#пишут #отподписчика

Мин музей диирбин ордоробун. Мусуой да, түмэл да диэбэккэ кэлбиппит. Туттулла сылдьар тылга арай синоним быһыытынан көрүөххэ сөп.
Олохсуйбут тыллары, ол иһигэр термини барытын сахалыы тылбаастаан, тылы наһаа тупсарбаппыт, муҥура суох кэҥиир. Ол кэриэтэ оҕо, ыччат сахалыы тылын синонимнарынан, ойуулуур-дьүһүннүүр тылларынан байытыыга үлэлиэххэ наада. Төһө бэрдий син орто саастаах дьон "добрай баҕайы" диэн кэпсии олороллоро? Ханна бардылар "аламаҕай, үтүө санаалаах" диэн тыллар?
Тыл ырааһын иһин охсуһааччыларбыт отой атын суолунан ханна эрэ бараллар. Греко-латинскай төрүттээх наука салааларыгар, общественнай-политическай олоххо туттуллар терминнэри тыытар олох наадата суох. Биссектрисабыт - туруорба. Ол аата тугуй? Арай туруорбах балаҕан диэн миэхэ ассоциация үөскүүр. Бу оскуола оҕотун үлтү буккуйуу. Предметнэй тылы үөрэтиигэ эбии мэһэй буолар. Уонна саҥа тылы оҥоро-оҥоро Правительствонан бигэргэтэр диэн тугуй? Тылы норуот ылынар буоллаҕына, туох да уурааҕа суох ылынар. Ол ким эрэ оҥорбут тылын хайаан да бырабыыталыстыба эрэ күүһүнэн киллэттэрэбит дуо?
Оонньоон бүтэн дьыаланан дьарыктаныахха наада. Дьиҥнээхтик саха тылын баар баайын күннээҕи олоххо киллэрии ирдэнэр.

@ulusmedia