⭕ Киһи олоҕун тухары муусуканы кытта алтыһар. Улуу дьон этэллэринэн, оҕону кыра эрдэҕиттэн муусуканан ииттэххэ, төһө да музыкант буолбатар, чычаас дууһалаах, дьоҥҥо истиҥ сыһыаннаах буола улаатар.

⭕ Улуус биир улахан оскуолата "Муусука барыбытыгар" бырайыакка кыттан, ситимнээхтик үлэлээн кэллэ. Ол курдук, үөрэнээччилэриттэн саҕалаан, учууталлар, үлэһиттэр улахан хордара, араас ансаамбыллар баар буоллулар. Бырайыак олоххо киирэригэр Василий Степанович Парников уонна "Кэнчээри" ансаамбыл оруоллара үрдүгэ саарбаҕа суох.

⭕ Маны тэҥэ энтузиаст-педагог, улууска биир бастыҥ үлэлээх социальнай үлэһит Оксана Архиповна Атласова бу бырайыак нөҥүө оҕо бөҕөнү ыллатта. Кылаастар бүтүн кэлэктиибинэн, уолаттар уонна кыргыттар ансаамбыллара улуус, нэһилиэк, оскуола тэрээһиннэрин киэргэтэллэр.

⭕ Оксана Архиповна үлэтин кытта дьүөрэлээн, доруобуйаларынан хааччахтаах оҕолорго "Эйгэ" ансаамбылы тэрийбитэ. Ансаамбыл өрөспүүбүлүкэҕэ, улууска улахан ситиһиилэрдээх.

⭕ Онон бүгүн бары муусуканы сэҥээрэр, таптыыр уонна олохторун аргыһа оҥостубут дьону эҕэрдэлиибит. Этэҥҥэ буолуҥ, доруобай сылдьыҥ!

🖊️ Мария Аммосова, уопсас. кэрэсп. Бороҕон.

#уйгусирэуусалдан
#уусалданхаһыата
#мүрүсаһарҕата
#муусукакүнэ
#мүрү1нүөмэрдээхортооскуолата
https://www.instagram.com/tv/CUejTpXjOKL/?utm_medium=share_sheet