiy mehnat masalalari komissiyasi” a’zolari ishtirok etishdi.

🟢Seminarda tizimda faoliyat yuritayotgan xodimlar uchun yaratilayotgan shart-sharoitlar to‘g‘risida hozirgi kundagi holatlar tahlil qilindi hamda bir qancha fikrlar tinglandi. Shuningdek, tarmoq jamoa kelishuvlari ijrosini ta’minlash yuzasidan kelgusida amalga oshirilishi lozim bo‘lgan chora-tadbirlar xususida so‘z yuritildi.

📌Eshmirza Abdualimov o‘z navbatida, tizimda qilinishi kerak bo‘lgan bir qancha ishlar yuzasidan takliflarini bildirib, Kasaba uyushmalarining faoliyatini yuqori bo‘g‘indan tortib, quyi bo‘g‘ingacha muvofiqlashtirish, har bir tashkilotda ish faoliyatini olib borayotgan Kasaba uyushmasi xodimlariga shart-sharoitlarini yaratish, texnik bazasini yaxshilash borasidagi takliflarni o‘rtaga tashladi.

❗️Seminar asosini konstruktiv muloqot tashkil etdi. Bunda eng asosiysi hozirgi holatni buzmagan holda kelgusida qilinishi lozim bo‘lgan ishlar ko‘lami belgilab olindi.

🌐Website 💬Telegram 💬Facebook 📺YouTube 📷Instagram

👍👍👍👍👍👍👍👍

Rossiya rekord darajada hosil terib oldi

🇷🇺 2023-yilda Rossiya g‘alla yetishtirish bo‘yicha rekord darajaga yetib, 143 million tonna hosil oldi. Yangi hududlarni hisobiga esa jami 147 million tonnani tashkil etdi.

💸 Rossiya qishloq xo‘jaligi mahsulotlarini sof eksport qiluvchi maqomini tasdiqladi va eksportdan 45 milliard dollardan ortiq daromad oldi.

🐄 Chorvachilik sohasida sut ishlab chiqarishni 0,5 million tonnaga, go‘shtni 300 ming tonnaga oshirdi.

🐟Baliqchilik sanoatida 600 ming tonnadan ortiq losos ishlab chiqarish bo‘yicha dunyoda yetakchiga aylandi.

🍁 2024-yilda hosil uchun kuzgi ekinlar maydoni 20 million gektarni tashkil etib, bu o‘tgan yilga nisbatan 1 million gektarga ko‘pdir.

🌐Website 💬Telegram 💬Facebook 📺YouTube 📷Instagram

“Gender budjetlashtirish” tizimi joriy etiladi

🇺🇳Bugun Qishloq xo‘jaligi vazirligida Xalqaro hamkorlik va reytinglar boshqarmasi boshlig‘i Firuza Xodjayeva “BMT-Ayollar” mintaqaviy idorasining O‘zbekistondagi vakillari bilan uchrashdi.

📌 Uchrashuvda Qishloq xo‘jaligida gender tengligi va ayollarning imkoniyatlarini kengaytirishga qaratilgan strategiyalar va ilg‘or amaliyotlarni joriy etish, xususan, gender tengligini targ‘ib qilish, qishloq xo‘jaligida ayollarning o‘rnini oshirish, ularni iqtisodiy tomonlama rag‘batlantirish masalalari muhokama markazida bo‘ldi.

✅ O‘z navbatida “BMT-Ayollar” mintaqaviy idorasi vakillari Qishloq xo‘jaligi vazirligi bilan hamkorlikda “Gender byudjetlashtirish” tizimini O‘zbekistonda joriy qilish masalasini o‘rtaga tashladi. Asosiy maqsad — genderga yo‘naltirilgan byudjetlashtirish sohasidagi hamkorlik istiqbollarini belgilab olish ekani qayd etildi.

🤝 Uchrashuv so‘ngida tomonlar ishchi guruh faoliyatini maqbullashtirish hamda “Gender byudjetlashtirish” tizimini tez fursatda yakuniy jarayonlarini ko‘rib chiqish borasida kelishib oldi.

🌐Website 💬Telegram 💬Facebook 📺YouTube 📷Instagram