БҮТЭЙДЭЭХ ОСКУОЛАТЫГАР СЫННЬАЛАҤ ЫСКАМЫАЙКАТЫН БЭЛЭХТЭЭТИЛЭР
Мэҥэ Хаҥалас улууһун Бүтэйдээх орто оскуолатын 1970 сыллаах выпускниктара үөрэммит кыһаларыгар бэлэх оҥордулар.
Бүтэйдээх орто оскуолатын 50 сыл анараа өттүгэр, 1970 сыллаахха, бүтэрбиттэр – 10 «а» уонна физмат кылаастар үөрэммит кыһаларыгар махталларын биллэрэн, анал сынньалаҥ ыскамыайкалары оҥотторон бэлэхтээтилэр.
Оскуоланы бүтэрбиттэр бэлэхтэрин СӨ норуотун хаһаайыстыбатын үтүөлээх үлэһитэ, Бүтэйдээх нэһилиэгин, улуус бочуоттаах олохтооҕо Алексей Игнатьев туттарда. Үөрүүлээх итиэннэ долгутуулаах тэрээһиҥҥэ улуустааҕы үөрэх управлениетын начаалынньыга Ирина Черкашина, «Бүтэйдээх нэһилиэгэ» МТ баһылыга Александр Слепцов, оскуола салалтата, үбүлүөйдээх кылаас салайааччыта Николай Семенов, кини кэргэнэ, педагогическай үлэ бэтэрээнэ, ытык кырдьаҕас Матрена Семенова кыттыыны ыллылар.
Кэрэхсэбиллээҕэ, оскуолаҕа быйыл саҥа ананан кэлбит дириэктэр Михаил Нестеров бастакы билсиһэр күнэ буолла.
Үйэ аҥара анараа өттүгэр 10 «а» кылааһы 30, «б» ‒ физмат кылааһы 12 (кылаас салайааччыта Тамара Сосина) оҕо бүтэрбитэ. Кинилэр, ыарахан кэми аахсыбакка, тапталлаах оскуолаларыгар ис сүрэхтэриттэн бэлэх ууммуттара кэрэхсэбиллээх.
Кинилэргэ оскуола, нэһилиэк махталын тиэрдэбит, бары үчүгэйи баҕарабыт.
#улусмедиа #новости #мегинокангаласскийрайон #скамейка #сельскаяшкола
Мэҥэ Хаҥалас улууһун Бүтэйдээх орто оскуолатын 1970 сыллаах выпускниктара үөрэммит кыһаларыгар бэлэх оҥордулар.
Бүтэйдээх орто оскуолатын 50 сыл анараа өттүгэр, 1970 сыллаахха, бүтэрбиттэр – 10 «а» уонна физмат кылаастар үөрэммит кыһаларыгар махталларын биллэрэн, анал сынньалаҥ ыскамыайкалары оҥотторон бэлэхтээтилэр.
Оскуоланы бүтэрбиттэр бэлэхтэрин СӨ норуотун хаһаайыстыбатын үтүөлээх үлэһитэ, Бүтэйдээх нэһилиэгин, улуус бочуоттаах олохтооҕо Алексей Игнатьев туттарда. Үөрүүлээх итиэннэ долгутуулаах тэрээһиҥҥэ улуустааҕы үөрэх управлениетын начаалынньыга Ирина Черкашина, «Бүтэйдээх нэһилиэгэ» МТ баһылыга Александр Слепцов, оскуола салалтата, үбүлүөйдээх кылаас салайааччыта Николай Семенов, кини кэргэнэ, педагогическай үлэ бэтэрээнэ, ытык кырдьаҕас Матрена Семенова кыттыыны ыллылар.
Кэрэхсэбиллээҕэ, оскуолаҕа быйыл саҥа ананан кэлбит дириэктэр Михаил Нестеров бастакы билсиһэр күнэ буолла.
Үйэ аҥара анараа өттүгэр 10 «а» кылааһы 30, «б» ‒ физмат кылааһы 12 (кылаас салайааччыта Тамара Сосина) оҕо бүтэрбитэ. Кинилэр, ыарахан кэми аахсыбакка, тапталлаах оскуолаларыгар ис сүрэхтэриттэн бэлэх ууммуттара кэрэхсэбиллээх.
Кинилэргэ оскуола, нэһилиэк махталын тиэрдэбит, бары үчүгэйи баҕарабыт.
#улусмедиа #новости #мегинокангаласскийрайон #скамейка #сельскаяшкола