Kartoshkachilik sohasi yangi bosqichga olib chiqilmoqda

✅ Joriy yilning 4-5 dekabr kunlari qadimiy va hamisha navqiron Samarqand shahrida O‘zbekiston va Belarus o‘rtasidagi hamkorlik bo‘yicha hukumatlararo komissiya yig‘ilishi, shuningdek, O‘zbekiston-Belarus biznes-forumi bo‘lib o‘tdi.

📌 Unda, xalqaro hamkorlik aloqalarini mustahkamlash masalalariga qaratilgan bir qator uchrashuvlar o‘tkazildi.

⏺Jumladan, Qishloq xo‘jaligi vazirligi huzuridagi Sabzavot, poliz ekinlari va kartoshkachilik ilmiy-tadqiqot instituti direktori Nizomov Rustam Axrolovich hamda Belarus Milliy Fanlar Akademiyasi Meva-sabzavotchilik va kartoshkachilik ilmiy-amaliy markazi direktori Maxanko Vadim Leonidovich o‘rtasida uchrashuv bo‘lib o‘tdi.

🥔 Unda agrar sohada kartoshkaning yangi navini yetishtirish, kartoshka seleksiyasini tashkil etish, “in-vitro” usulida kartoshka urug‘chiligining yangi texnologiyalarini tadqiq qilish, xalqaro qo‘shma loyihalar doirasida tadqiqotlar o‘tkazish, soha xodimlari malakasi oshirish kabi qator masalalar muhokama qilindi.

🤝 Shuningdek, uchrashuv so‘nggida ikki ilmiy muassasa o‘rtasida kartoshkachilik sohasini rivojlantirish va yangi navni amaliyotga tatbiq etishga qaratilgan hamkorlik memorandumi imzolandi.

🌐Website 💬Telegram 💬Facebook 📺YouTube 📷Instagram

Agroinspeksiya tizimi to‘liq raqamlashtiriladi

✅ Davr taraqqiyoti, axborot texnologiyalarining hayotimizdan chuqur o‘rin egallab borayotgani har bir sohada o‘z so‘zini aytmoqda. Jumladan, qishloq xo‘jaligi sohasida ham raqamlashtirish, zamonaviy axborot texnologiyalaridan unumli foydalanishni bugungi davrning o‘zi taqozo etmoqda.

⏺ Jumladan, Qishloq xo‘jaligi vaziri Ibrohim Abdurahmonov boshchiligida vazirlik huzuridagi Agrosanoat majmui ustidan nazorat qilish inspeksiyasining qishloq xo‘jaligiga integratsiya qilish masalalariga bag‘ishlangan yig‘ilishda ham ayni shu masalalar xususida so‘z bordi.

📌 Dastavval yig‘ilishda, Agrosanoat majmui ustidan nazorat qilish inspeksiyasi boshlig‘i Abrol Vaxabov Inspeksiya tomonidan joriy yil davomida amalga oshirilgan ishlar va kelgusi yilda bajariliji rejalashtirilgan 5 ustuvor yo‘nalish doirasidagi taqdimoti bilan tanishtirib o‘tdi.

🖥 Qishloq xo‘jaligi vaziri Ibrohim Abdurahmonov Inspeksiyani integratsiyasidagi asosiy vositasi sohani raqamlashtirish ekani, bu borada aniq maqsadlarni o‘zida aks ettirgan dastur yoki yo‘l xarita ishlab chiqish zarurligini qayd etdi.

🔗 Yig‘ilish asosini konstruktiv muloqot tashkil etdi. Fikrlar tinglandi. Inspeksiyaning sohadagi rolini oshirish yuzasidan bir qator taklif va tavsiyalar berildi.

🌐Website 💬Telegram 💬Facebook 📺YouTube 📷Instagram

Yangi konstitutsiyaviy normalarning mazmun-mohiyati tushuntirildi

🇺🇿 Qishloq xo‘jaligi vazirligi huzuridagi Agrosanoatni raqamlashtirish markazida 8- dekabr – O‘zbekiston Respublikasi Konstitutsiyasi qabul qilingan kun munosabati bilan seminar o‘tkazildi.

🟢 Agrosanoatni raqamlashtirish markazi xodimlari ishtirok etgan ushbu tadbirdan ko‘zlangan maqsad har bir xodimning huquqiy targ‘ibot yo‘nalishi bo‘yicha huquqiy savodxonligini oshirish, ularni qonunchilikdagi so‘nggi o‘zgartirishlarning mazmun-mohiyati bilan tanishtirishdan iborat.

⏩ Tadbirda markaz huquqshunosi Zebo Masharipova so‘zga chiqib O‘zbekiston Respublikasining Yangi tahrirdagi Konstitutsiyasiga kiritilgan o‘zgartirishlar joriy yil 30-aprelda bo‘lib o‘tgan umumxalq referendumi orqali ma'qullangani va Yangi Konstitutsiyaning eng ustuvor yo‘nalishi sifatida insonlar va fuqarolarning asosiy shaxsiy huquq va erkinliklarini ta’minlashning konstitutsiyaviy kafolatlari kuchaytirilgani haqida ta’kidlab o‘tdi.

✅ Seminarda aytib o‘tilganidek, joriy yil 1-maydan boshlab kuchga kirgan Yangi tahrirdagi mazkur Konstitutsiya – O‘zbekiston Respublikasining butun hududida ustun bo‘lgan va davlat hokimiyatini tashkil etishning asosiy tamoyillarini, shuningdek, jamiyat va davlat tuzilishini hamda ular o‘rtasidagi munosabatlarni belgilovchi davlatning asosiy qonunidir.

🔗 Tadbir davomida markaz xodimlarining konstitutsiyaviy bilimlarini oshirish maqsadida Yangi tahrirdagi Konstitutsiyada 27 ta yangi modda kiritilib, ular soni 128 tadan 155 taga oshgani, normalar soni 275 tadan 434 taga ko‘payib 65 foizga yangilangan ushbu qomusimizning mazmun-mohiyatini tushuntirildi.

🌐Website 💬Telegram 💬Facebook 📺YouTube 📷Instagram