🥊👍Уус Алдан боксаҕа оскуолатыгар Европа икки төгүллээх чемпиона, аан дойду чемпионатын үрүҥ көмүс призера, Россия биэс төгүллээх чемпиона Василий Егоров ыалдьыттаата.

Бүгүн Василий Петрович улууска үөрэнэр-дьарыктанар сборга сылдьар республика боксер оҕолорун кытта Н.Н.Тарскай аатынан спорт дыбарыаһыгар көрүстэ.

Көрсүһүү бастакы чааһа — билсиһии. Манна оҕолор Сахабыт сирин биллиилээх боксерун кытта кэпсэттилэр, араас ыйытыыларыгар хоруйу ыллылар. Итиэннэ спорт ситиһииитигэр арыаллыыр автограф ылан, кэскиллээх боксердар кыайыыга-хотууга, ситиһиигэ кынаттаннылар.

Салгыы боксер маастар-кылааһын ыытта. Бастатан турар, дьарык үчүгэйдик ааһарыгар разминка улахан оруоллааҕын өссө төгүл бигэргэттэ. Онон оҕолор Василий Егоровы кытта эттэрин-хааннарын уһугуннаран, ирэн-хорон баран, саала устун тэҥҥэ сүүрдүлэр-көттүлэр. Манна кини тренери истэр, кини сорудаҕын толорор улахан суолталааҕын, ситиһии төрдө буоларын эттэ.

Улуус боксаҕа федерацията ыалдьыттарга — Василий Егоровка уонна тренеригэр, бииргэ төрөөбүт убайыгар Николай Егоровка махталларын биллэрдилэр, саха быһаҕын бэлэх ууннулар.

📹Ольга Шепелева

✅@uamurusahargata @ulusmedia

Бильярдка "Тымныы оҕонньор" бирииһигэр сытыы киирсиилэр буоллулар

🎱🎱Бэрдьигэстээххэ ыытыллыбыт бильярдка "Тымныы оҕонньор" бирииһигэр күүтүллүбүтүн курдук сытыы киирсиилэр буоллулар. Тэрийээччилэр спорт бу көрүҥүн көҕүлүүр туһуттан күрэхтэһээччилэри икки бөлөххө арааран көрсүһүннэрдилэр.

Хаһыс да сылын дьарыктанар дьон "комбинированнай пирамида" көрүҥнэр бастыҥ аатын былдьастылар. Түмүккэ, I 🥇миэстэни Давид Дмитриев, II 🥈Василий Семенов (маҕарастар), III🥉 Александр Максимов (Бэрдьигэстээх) ылла.

Саҥа саҕалааччылар "свободнай пирамидаҕа" холоннулар. Долгутуулаах киирсиилэр кэннилэриттэн I 🥇миэстэҕэ Александр Скрыбыкин (Маҕарас), II 🥈Константин Жирков (Күөрэлээх), III 🥉Грант Иванов таҕыста.

✍️Вячеслав Алексеев
@silatrudagorny

Аҕам саастаах дьон бэргэн ытааччы аатын былдьастылар

🏆Тохсунньу 6 күнүгэр Бэрдьигэстээххэ Олимпийскай эрэллэри бэлэмниир өрөспүүбүлүкэтээҕи оҕо спортивнай оскуолатыгар аҕам саастаах дьон ортотугар буулдьанан ытыыга күрэхтэһии буолла.

👍Күрэхтэһиини улуус киинин бэтэрээннэрин сэбиэтин бэрэссэдээтэлэ Дмитрий Агеев иилээн-саҕалаан ыытта.

Чөл олоҕу, чэгиэн доруобуйаны, спорду көҕүлүүр дьоммут күн бүгүҥҥэ диэри үчүгэй турукка сылдьалларын көрдөрдүлэр. Буулдьаларын барытын кыҥаабыт сирдэригэр түһэртииллэриттэн киһи сөҕүөн эрэ сөп.

Түмүккэ, туран эрэ ытыыга, дьахталларга I миэстэни Анна Протопопова, II Альбина Алексеева, III Евдокия Дьяконова ылла.

Тобуктаан олорон ытыыга: I Альбина Алексеева, II Людмила Иванова -Чемезова, III Евдокия Дьяконова.

Эр дьоҥҥо, бастакы көрүҥҥэ I Дмитрий Борисов, II Сергей Барашков, III Владимир Осипов.

Иккис көрүҥҥэ: I Дмитрий Борисов, II Борис Андреев, III Владимир Осипов.

👏👏Күрэхтэһии муҥутуур кыайыылааҕынан, спорт бу көрүҥэр улуус хас да төгүллээх чемпиона
Дмитрий Борисов эрэллээхтик ылла.

🎅Пьедестал үктэлигэр тахсыбыт дьоҥҥо мэтээллэр, Бочуотунай грамоталар уонна Тымныы оҕонньор бирииһэ туттарылынна.

🤲Бэрдьигэстээх нэһилиэгин бэтэрээннэрин сэбиэтэ күрэхтэһии тэрээһиннээхтик ыытылларыгар күүс-көмө буолбут физическэй култуураны уонна маассабай спорду сайыннарыы киинин салалтатыгар, исписэлиис Николай Константиновка, күрэхтэһии хаамыытын сурукка-бичиккэ тиспит Антонина Парфеноваҕа махталларын биллэрэллэр.

✍️Вячеслав Алексеев
@silatrudagorny