VENGRIYA KOMPANIYASI BILAN HAMKORLIK YO‘NALISHLARI BELGILAB OLINDI

🤝Qishloq xo‘jaligi vazirligida Vengriyaning “KITE GROUP” kompaniyasi delegatsiyasi bilan uchrashuv o‘tkazildi.

O‘zbekistonda keng qamrovli tashrif bilan bo‘lgan Vengriyaning “KITE GROUP” kompaniyasi bosh direktori Levente Szabo boshchiligidagi ushbu delegatsiya Qishloq xo‘jaligi vazirligida ham bo‘lib, vazirlik mutasaddilari bilan uchrashdi.

Uchrashuvda O‘zbekiston  tomoniga rahbarlik qilgan Qishloq xo‘jaligi vazirining o‘rinbosari Umid Mamadaminov mehmonlarni mamlakat qishloq xo‘jaligining bugungi holati bilan tanishtirdi va ayni paytda Prezidentimiz boshchiligida yurtimizda keng ko‘lamli islohotlar amalga oshirilib, qulay sarmoyaviy muhit yaratilayotgani yirik xorijiy korxonalar bilan ishlashda yangi istiqbollar ochayotganini ta'kidladi.

#xalqaro_hamkorlik #tashrif #uchrashuv #delegatsiya #qishloq_xojaligi #KITE_GROUP

Vebsayt • Telegram • Facebook • YouTube • Instagram

O‘ZBEKISTON VA TURKIYA: AGRAR SOHANI SUG‘URTALASH

🤝15-may kuni Turkiyaning agrosug‘urta sohasi vakillari agrar sohani sug‘urtalashga oid hamkorlikka erishish maqsadida Qishloq xo‘jaligi vazirligiga tashrif buyurishdi.

Dastlab, Qishloq xo‘jaligining tarkibiy tuzilmasidan tortib, mamlakatimizning yer maydoni va demografik holati, qishloq xo‘jaligi ekin maydonlari kabi muhim maʼlumotlarni Vazirlikning Statistik tahlil boshqarmasi boshlig‘i Nodirjon Sadriddinov uchrashuv ishtirokchilari eʼtiboriga taqdim etdi.

Shundan so‘ng mehmonlar mamlakatimizdagi yer maydonlari va unda kechayotgan degradatsiya jarayonlarining oldini olish borasida qilinayotgan ishlarga qiziqish bildirishdi. Ushbu savollarga Qishloq xo‘jaligi vazirligi Yerlar degradatsiyasiga qarshi kurashish masalalari departamenti mudiri Oybek Soatov batafsil javob qaytardi.

#xalqaro_hamkorlik #tashrif #uchrashuv #delegatsiya #qishloq_xojaligi #agrosugurta #Ozbekiston #Turkiya

Vebsayt • Telegram • Facebook • YouTube • Instagram

SUV XO‘JALIGIDA DAVLAT-XUSUSIY SHERIKLIKNI KENGAYTIRISH SAMARADORLIGI O‘RGANILDI

💧Samarqand viloyatida suv resurslaridan oqilona foydalanish hamda bu sohada davlat-xususiy sheriklikning istiqbollariga bag‘ishlangan respublika miqyosidagi ko‘rgazmali seminar o‘tkazildi.

Samarqand viloyati Narpay tumanida 53 km kanal va 271,9 km kollektor tarmog‘i hamda 8 ta nasos stansiyasi davlat-xususiy sheriklik shartlari asosida 10 yil muddatga “Maroqand Sifat” MChJ boshqaruviga berilgan. Loyihaning umumiy qiymati 462,8 mlrd so‘m bo‘lib, dastlabki yillarda xususiy sherik tomonidan 31,1 mlrd so‘m investitsiya kiritish belgilangan.

Sheriklik o‘z samarasini bermoqda – hozirga qadar yettita nasos stansiyasida jami summasi 795,5 mln so‘mga teng 7 ta nasos agregati ta'mirlandi hamda 4 880 mln so‘mga 2 ta gusenitsali ekskavator, 2 ta avtosamasval sotib olindi.

#seminar #suv_xojaligi #kollektor #nasos_agregati #investitsiya #Samarqand

Vebsayt • Telegram • Facebook • YouTube • Instagram

QISHLOQ XO‘JALIGI TIZIMIDA SUGʻURTALASHNING TURKIYA MODELI MUHOKAMA ETILDI

🇺🇿🤝🇹🇷
Shu kunlarda O‘zbekistonda Turkiya agrosug‘urta sohasi vakillaridan iborat delegatsiya ishchi tashrif bilan bo‘lib turibdi.

