УНУТИЛМАС ҚАҲРАМОН ХОТИРЛАНДИ

Бундан бир неча йиллар олдин, 1999 йил 30 март куни Урганч шаҳрида туғилган қаҳрамон ёш йигит вилоятимизга бостириб кирган террорчиларга қарши мардонавор курашган эди. Террорчилар автобус ва ундаги фуқароларни гаровга олган бир пайтда Сергей Нечипуренко автобусга ташланган гранатанинг устига ўзини ташлаб, қурбон бўлган.
С.Нечипуренко вафотидан кейин унинг ёрқин хотирасини абадийлаштириш мақсадида шаҳримизнинг "Маърифатчи" маҳалласидаги кўчалардан бирига унинг номи берилди.
Шунингдек, ушбу кўчага ўрнатилган битиктошга шаҳримиз қаҳрамонининг номи ва жасорати ўйиб ёзилган бўлиб ҳар йили мазкур санада унинг пойига гулчамбарлар қўйилади.

Бугун Урганч шаҳар ҳокими Ойбек Холбоев бошчилигида бир гуруҳ ҳарбийлар ва фаҳрийлар қаҳрамонимизни хотирасини ёд этиш учун ушбу кўчага тўпланишди. Урганч шаҳар ҳокими нутқ сўзлаб, ёшларга ўрнак бўлса арзийдиган жасорат тимсоли эканлигини таъкидлади.

Шунингдек, давлат хавфсизлик хизмати заҳирадаги подполковник, бевосита ушбу воқеада иштирок этган, марҳумнинг яқин дўстларидан бири Юлдашев Абдумалик ҳам ҳамшаҳаримизни яхши сифатлар билан эслади.
Ҳарбийларимиз сафида ана шундай жонкуяр ва ҳақиқий ватанпарварлар кўпаяверсин.

Урганч шаҳар ҳокимлиги Ахборот хизмати.

Каналга уланиш учун:
https://t.iss.one/urganchshahar_uz

#Ҳукумат_қарори

“Профессионал таълим тизимида дуал таълимни ташкил этиш чора-тадбирлари ҳақида”ги Ҳукумат қарори қабул қилинди

🎓 Қарорга мувофиқ, 2021/2022 ўқув йилидан профессионал таълим тизимида дуал таълим ташкил этилади.

⚠️ Дуал таълим – бу таълимни ўз йўналишига мос ташкилотда меҳнат қилиш билан бирга олиб борувчи тизимдир.

📝 Дуал таълимни ташкил этиш учун ҳокимликлар ва манфаатдор вазирликлар томонидан ўрта бўғин кадрларига бўлган эҳтиёж аниқланади ва таклиф тайёрланади.

Ҳужжатнинг расмий тўлиқ матни:
👉 https://lex.uz/docs/5346217

Урганч шаҳар ҳокимлиги Ахборот хизмати.

Каналга уланиш учун:
https://t.iss.one/urganchshahar_uz

#Қонунчиликдаги_янгилик

☝️Қонунчилик ҳужжатларини бажармасликка ёки бузишга омма олдида даъват қилганлик учун жавобгарлик белгиланди

“Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун (ЎРҚ–679-сон, 30.03.2021 й.) Президент томонидан имзоланди.

📝 Қонун билан Маъмурий жавобгарлик тўғрисидаги кодексга қўшимча киритилди.

☑️ Унга кўра, Ўзбекистоннинг қонунчилик ҳужжатлари талабларини жамоат тартибига ва жамоат хавфсизлигига таҳдид соладиган тарзда бажармасликка ёки бузишга, шу жумладан ОАВ, телекоммуникация тармоқлари, Интернетдан, шунингдек матнни кўпайтиришнинг босма ёки бошқа усулларидан фойдаланган ҳолда омма олдида даъват қилиш БҲМнинг 60 бараваридан 80 бараваригача (14 млн 700 минг сўмдан 19 млн 600 минг сўмгача) миқдорда жарима солишга сабаб бўлади.

✅ Ушбу Қонун расмий эълон қилинган кундан эътиборан кучга киради.

Каналга уланиш — @yangiuzbekiston_uz

🔷 1 апрель кунидан ҳукуматимиз кўрсатмасига кўра, Урганч шаҳрида Коронaвирусга қарши эмлаш жараёнлари бошланади.

Урганч шаҳридаги 1-, 2-, 3-сонли оилавий поликлиникалар ва "Наврўз" поликлиникасида, шунингдек, Вилоят юқумли касалликлар шифохонаси ва Республика шошилинч тиббий ёрдам марказида эмлаш ишлари олиб борилади. 3-сонли оилавий поликлиникада Тиббиёт бирлашмалари ва СЭС раҳбарлари, бошқа шифохоналар ва поликлиникалар раҳбарлари ҳам эмланиши кўзда тутилган.

Барча хоҳловчи ОАВ вакиллари, журналист ва блогерлар эмлаш жараёнларида иштирок этиши мумкин.

Урганч шаҳар ҳокимлиги Ахборот хизмати.

Каналга уланиш учун:
https://t.iss.one/urganchshahar_uz