#kadastr #xalqaro_seminar #koreya

⭐️Kadastr agentligi delegatsiyasi Koreya Respublikasida “Milliy geoaxborot tizimlarini tashkil etish uchun sunʼiy yo‘ldosh tasviridan foydalanish standarti tizimi” loyihasi doirasida malaka oshirib qaytdi.

🔸Kadastr agentligi direktorining birinchi o‘rinbosari A. Allaberganov boshchiligida Agentlik, 🔹Respublika aerogeodeziya markazi, Geoinnovatsiya markazi mutaxassislaridan iborat delegatsiya 🇰🇷 Koreya Respublikasida ilmiy-amaliy seminar hamda bir qator hamkor tashkilotlar bilan uchrashuvda ishtirok etdi.

➡️Ilmiy-amaliy seminar kun tartibidan:

⏺ Kosmik suratlar texnologiyasining joriy holati va ularni tahlil qilish;

⏺ Orto-foto va sunʼiy yo‘ldosh tasvirlarini 3D modellashtirish;

⏺ Koordinatalarni transformatsiyalash modellari;

⏺ Aero va kosmik suratlar, uchuvchisiz uchish apparatlari orqali hududlarni monitoring qilish, jumladan, noqonuniy qurilishlarni aniqlashda foydalanish;

⏺Geografik maʼlumotlarni raqamli maʼlumotlarga aylantirish tizimi kabilar o‘rin oldi.

🗣 Shuningdek, O‘zbekiston delegatsiyasi rahbari tomonidan “SI IMAGING SERVISES” (SIIS) kompaniyasi prezidenti Kim Mun Gyu bilan sunʼiy yo‘ldosh tasvirlarini tahlil qilish borasida istiqbolli loyihalarni ishlab chiqish, LX korporatsiyasining Global loyihalar departamenti bosh direktori Li Myong Shik bilan Yer va fazoviy maʼlumotlar bo‘yicha malaka oshirish institutida Kadastr agentligi mutaxassislari uchun uzoq va qisqa muddatli tajriba almashinuv dasturini yo‘lga qo‘yish, Milliy geografik axborot instituti bilan Markaziy Osiyo hududida fazoviy maʼlumotlar siyosati borasida o‘zaro xabardorlikni oshirish maqsadida, Yevroosiyo fazoviy maʼlumotlar infratuzilmasi tashabbusi xalqaro konferensiyasini o‘tkazish yuzasidan muzokaralar bo‘lib o‘tdi.

🌐 Telegram 🌐 Instagram 🌐YouTube 🌐 Facebook 🌐 Web-sayt

#kadastr #xalqaro_seminar #slovakiya

🌟 Kadastr agentligi hamda 🇸🇰 Slovakiya Respublikasi Geodeziya, kartografiya va kadastr idorasi o‘rtasida hamkorlik aloqalari o‘rnatilmoqda.

⏺Joriy yilning 29 noyabr sanasida 🌟Kadastr agentligi hamda 🇸🇰 Slovakiya Respublikasi Geodeziya, kartografiya va kadastr idorasi o‘rtasida o‘zaro tajriba almashish yuzasidan virtual uchrashuv bo‘lib o‘tdi.

🗣 Uchrashuv kun tartibidan:

🫥 ikki davlat idoralarining geodeziya, kartografiya va kadastr yo‘nalishidagi faoliyati, - ko‘chmas mulkni ro‘yxatga olish, davlat xizmatini ko‘rsatish tartibi,

🫥yer nazoratini amalga oshirish, noqonuniy qurilmalarni aniqlash va ularni bartaraf qilish usullari,

🫥aerogeodezik maʼlumotlarni qayta ishlash;

🫥 masʼul idoralar tomonidan yuritiladigan kadastr va ko‘chmas mulk axborot tizimlari, geoportal imkoniyatlari;

🫥 mulk huquqi to‘g‘risidagi qonunchilik hujjatlari bo‘yicha fikr almashish o‘rin oldi.

💠 Uchrashuv yakuniga ko‘ra tomonlar kadastr, ko‘chmas mulkni ro‘yxatga olish sohasidagi davlat xizmatlari, yerga bo‘lgan huquqlarni ishonchli himoya qilish borasida o‘zaro tajriba almashish va hamkorlikni davom ettirishga, ekspertlik maslahatlashuvlarida sohaga aloqador Yevropa tashkilotlari mutaxassislarini jalb qilish borasida kelishib oldilar.

🌐 Telegram 🌐 Instagram 🌐YouTube 🌐 Facebook 🌐 Web-sayt

#kadastr #murojaatlar

✅ O‘RGANISH VA NATIJA

💫 Davlat kadastrlari palatasi Toshkent shahar boshqarmasi boshlig‘i J.Karimov hokim yordamchilari bilan mahallalar kesimida o‘rganishlarni davom ettirmoqda. Navbatdagi manzil Yakkasaroy tumanining “Rakatboshi” mahalla fuqarolar yig‘ini bo‘ldi.

🫥 O‘rganishlar davomida ushbu hududdagi O‘rikzor 1-tor ko‘chasi, 10-uy manzilida yashovchi fuqaroning uy-joy hujjatlarini rasmiylashtirish yuzasidan tushuncha berildi. Imom at-Termiziy ko‘chasi manzilida joylashgan, “Muxtaram” xususiy korxonasi foydalanishida bo‘lgan, maqsadsiz turgan 2 sotix yer maydonida qo‘shimcha qurilish qilish va bolalar maydonchasi tashkil etish bo‘yicha tadbirkor, mahalla raisi hamda faollar bilan suhbatlashildi.

✅ Bir muddat ilgari “Rakatboshi” MFY hududida noqonuniy qurilma mavjudligi aniqlanib, uni bartaraf etish bo‘yicha topshiriq berilgan edi. Bu galgi o‘rganishlar davomida ushbu noqonuniy qurilma bartaraf etilganligi o‘rganildi.

🌐 Telegram 🌐 Instagram 🌐YouTube 🌐 Facebook 🌐 Web-sayt