#Письмосыну
✉️ Улуу Кыайыыны уһансыбыт эһэлэрбит, эбэлэрбит үс муннук, үтүө тыыннаах суруктара оччотооҕу ыар кэмнэргэ Кыайыы суолун сахпыттара!🚩
Үөһээ Бүлүүтээҕи история уонна этнография түмэлэ, анал байыаннай дьайыыга сулууспалыы сылдьар уолаттардаах ыаллары, кэргэттэри, оҕолору уонна доҕотторун, өрөспүүбүлүкэтээҕи "ПИСЬМО СЫНУ"✉️ аахсыйаҕа кыттаргытыгар,
ыҥырар!📨

🚩Кумааҕыга суруйбут суруккутун, улуустааҕы История уонна этнография тумэлигэр *К Маркса уулусса 2-һэ аадырыска «Ящик полевой почты»* аҕалан угаргытыгар ынырабыт.
🚩 Суруктары хайаатар да эһиги чугас дьоҥҥутугар тиэрдиэхпит диэн эрэннэрэбит!
🚩 *Суруктар хомуллар күннэрэ* : 8/05-11/05
*Улэлиир кэмэ*: 9.00 – 18.00
*Билсэр нүөмэрдэргит*: 89627337569, 89841186273,

💌Сүрэхпититтэн көтүппүт күндү дьоммутугар, төрөөбүт дойдуларыттан тэлэһийэн ахтылҕан аһыытыгар сылдьар уолаттарбытыгар кумааҕыга суруллубут сылаас тыыннаах, дьиэ сыттаах, дууһаларын манньытар, түөстэригэр укта сылдьан ахтылҕаннарын уҕарытар суруктары ыыталыаҕыҥ!

🌟🚩Үөһээ Бүлүү улууһуттан уоттаах сэрии толоонугар 2163 буойун, сорохторо ыҥырыллан, сорохторо бэйэ баҕа өттүлэринэн, саа-саадах тутан, көҥүл, эйэлээх олох туһугар өстөөҕү утары кыргыһа барбыттара.

😔🕯🙏🏻Хомойуох иһин, бу хорсун дьонтон аҥардара сырдык тыыннарын толук ууран, дьоруойдуу охтубуттара.

✨🚩✨Бүгүн, ыам ыйын 8 күнүгэр, Улуу кыайыы 79 сылын көрсө, улуус дьаһалтатын үрдүгэр Кыайыы Знамятын күөрэччи көтөҕүү сиэрэ-туома ыытылынна👏🏻👏🏻👏🏻

@ulusmedia

Сокуоннай саастарын ситэ илик оҕолор ортолоругар буруйу оҥорууну сэрэтэр сыаллаах ыам ыйын 6-7 күннэригэр Үөһээ Бүлүүтээҕи №1 И.Н. Барахов, №2 М.Т. Егоров, №3 Ю.Н. Прокопьев, №4 Д.С. Спиридонов ааттарынан орто оскуолалар үөрэнээччилэригэр профилактическай кэпсэтии ыытылынна.
Кэпсэтиигэ Үөһээ Бүлүү тэрилтэлэриттэн: техникумтан фельдшер Тумусова О.И., прокуратураттан прокурор көмөлөһөөччүтэ Анахина Е.А., баһаарынай сулууспаттан инспектор Иванов А.Н., ИДьМ-тан оскуолалар куратордара Докторова А.И., Потапов В.С., Константинов С.В., Ачикасов Н.А., ГИБДД инспектора Артемьев С.С. кыттыыны ыллылар.
Сокуоннай саастарын ситэ илик оҕолор уулуссаҕа, общественнай миэстэҕэ бэрээдэги кэһиилэрин, киһи өйүн-санаатын буккуйар буортулаах веществолары туһаныы доруобуйаларын кэбирэтэрин үрдүнэн буруйу оҥорууга тиэрдиэн сөбүн, баһаартан сэрэхтээх буолууга, суол быраабылатын тутуһууга, сокуону кэһии иһин холуобунай эбэтэр административнай эппиэтинэскэ тардыллыахтарын сөбүн туһунан сэрэтии, өйдөтүү үлэтин ыыттылар. Ону тэҥэ оҕолор олохторугар куттал суоһаабатын туһугар, бэрээдэги тутуһан, бэйэлэрин харыстанан, куһаҕан быһыыттан-майгыттан халты туттан сиэрдээхтик сылдьалларыгар сүбэлээтилэр. Оҕолор лекцияны олус сэргээн иһиттилэр, интэриэһиргиир ыйытыыларыгар толору хоруй ыллылар. Сааһын ситэ илик оҕолор быраап уонна сокуон өттүнэн бэлэмнээх буолууларыгар туһалаах кэпсэтии буолла.

Үөһээ Бүлүүтээҕи сокуоннай саастарын
ситэ илик оҕолор дьыалаларын көрүү
уонна кинилэр бырааптарын көмүскүүр хамыыһыйа