🥛🍶 «Мүрү ас» тэрилтэ эт аһы оҥорон таһаарар сыаҕы арыйар үөрүүлээх күнэ үүннэ👏

“Мүрү ас” оҥорон таһаарар тэрилтэҕэ бүгүн үөрүүлээх күн буолла. Ол курдук, тэрилтэ иһинэн «Томтор» эт аһы, полуфабрикаттары оҥорон таһаарар кооператив сыаҕа арыллан, бүгүҥҥү күнтэн нэһилиэнньэҕэ атыыга тахсар бэлиэ күнэ үүннэ.

Кооператив генеральнай дириэктэринэн “Лөгөй” саҕаттан бу тэрилтэҕэ өр сылларга үлэлээн кэлбит Николай Егоров ананна. Кинини ааҕан туран сыах түөрт үлэһиттээх буолуоҕа.

Кооператив олохтоох эти тутан, таҥастаан, астаан, эриллибит эт, пельмень, тефтель, гедза, манты, розочка, голубцы, куурусса этиттэн кэтилиэт курдук астары оҥорон, кыахтарын ыллахтарына сууккаҕа 200 киилэни оҥорон таһаарар былаанаахтар.

Сыахха эти эрийэр, мэһийэр тэриллэр, эти уонна астаммыт аһы дөйө тоҥорорго анаммыт икки улахан холодильник кэлэн, номнуо үлэлии тураллар.

Салайааччы Владимир Колесов “Мүрү ас” тэрилтэ саҥалыы тыын ыларыгар көмөлөспүт улуус баһылыгынан үлэлээбит Алексей Федотовка махтанна, мантан тирэхтэнэн тыа хаһаайыстыбатын министиэристибэтин өйөбүлүнэн уонна тэрилтэ бэйэтин күүһүнэн бу эт аһы оҥорон таһаарар кооперативы арыйбыттарын туһунан эттэ.

Саҥа тэрилтэ үлэһиттэрэ үөрүүлээх түгэҥҥэ кэлбит ыалдьыттарга бастакы астарын амсатан биһирэбили, салгыы үлэ салаллан, сайдан иһэригэр алгыс тыллары ыллылар. Онон уус алданнар бу күнтэн бэйэбит илгэлээх алааспыт аһынан аһыыыр үөрүүлэннибит.  

✍️Мария АРГУНОВА

@uamurusahargata
@ulusmedia