➡️ Masofaviy xizmatlar eksportini yangi bosqichga olib chiqish vaqti kelgani ta’kidlandi. Faqat texnik xizmat ko‘rsatish bilan cheklanmay, buxgalteriya, konsalting, sug‘urta, yuridik va boshqa professional xizmatlar eksportini yo‘lga qo‘yish kerakligi qayd etildi.

➡️ Prezident xizmatlar sohasida raqobatbardoshlikni oshirish bevosita hudud va tarmoqlarni raqamlashtirish darajasi bilan bog‘liqligini ta’kidladi. Kadastr agentligiga ko‘chmas mulk manzillarining yagona reyestrini tez fursatda oxiriga yetkazish, Transport vazirligiga barcha turdagi yo‘lovchi transportiga chipta olish imkonini beradigan yagona platformani ishga tushirish kechikayotgani ko‘rsatib o‘tildi.

➡️O‘tgan yili transport xizmatlari 8,6 foizga o‘sib, 145 trillion so‘mni tashkil qildi. Lekin, yuqori iqtisodiy o‘sish uchun bu yetarli emasligi qayd etildi.

➡️Yirik multimodal logistika markazlari sonini 2 karra ko‘paytirish bo‘yicha uch yillik dastur qabul qilib, ishlarni boshlash vazifasi qo‘yildi.

➡️ Bu yil transport xizmatlari hajmini 15 foizga oshirib, 185 trillion so‘mga, eksportini 2,2 milliard dollarga olib chiqish zarurligi ko‘rsatib o‘tildi.

➡️O‘tgan yili turizm xizmatlari eksporti 3,5 milliard dollar bo‘ldi. Lekin, bu imkoniyatlarimizga mos emasligi qayd etildi.
Ijtimoiy soha tashkilotlari ham eksport faoliyatida faolroq ishtirok etishi zarurligi ta’kidlandi.

➡️ Viloyat hokimlariga qo‘shni davlatlar bilan chegara oldi hududlarida 21 ta ko‘p tarmoqli klinika tashkil qilishni boshlash topshirildi.

➡️So‘nggi sakkiz yilda 125 ta yangi oliy ta’lim muassasasi tashkil etildi. Shundan 23 tasi xorijiy universitet filiallari. Oliy ta’lim vazirligiga “Top-1000”talikka kirgan 2 ta oliygoh bilan cheklanib qolmasdan, yaqin yillarda ularni 10 taga yetkazish choralarini ko‘rish topshirildi.

Shunigdek, yig‘ilishda hudud rahbarlari va vazirlarning hisoboti tinglandi, tadbirkorlarning namunali tajribasi ko‘rib chiqildi.

📩 Telegram   |  📩 Instagram    |  📩YouTube    | 📩 Facebook       | 📩 Web-sayt

🇺🇿🇺🇿🇺🇿🇺🇿

🩸Kadastr agentligida "Men donorman" aksiyasi bo'lib o'tdi🩸

❣️ Mazkur xayriya tadbiri inson hayotini saqlab qolish va tibbiy ehtiyojmand bemorlarga yordam ko‘rsatish maqsadida tashkil etildi.

🩸Aksiya davomida agentlikning bir qator xodimlari mutaxassislar nazorati ostida tibbiy ko‘rikdan o‘tib, ehtiyojmand bemorlar uchun qon topshirdilar. Ushbu jarayonda shifokorlar donorlikning inson salomatligiga foydali jihatlari, qon topshirish tartibi va uning ahamiyati haqida batafsil tushuntirish berishdi.

✔️ Eslatib o'tamiz, "Men donorman aksiyasi" da yig'ilgan qon preparatlari uchun ajratilgan albumin dori vositalari onkologiya va gematologiya markazlarida davolanayotgan bolalar uchun beg‘araz berilishi rejalashtirilgan.

Donor bo‘lish – hayot hadya etishdir!

#Kadastr_agentligi #men_donorman

📩 Telegram | 📩 Instagram | 📩YouTube | 📩 Facebook | 📩 Web-sayt