“Istiqbol umidlari” tanlovining navbatdagi bellashuvi o'tkazildi

🏆 2023-yil 26-oktyabr kuni Toshkent davlat agrar universitetida “Istiqbol umidlari” tanlovining uchinchi kuni o‘tkazildi.
 
Tanlovning uchinchi kunidagi saralash bosqichida Vazirlik tizimidagi Ilmiy-tadqiqot institutlarida faoliyat yuritayotgan yosh xodimlardan iborat Akademik M.Mirzayev nomidagi bog‘dorchilik, uzumchilik va vinochilik ilmiy-tadqiqot institutining “Yosh bog‘bonlar”, Sholichilik ilmiy-tadqiqot institutining “Sholikor”, Don va dukkakli ekinlar ilmiy-tadqiqot institutining “Oltin boshoq”, Don sholi ilmiy ishlab chiqarish birlashmasining “Aral”, “O‘zdaverloyiha” ilmiy-loyihalash institutining “Yer tuzuvchilar” hamda Tuproqshunoslik va agrokimyoviy tadqiqotlar institutining “Tuproqshunos” jamoalari o‘zaro bellashdilar.
 
🔸 Jamoalar 3 ta shart: “Taraqqiyot ovozi”, “Blis” savol-javob va “Muammo va yechim” doirasida musobaqalashdi.
Yakunda Tuproqshunoslik va agrokimyoviy tadqiqotlar institutining “Tuproqshunos” jasmoasi 3-o‘rinni, Don va dukkakli ekinlar ilmiy-tadqiqot institutining “Oltin boshoq" jamoasi 2-o‘rinni egallagan bo‘lsa, faxrli 1-o‘rinni “O‘zdaverloyiha” ilmiy-loyihalash institutining “Yer tuzuvchilar” jamoasi qo‘lga kiritdi.
 
Musobaqaning 1-2-3-o‘rin sohiblariga maxsus diplomlar topshirilgan bo‘lsa, faol qatnashgan qolgan jamoalar tashakkurnomalar bilan taqdirlanishdi.

🌐Website💬Telegram💬Facebook📺YouTube📷Instagram

🔍 KOREYANING “AQLLI ISSIQXONALAR” TEXNOLOGIYASI O‘RGANILMOQDA

🤝Bugun Qishloq xo‘jaligi vazirligi, Toshkent Davlat Agrar universiteti va Janubiy Koreyaning “Camtic” kompaniyasi vakillari hamkorligida oliygoh talabalari uchun “Aqlli issiqxonalar” bo‘yicha Koreya tajribasini o‘rganish yuzasidan 10-kunlik o‘quv-seminar tashkil etildi.
Mazkur o‘quv-seminar “O‘zbekistonda aqlli qishloq xo‘jaligi sanoat texnologiyalari innovatsion markazini tashkil etish” loyihasi doirasida o‘tkazilmoqda.

✅ Ushbu loyiha asosida universitetning 50 nafar saralab olingan talabalarini koreyalik mutaxassislar tomonidan 3,5 yil davomida “Aqlli issiqxonalar”ni kompyuter dasturlari orqali boshqarish jarayonlari, issiqxonalarni raqamlashtirish borasidagi Koreya tajribasi, uning afzalliklari va imkoniyatlari bo‘yicha o‘z bilim, ko‘nikmalarini dastlabki bosqichdan boshlab o‘qitadilar.

O‘quv-seminarning yakunida talabalarga sertifikatlar va sovg‘alar topshiriladi.

🌐Website💬Telegram💬Facebook📺YouTube📷Instagram

“Istiqbol umidlari” tanlovining navbatdagi musobaqasi o'tkazildi

🏆 2023-yil 27-oktyabr kuni Toshkent davlat agrar universitetida “Istiqbol umidlari” tanlovining to'rtinchi kuni o‘tkazildi.
 
Tanlovning to'rtinchi kunidagi saralash bosqichida Vazirlik tizimidagi Ilmiy-tadqiqot institutlarida faoliyat yuritayotgan yosh xodimlardan iborat Baliqchilik ilmiy-tadqiqot institutining “Omadli” , Chorvachilik va parrandachilik ilmiy-tadqiqot institutining “Chorvadorlar”, O‘simliklar karantini va himoyasi ilmiy-tadqiqot institutining “Yosh karantinchilar” hamda Ipakchilik ilmiy-tadqiqot institutining “Ziyo” jamoalari o‘zaro bellashdilar.
 
🔸 Jamoalar 3 ta shart: “Taraqqiyot ovozi”, “Blis” savol-javob va “Muammo va yechim” doirasida musobaqalashdi.
Yakunda Baliqchilik ilmiy-tadqiqot institutining “Omadli” jasmoasi 3-o‘rinni, Chorvachilik va parrandachilik ilmiy-tadqiqot institutining “Chorvadorlar” jamoasi 2-o‘rinni egallagan bo‘lsa, faxrli 1-o‘rinni O‘simliklar karantini va himoyasi ilmiy-tadqiqot institutining “Yosh karantinchilar” jamoasi qo‘lga kiritdi.
 
Musobaqaning 1-2-3-o‘rin sohiblariga maxsus diplomlar topshirilgan bo‘lsa, faol qatnashgan qolgan jamoalar tashakkurnomalar bilan taqdirlanishdi.

🌐Website💬Telegram💬Facebook📺YouTube📷Instagram