Ф.Г.Охлопков аатынан Майа орто оскуолатыгар медиа, университет кылаастара арылыннылар

🏫 Алтынньы 1 күнэ – Ф.Г.Охлопков аатынан Майа орто оскуолатыгар устуоруйаҕа хаалар бэлиэ күн буолла. Манна үөрүүлээх быһыыга-майгыга медиа-кылаастар уонна М.К.Аммосов аатынан Хотугулуу-Илиҥҥи федеральнай университет филологическай факультетын кылааһа арылыннылар.

⚡️ 📝 Тэрээһин ыалдьыттарынан ХИФУ филологияҕа факультетын декана Галина Жондорова, суруналыыстыкаҕа кафедра сэбиэдиссэйэ, суруналыыс, чинчийээччи Олег Сидоров, старшай преподаватель Александр Андреев, ону тэҥэ 4-с куурус устудьуоннара Сергей Свинобоев уонна Николай Турантаев, «Кэскил» оҕо бэчээтин кыһатын эрэдээктэрэ Ольга Семенова, «Кэскилтэн» оскуола куратора Ольга Халыева буоллулар.

🗣⚡️ Ыалдьыттар уонна оскуола салалтата, учууталлара «төгүрүк остуол» тула олорон медиа, университет филологическай-гуманитарнай кылаастарын арыйыы сүрүн сыалын-соругун, туһатын тула кэпсэттилэр, санаа атастастылар.
Оскуола дириэктэрэ Андрей Захаров бу быһаарыныы биир күнүнэн кэлбэтэҕэ, хас да сыллаах үлэбит түмүгүнэн маннык хамсаныы таҕыста диэтэ, оҕолор бу медиа-кылааска дьарыктара инникитин идэлэрин талалларыгар, суруналыыстыка, тыл эйгэтигэр сысталларыгар туһалаах буоларыгар саарбахтаабатын биллэрдэ.

✍🏼📰 – Бу оскуолаҕа университет кылааһа арыллыыта олус кэскиллээх дии саныыбын. Үөрэх кыһата биллиилээх политическай, судаарыстыбаннай диэйэтэл уонна публицист, суруналыыс, эрэдээктэр Филипп Гаврильевич Охлопков аатын сүгэр. Онон бу оскуолаҕа оҕолору суруналыыстыка өттүнэн сайыннарарга бары өттүнэн тирэх баар дии саныыбын. Биһиги баҕа санаабыт – хаһан эмэ бу оскуолаттан эмиэ Ф.Охлопков курдук биллиилээх суруналыыс тахсыа диэн эрэнэбит», - диэн санаатын ХИФУ суруналыыстыкаҕа кафедратын сэбиэдиссэйэ Олег Сидоров эттэ.

Сиһилии ⏪⏪⏪

@gazetaerkeii
@ulusmedia