💫👏Хаһыаппыт лауреаттарын чиэстээтибит

Сыллата редакциябыт иһинэн үлэ түмүгүн таһаарар эмиэ үтүө үгэстээхпитин билэҕит. Бу тэрээһиммитин дьоҕустук уонна дьиэ кэргэннии истиҥник үлэлиир дьиэбитигэр оҥордубут. Манна биһиги күндү ыалдьыттарбытынан сыл устата хаһыаты кытта таһаарыылаахтык ыкса үлэлэспит, сытыы бөрүөлээх, сойбот сонуннаах доҕотторбут – лауреаттарбыт ыалдьыттаатылар.

🤩Лауреаттарбыт кимнээхтэрий?

Хаһыакка өр кэмҥэ эппиэттиир сэкирэтээринэн үлэлээбит, Россия суруналыыстарын сойууһун чилиэнэ, “Сыл бастыҥ суруналыыһа” ааты сүкпүт Иннокентий Сыроватскай – Дүөндүн, Сыырдаах орто оскуолатыгар иитэр үлэҕэ дириэктэри солбуйааччы, “Бастыҥ уопсастыбаннай кэрэспэдьиэн” Ньургуйаана Хорунова, үөрэх управлениетын сүрүннүүр специалиһа, хаһыакка сурутууну бастыҥнык көҕүлээбит “Сурутууну бастыҥ тэрийээччи” Ефросинья Слепцова буолаллар. Итиэннэ “Мүрү саһарҕатын” оҕото “Үрүйэчээн” сыһыарыыга элбэх суруйуулара тахсыбыт Лөгөйдөөҕү лицей-интернат юнкордарын поһа “Эдэр кэрэспэдьиэннэр бастыҥ постара” ааттанан, Любовь Петухова салайааччылаах юнкордарбыт Павел Герасимов уонна Янис Сысолятин ыалдьыттаатылар.

Кинилэри сэргэ өр сылларга хаһыаппыт кылаабынай редакторынан, айар-полиграфическай холбоһук редактор-дириэктэринэн үлэлээбит Аркадий Алексеев күндү ыалдьыт буолла. Киниэхэ өрөспүүбүлүкэ биир биллэр суруналыыһа Леонид Левин аатынан фондаттан ботуччу көмө харчы анаммытын үөрүүлээх быһыыга-майгыга туттардыбыт. Итиэннэ “Сахабэчээт” тэрилтэ улуустар хаһыаттарын ортолоругар ыытар “Тыл күүһэ – Сила слова” күрэһигэр киин улуустарга “Бастыҥ уопсастыбаннай кэрэспэдьиэн” номинациятын кыайыылааҕа Елена Сыроватская наҕараадатын тутан, салгыы үлэлииргэ бэлэмин, инники былааннарын үллэһиннэ.

Хаһыат кылаабынай редактора Наталья Попова хаһыаппыт доҕотторугар наҕараадаларын туттарда, махталын эттэ, үлэни-хамнаһы сырдатта. Истиҥ кэпсэтии, эҕэрдэ, махтал тыллара этилиннилэр. Атах тэпсэн олорон чэйдээтибит, инники соруктары, былааннары кэпсэттибит. Биһиги үлэбитин өйүүр-өйдүүр дьонноохпутунан киэн туттан, астынан, дуоһуйан тарҕастыбыт👍

📹Ольга Шепелева

мюрюгазета.рф

✅@uamurusahargata @ulusmedia

👍Редакциябыгар «Сыл бастыҥ эдкорпоһа» ааты ылбыт Лөгөйдөөҕү лицей-интернат үөрэнээччилэрэ – английскай тыл учуутала Любовь Петухова салайааччылаах «Медиа» устуудьуйа иитиллээччилэрэ ыалдьыттаатылар. «Үрүйэчээммитигэр» суруйар оҕолору ааттарынан эрэ билэр эбит буоллахпытына, кинилэри кытта сирэй көрсөн кэпсэттибит.

Үөрүөхпүт иһин, уолаттар төрөөбүт төрүт тылларынан лоп-бааччы саҥарар-иҥэрэр, билиэх-көрүөх баҕалаах, сэргэх дьон буолан биэрдилэр. Онон уолаттар тугу эппиттэрин-тыыммыттарын сэргээҥ.
⤵️
БАТТАА

📹 Любовь Петухова

✅ @uamurusahargata @ulusmedia

🚩 Ханна да буоларын курдук, Кыайыы 80 сылынан бу күннэргэ Кыайыы Знамята Уус Алдан нэһилиэнньэлээх пууннарын кэрийэн, Курбуһахха бэҕэһээ тиийэн кэлбитин өрө көтөҕүллэн көрүстүбүт.

Сиһилии уопсас. кэрэсп. Анна Винокурова
⤵️
БАТТАА

✅ @uamurusahargata @ulusmedia