Президент топшириғига кўра, мутасаддилар масалани ичига чуқурроқ кирди, энг оғир маҳалладаги ночор оилаларга бориб, нимага кўпроқ эътибор бериш кераклигини ўрганди.

Бу масалада савдо, сервис, тўқимачилик, тиббиёт, овқатланиш, қурилиш, касаначилик, электротехника, транспорт соҳаси тадбиркорлари билан аниқ муҳокамалар ўтказилди.

Ўрганишлар камбағалликни фақат пул тарқатиш билан ҳал қилиб бўлмаслигини кўрсатмоқда.

Ҳозирда 3-5 миллион сўмгача ойлик бераман деган корхоналарда 250 мингта бўш иш ўрни бор. Лекин, камбағал оилани 35 фоиз ишга лаёқатли аъзоларида билим ва кўникма кам.

Бола парвариши билан банд бўлгани учун ишлаш хоҳиши бўлган аёлларнинг 43 фоизи ишга бора олмаяпти.

Камбағал оилаларнинг 83 фоизида катта томорқа бор. Лекин, уларнинг 62 фоизида – сув, 48 фоизида – электр муаммоси бор, яна 50 фоизи марказдаги бозорга боришга қийналмоқда.

Facebook|Instagram|X

Давлатимиз раҳбари камбағалликка тушиш сабаблари ҳар хил экан, ечими ҳам алоҳида-алоҳида бўлиши кераклигини кўрсатиб ўтди.

Ҳозирда камбағалликни қисқартириш бўйича кейинги йиллар учун жуда катта “Камбағалликдан фаровонлик сари” дастури тайёрланаётгани маълум қилинди.

Унда еттита имконият ва масъулият тамойили асосида Ўзбекистоннинг навбатдаги янги ёндашувлари белгилаб берилади.

Бундан буён камбағалликни қисқартириш умуммиллий ҳаракатга айланади.

Мутасаддиларга ҳар бир маҳаллани тўлиқ хатловдан ўтказиб, улардаги “камбағал оилалар портрети”ни ишлаб чиқиш топширилди. Камбағал оила бўйича индивидуал дастур бўлади, ҳар бир вазирликнинг аниқ вазифаси кўрсатилади.

Иқтисодий комплекс – Ж.Қўчқоров тизими оилаларни камбағалликдан олиб чиқиш билан шуғулланса, ижтимоий ҳимоя – М.Оллоёров тизими кимни реестрга киритиш, қайси оилани ундан чиқаришга жавоб бериши белгиланди.

Facebook|Instagram|X

Бир йил давомида яна 50 минг гектар ерни 100 мингта камбағал оилага бўлиб бериш режалаштирилгани маълум қилинди.

Ушбу ерларда “компания – кооператив – деҳқон хўжалиги” тамойили асосида деҳқончилик ва боғдорчилик ташкил этилади. Бунда, ердан уч хил даромад олинадиган янги тизим яратилади:

- қишлоқ хўжалиги маҳсулоти етиштирувчи ва экспорт қилувчи катта компания камбағал оилалардан ерни иккиламчи ижарага олади;

- ёки ер эгалари улушдор сифатида кооперацияга бирлашиб, компаниялардан буюртма олади ва топилган даромад улар ўртасида тақсимланади;

- ҳар икки ҳолатда ҳам ушбу аҳоли ерда ўзи маҳсулот етиштириб, бунинг учун ойлик олади.

Яъни, камбағал оила ўзига берилган ердан янада самарали фойдаланиб, ойлик олиш билан бирга, ижара ёки дивиденддан даромад кўради.

Мутасаддиларга вилоят ҳокимлари билан биргаликда бу орқали камида 200 минг аҳолини банд қилиш топширилди.

Facebook|Instagram|X

Hurmatli iste’molchilar!

Xonadonlarimizdagi ma’naviy eskirgan va gaz sarfi ko‘p bo‘lgan gaz jihozlarini zamonaviy va tejamkor gaz jihozlariga almashtirish orqali oilamiz a’zolarining IS GAZIDAN ZAHARLANISH va boshqa BAXTSIZ HODISALARDAN SAQLAB moddiy holatimiz yaxshilanishi, oylik gaz to‘lovlari qisqarishiga erishamiz.
Hozirgi kunda ko‘pgina xonadonlarda o‘rnatilayotgan (piramida, diplomat) rusumdagi AOGVlar oylik gaz sarfini 50% gacha tejaydi biroq ularni o‘rnatgandan so‘ng albatta AOGVni va issiq suv uzatish-qaytish quvurlarini o‘rash lozim, aks holda issiqlik havoga ko‘tarilib ortiqcha gaz sarflanishiga sabab bo‘ladi.

Hurmatli iste’molchilar!
Mabodo xonadoningizda gaz hidini sezsangiz yoki gaz jihozlarida nosozliklar vujudga kelsa, zudlik bilan 104 yoki +998998371004 "O‘rta Chirchiq tuman gaz" bo‘limi avariyani tiklash xizmatiga telefon qiling.

O‘rta Chirchiq tumani hokimligi Axborot xizmati

Telegram | Facebook | Instagram | YouTube | www.ortachirchiq.uz | X | TikTok | ok.ru | Murojaat | Muhokama

#bildirish

SAYYOR QABULGA MARHAMAT!

Aholi bilan to‘g‘ridan-to‘g‘ri muloqot tizimini yanada takomillashtirish, muammolarni joyida o‘rgangan holda tezkorlik bilan hal etish maqsadida, O‘rta Chirchiq tumani hokimi Ixtiyor Kasimov va sektor rahbarlari aholi uchun bugun soat 14:00 da sayyor qabul o‘tkaziladi.

Sayyor qabul "Kim Pen Xva" mahallasi binosi oldida bo‘lib o‘tadi.

Aziz fuqarolar! Sizlarda murojaatlaringiz bo‘lsa, sayyor qabulga tashrif buyurishingiz mumkin!

Lokatsiya

O‘rta Chirchiq tumani hokimligi Axborot xizmati

Telegram | Facebook | Instagram | YouTube | ortachirchiq.uz | X | TikTok | Murojaat