Муус устар 20 күнүгэр С.С. Васильев –Борогонскай аатынан киин библиотека ааҕар саалатыгар «Баягантайский наслег. ИЗБРАННЫЕ НАРОДОМ» норуот дьокутааттарын үйэтитэр сыаллаах электроннай барыл көмөтүнэн таҥыллыбыт альбом-кинигэ сүрэхтэниитэ ыытылынна. Тэрээһини иилээн - саҕалаан улуус мунньаҕын Сэбиэтин бэрэссэдээтэлэ И.И. Колодезников ыытта. Альбому автордара А.К. Васильева, Р.К. Колодезникова бу үлэни хайдах тэрийэн ыыппыттарын сиһилии кэпсээтилэр. Автордар альбом электроннай барылын улуус архыыбыгар, Байаҕантай нэһилиэгин дьаһалтатыгар, музейыгар, библиотекатыгар бэлэх ууннулар.
Кыттыыны ыллылар улуус баһылыгын солбуйааччы М.В. Борисов, улуус Сэбиэтин депутаттара, Байаҕантай нэһилиэгин делегацията, үлэлии сылдьыбыт депутаттар, Байаҕантай түмсүү кыттыылаахтара, Сэһэн Ардьакыап аатынан улуус музейын, улуус архыыбын специалистара, кыраайы үөрэтээччилэр. Библиотека коллектива олохтоох бэйэни салайыныы историятын сырдатар дириҥ ис хоһоонноох быыстапканы тэрийдилэр.

⬇️⬇️⬇️

⛪ Тандатааҕы историко-архитектурнай музейга 19-20 үйэлэр кирбиилэригэр олорон ааспыт *Байаҕантай кулубата Пантелеймон Готовцев- Бааса Атыыһыкка уонна кини оҕолоро Уус-Алдан маҥнайгы кооператора Феофан Готовцев- Атыыһыт Биэкэҕэ, разведчица, фельдшер Саха маҥнайгы үөрэхтээх дьахталларыттан биирдэстэрэ Матрёна Готовцева- Мадам Матрёнаҕа, Готовцевтар сыдьааннарыгар аналлаах сиэннэрэ, хос сиэннэрэ ууран сытыарбыт, харайбыт, үйэлэри уҥуордаан кэлбит маллара, тутта сылдьыбыт иһиттэрэ-хомуостара, 1870-с сыллартан саҕалаан хаартыскалара выставка буолан тураллар. Ону таһынан, кэлбит ыалдьыттарга Готовцевтар аймахха аналлаах документальнай киинэ көстөр.*

😍 *Ыраахтааҕы саҕаттан иһит, ураты сундуктар, ссыльнай поляктар бэлэхтээбит дьиэ мала уонна да атын... Хаартыскаларга урукку Байаҕантай улууһун историята бүтүннүү кэпсэнэр.*

✅ *Бу күннэргэ выставка бүтэһик күннэрин турар. Баран көрөргө, кыраайбыт историятын билэргэ тиэтэйиҥ.*

Тандатааҕы историко-архитектурнай музей коллектива.