💫Ахсынньы 31 күнэ

♈️Хой

Сэргэх көрсүһүүлэрдээх, сонун толкуй тобуллар күнэ. Кыһалҕаны түргэнник быһаарыыны эрэйэр балаһыанньа үөскүөн сөп.

♉️Оҕус

Ылсыбыт дьыалаҕын тиһэҕэр тиэрдэриҥ үтүө түмүктэри көрдөрүө. Тулалыыр дьону кытта биир тылы дэбигис булуоҥ.

♊️Игирэлэр

Кыралаан күүрүү баар эрээри, аттынааҕы дьонуҥ көмөтүнэн ыарахаттары этэҥҥэ туоруоҥ. Үпкэ сэрэхтээхтик сыһыаннас.

♋️Рак

Өрө көтөҕүллүүҥ тирэххин булунаргар мэһэйдиэн сөп. Хомулуннаргын, ситиһии тута биллиэ этэ.

♌️Хахай

Ат уорҕатыгар буолар күнүҥ. Ол эрээри, аһара барыма. Чугас дьонуҥ эн уратыгын сыаналыахтара.

♍️Кыыс

Уларыйыылартан толлума. Үпкүн-харчыгын быһаараргар табыгастаах күн.

♎️Ыйааһын

Бары өттүнэн уу нуурал, холку күн. Тус олоххор, үлэҕэр даҕаны табыллыы күүтэр.

♏️Скорпион

Соһуччу түгэҥҥэ түбэһиэххин сөп эрээри, кэмигэр сэрэйэн, мүччү куотуоҥ. Тулуурдаах буол.

♐️Охчут

Санааҥ күүһэ аттынааҕы дьону көҕүлүүр. Суолталаах боппуруостаргын быһаараргар табыгастаах кэмиҥ кэллэ.

♑️Чубуку

Бытархайы болҕойуоххун наада. Ол түмүгэ күүттэриэ суоҕа. Ситиһии кэлиэ.

♒️Күрүлгэн

Саҥаны киллэриинэн, соһуччу түгэннэринэн баай күн. Санааҕын кыбыстыбакка үллэһин.

♓️Балыктар

Үлэ оборчотуттан босхолонон, толкуйданаргар сөптөөх күн үүммүт. Санааҥ түһүүтүн-тахсыытын хонтуруоллан.

✅ @uamurusahargata @ulusmedia

📆Ахсынньы 31 күнэ. Ханыы күн

😶‍🌫️Бэҕэһээ да иннинээҕи күнтэн уратыта суох хойуу туманнаах, бытарҕан тымныы күн буолла. Сахабыт сирин сураҕырар кыһына, дьэ, маннык буоллаҕа.

☀️Бүгүн сарсыарда 6 чааска Бороҕоҥҥо 51 кыраадыс тымныы буолбут. Күнүс 48-50 кыраадыс тымныы буолара күүтүллэр. Илинтэн сөкүүндэҕэ 1 м түргэннээхтик үрэр тыаллаах ыраас күн.

🎄 Сылбыт бүтэһик ыйын түмүктүүр күнэ бытарҕан тымныы буолла. Бүгүн үһүс күнүн күүскэ тымныйда. Ахсынньы устатыгар нэдиэлэ эрэ тымныйда диэххэ сөп. Онон быйылгы кыһыммыт аҥаара сылаас тыыннанна.

✍️ Афанасий Сектяев

📸 Ольга Шепелева

✅ @uamurusahargata @ulusmedia

🎄☃️ Саргылаах Саҥа дьылбыт үүнэр күнэ тиийэн кэллэ. Бу күн тугу тутуһуохтаахпытый?

🎄 Саҥа дьыл күн дьиэ быылланыахтаах, муоста сууллуохтаах.

🎄 Таҥас-сап эмиэ сууллар, бөх-сах тоҕуллар.

🎄 Халадыынньык иһин эмиэ ыраастаныллыахтаах.

🎄 Бырааһынньыктааҕы ас ис сүрэхтэн үөрэн-көтөн туран астаныллыахтаах.

🎄 Кумааһынньыкка саатар биир кумааҕы харчы биитэр манньыат баар буоллаҕына, кэлэр сылга харчынан тутайыаҥ суоҕа.

🎄 Эриэн үөн уһун үйэлэниини бэлиэтиир. Онон остуолга доруобуйаҕа туһалаах ас (күөх үүнээйи, фрукта, оҕуруот аһа) элбэх ордук.

🎄 Таҥаска күөхтүҥү өҥ барыта барсар. Эриэн үөн кыһыл, үрүҥ көмүс, кыһыл көмүс өҥнөрү эмиэ сөбүлүүр.

🎄 Ааһан эрэр сыл хомолтото умнуллуохтаах. Саҥа сылы саҥа санаанан көрсөргө сыалланыҥ. Өйдөөҥ, ким эрэ бу күҥҥэ тиийбэт дьылҕаламмыта. Оттон эн Саҥа дьылы көрсөр олох мааны бэлэҕэр тиксэн тураҕын. Үөр олох салҕанарыттан, бүгүн аһыыр астааххыттан, Саҥа дьылы кимниин эрэ көрсөр, эҕэрдэлэһэр дьоллооххуттан! Саҥа дьылынан, саҥа дьолунан!🎉🎉🎉

✍ Уйаара КУСТУК

✅ @uamurusahargata

🎄☃️ Кимиэхэ ким Саҥа дьылы аҕаларый, саҥа сылынан эҕэрдэлиирий? Ону кылгас видеоттан билсиэҕиҥ.

✅@uamurusahargata

❗️ Уважаемые коллеги, ветераны органов прокуратуры и жители республики!

🎅Каждый из нас ждет этого зимнего праздника, чтобы собраться вместе со своими родными и близкими, поделиться добрыми и светлыми пожеланиями, итогами уходящего года, мечтами и планами.

🎄Пусть наступающий 2025 год оправдает все ожидания, подарит счастье, тепло и поддержку!

Ежедневно прокуроры в уходящем году стремились защищать права граждан, интересы общества и государства, работали во имя Закона и Справедливости.

Я благодарю своих коллег за настойчивость в решении поставленных задач, уверен, что коллектив прокуратуры республики достигнет всех намеченных целей.

🎄Жителям республики, работникам прокуратуры и ветеранам ведомства от всей души желаю крепкого здоровья, счастья, любви, благополучия. Пусть всегда с Вами рядом будут родные и близкие Вам люди!

С наступающим 💎💎💎годом!
 
Прокурор республики
Максим Попов