⛰️🐉 Вот и наступил год Зеленого Деревянного дракона! Этот символ нового года уже прилетел на Ленские столбы и готов принести удачу и процветание в нашу жизнь.

Пусть этот год будет полон ярких событий, успехов и достижений для каждого из нас! Счастливого Нового года! 🐲🎉

@ulusmedia

Тохсунньу битэ-билгэтэ уонна бэлиэ күннэрэ

7 – Ороһуоспа. Ороһуоспа тымныыта түһэр. Бу күн былытырдаҕына, сис былыт тохсунньу 14-гэр диэри туруоҕа, былытырбатаҕына – тымныы сэтэриир. Бу күн сылыйдаҕына – сааһа тымныы, хаардаатаҕына – сайына өҥсүйэр. Киэһэтин халлааҥҥа сулус аҕыйах буоллаҕына – отон аанньа үүммэт.

9 – Ый уонна Үргэл алтыһаллар.

12 – Сүллүүкүттэр тахсаллар. Маҥнай хамначчыттара тахсан, абааһыта суох, өтөхсүйбүт дьиэлэри оттон, сылыталлар.

14 – Баһылайап (Эргэ саҥа сыл). Бу күн ханнык кэмҥэ былытырбытынан дьаҥ-дьаһах хаһан буоларын быһаараллар.

15 –Тоҥсоҕой тоҥ маһы тоҥсуйан торулатарын “тымныыны кэрдэн эрэр” дииллэр.

19 – Кириһиэнньэ. Кириһиэнньэ тымныыта түһэр. Бу күн күннээх уонна тымныы буоллаҕына – сайына кураан. Сарсыарда сүллүүкүттэр төттөрү киирэллэр диэн, ыаллар эрдэ туран сүөһү уулатар ойбоннорун тэһэн, сүүрдээн кэбиһэллэрэ.

20 – Уйбаан Киристиитэлгэ былыр таҥара күлүгүн сууйаллара уонна ол уутунан дьиэлэрин, хотоннорун, сүөһүлэрин ыраастыыллара, арчылыыллара.

21 – Бу күн тыалын соҕурууттан ыллаҕына – сайына кураан. 23 – Кэбиһиилээх от кырыардаҕына – сайына самыырдаах.

24 – Сис былыт кэллэҕинэ, тохсунньу

31-гэр диэри тымныы мүлүрүйэр.

25 – Халлаан күннээх буоллаҕына – саас көтөр эрдэ кэлэр, хаар түстэҕинэ – ардыыр.

30 – Ый туолуута.

31 – Бастакы Охонооһойоп. Эһэ арҕаҕар сытан, иккис өттүгэр эргийэр, ытыһын биирдэ саланар. Дьыл оҕуһун аҥаар муоһа тостор. Күн 1,5 чаас уһуур.

✍️ Василий Никифоров

@ulusmedia