Өҥө, хааччыйыы эйгэтигэр
Дьаҥхаады нэһилиэгэр «Цифровой офис» үлэтин саҕалаата

🔷. СӨ Ил Дархана Айсен Николаев дьаһалынан өрөспүүбүлүкэтээҕи Элбэх өрүттээх киин иһинэн өрөспүүбүлэкэбит тыа сирин нэһилиэктэригэр «Цифровой офис» филиалларын арыйар бырайыагын үлэтэ саҕаламмыта.

✔️.Бырайыак чэрчитинэн соторутааҕыта Мэҥэ Хаҥалас улууһугар Дьаҥхаады нэһилиэгэр бастакы филиал аһылынна.

✅ «Цифровой офис» филиала атырдьах ыйын 21 күнүттэн үлэтин саҕалаабытын нэһилиэк дьаһалтатын кылаабынай исписэлииһэ Татьяна Попова билиһиннэрдэ

– «Госуслуги», «Е-Якутия», «Росреестр» уо.д.а. саайтарга киирэн Судаарыстыбаннай уонна муниципальнай өҥөлөрүнэн туһанарга автоматизированнай толору хааччыллыылаах миэстэ баар. Электроннай докумуону сөпкө толорорго олохтоох дьаһалтаттан икки исписэлиис сүбэ-ама биэрэргэ анаммыттара. ВКС нөҥүө МФЦ исписэлиистэрэ быһа сибээскэ тахсан салгыы көмөлөһүөхтэрин сөп. Саҥа өҥө көмөтүнэн туһааннаах дьоҥҥо ый ахсын ДьУоКХ өҥөлөрүгэр көрүллэр толуйуулары анатыыга, төлөөһүҥҥэ, "Үйэ оҕолоро" хапытаалын туһаныыга, саҥа төрөөбүт оҕоҕо олорор сиринэн бастайааннай прописканы оҥорууга сайаапкалар киирдилэр, - диир кылаабынай исписэлиис.

Саҥа филиаллар салгыы Горнай улууһугар Маҕараһыгар уонна Хаҥалас Булгунньахтааҕар аһыллан тыа сирин олохтоохторо олорор сирдэринэн миэстэтигэр судаарыстыбаттан көрүллэр өҥөлөрү кэмигэр уонна толору туһаналларыгар күүс-көмө буолуохтара.

@gazetaerkeii
@ulusmedia