Agrosug‘urta tizimini takomillashtirish, sug‘urtalash orqali qishloq xo‘jaligi korxonalarini qo‘llab-quvvatlashda Turkiya tajribasini o‘rganishga alohida e'tibor berilgan. Bu borada ikki mamlakat vazirlarining o‘zaro muloqotlarida ham fikr almashilgandi. Mana shu hamkorlik davomi o‘laroq, bugun O‘zbekiston Qishloq xo‘jaligi vazirligida Turkiyaning “TARSIM” sug‘urta kompaniyasi vakillari bilan uchrashuv o‘tkazildi.

Uchrashuvda qishloq xo‘jaligi vaziri Aziz Voitov agrosug‘urta  sohasidagi Turkiya tajribasiga yuqori baho berib, O‘zbekiston sharoitida uni qo‘llash yaxshi natija berishiga umid bildirdi.

“TARSIM” kompaniyasi bosh direktori va direktorlar kengashi a'zosi Bekir Engurulu Turkiya tomoni O‘zbekiston qishloq xo‘jaligini sug‘urtalash sohasida hamkorlikka tayyor ekanini bildirdi va bu yo‘lda dastlab qilinishi lozim bo‘lgan ishlarni belgilab olishni taklif etdi.

Uchrashuvda O‘zbekistonda agrosug‘urta tizimini tashkil etish va rivojlantirishdagi hamkorlik ishlarini jadal boshlash, bu borada ishchi guruh tuzib, “Yo‘l xaritasini” ishlab chiqishga kelishib olindi. Shuningdek, hamkorlik uchun mustahkam zamin o‘laroq, O‘zR Qishloq xo‘jaligi vazirligi va Turkiya Qishloq va o‘rmon xo‘jaligi vazirligi o‘rtasida Anglashuv memorandumini imzolash masalasi ko‘rildi.

#xalqaro_hamkorlik #vazir #tashrif #uchrashuv #delegatsiya #qishloq_xojaligi #agrosugurta #memorandum #Ozbekiston #Turkiya #TARSIM

Vebsayt • Telegram • Facebook • YouTube • Instagram

O‘ZBEKISTON QISHLOQ XO‘JALIGI VA OZIQ-OVQAT MAHSULOTLARI “TUTTO FOOD” XALQARO KO‘RGAZMASIDA

🔰O‘zbekiston Respublikasi Qishloq xo‘jaligi vazirligi vakillari hamda mahalliy tadbirkorlardan iborat mamlakatimiz delegatsiyasi Italiyaning Milan shahrida bo‘lib o‘tgan “TUTTO FOOD” Xalqaro oziq-ovqat ko‘rgazmasida ishtirok etdi.

Bu yilgi ko‘rgazmada ham dunyoning 100 ga yaqin davlatidan oziq-ovqat tarmog‘ida faoliyat yurituvchi 2 500 dan ziyod kompaniyalar o‘z mahsulotlarini namoyish etishdi. Shuningdek, davlatimizdagi 21 ta korxona tomonidan ishlab chiqarilgan 34 turdagi oziq-ovqat mahsulotlari va qayta ishlangan meva-sabzavotlar, sharbatlar, sut, qandolat mahsulotlari, tabiiy hamda sublimatsion usulda quritilgan mahsulotlar, dorivor choylar va boshqalar ham ko‘rgazma peshtaxtalaridan o‘rin oldi.

Ko‘rgazma doirasida mamlakatimiz vakillari quyidagi natijalarga erishishdi:

“TUTTO FOOD” xalqaro oziq-ovqat ko‘rgazmasida xorijiy yirik tijorat kompaniyalari bilan 2023-2026-yillar davomida 42 million dollarlik eksport kelishuvlari imzolandi;
🟢“SISAI SRL” (Italiya) kompaniyasi prezidenti Flavio Ramella bilan respublikamizda yetishtirilgan qishloq xo‘jaligi va oziq-ovqat mahsulotlarini xorijiy yirik bozorlarga eksport qilish bo‘yicha kelishildi;
🟢“Brevis SRLS” (Italiya) kompaniyasining tijorat masalalari bo‘yicha direktori Davide Vismara bilan Italiya va Kuba davlatlariga O‘zbekistondan qayta ishlangan meva-sabzavotlar, dukkakli, sut-go‘sht va boshqa oziq-ovqat mahsulotlarini eksport qilish bo‘yicha shartnoma imzolandi;
🟢“International Italia SRL” (Italiya) kompaniyasining biznes aloqalar menejeri Alessandro Simon bilan O‘rta sharq va Osiyo davlatlariga  eksport qilish bo‘yicha (10 mln AQSh dollar) kelishuvga erishildi.

#xalqaro_hamkorlik #qishloq_xojaligi #xalqaro_oziq_ovqat_korgazmasi #eksport #memorandum #quritilgan_meva #dukkakli_mahsulotlar #meva_sabzavotlar

Vebsayt • Telegram • Facebook • YouTube • Instagram