"Азия оҕолоро" оонньуу уота-Горнайга

🏃Горнайга аны сайын Дьокуускайга ыытыллыахтаах "Азия оҕолоро" норуоттар икки ардыларынааҕы VIII оонньууларын факела кэллэ.

🔥🔥Өлүөнэ очуостарыгар күндээриччи умайбыт ытык уоту көрөөччүлэр Михаил Ким, Тимур Гонеев, Николай Доденко бэрт кичэллээхтик тутан, Бэрдьигэстээх нэһилиэгин баһылыгар Алексей Аргуновка туттардылар. Салгыы факелы Саха сирин, улуус аатын улахан түһүлгэлэргэ дуорааннаахтык ааттаппыт киэн туттар, араас сылларга "Азия оҕолоро" оонньуутун кыайыылаахтара, призердара буолбут спортсменнарбыт:
🥇Осип Михайлов.
🥇Петр Сивцев.
🥇Борис Сидоров.
🥇Айхал Ковров.
🥇Татьяна Матвеева (Нахова).
🥇Олег Данилов.
🥇Розалина Тимофеева.
🥇Егор Захаров.
🥇Ирина Осипова

🤩Бэйэ-бэйэлэригэр бэрсиһэн, уоту улуус баһылыга Никита Андреев күөрэччи көтөхтө.
Кини бу күн олоххо бэлиэ түгэн буоларын эттэ. Аны сайыҥҥы оонньуулар үрдүк таһымҥа баралларыгар эрэллээх. Өрөспүүбүлүкэ хамаандата инники күөҥҥэ тахсарыгар Горнай спортсменнара бэйэлэрин кылааттарын киллэриэхтэрэ.

Мустубут дьон Москва анныгар баар Красногорскайга "Крокус Сити холлга" буолбут теракка суорума суолламмыт дьон сырдык ааттарын кэриэстээн, чуумпуран ыллылар.

🤲Ытык уот салгыы Бүлүү бөлөх улуустарыгар айаннаата.

✍️Вячеслав Алексеев
@silatrudagorny