📆Ахсынньы 18 күнэ

♈️Хой

Куйаар үлэ-хамнас өттүгэр урукку сыыһаларгын көннөрөргө кыаҕы биэриэҕэ. Эрээри ол наһаа судургутук сатаныа суоҕа. Кэпсэтиигэ туттуна түһүүҥ тыҥааһыннаах түгэннэртэн куоттарыаҕа.

♉️Оҕус

Дьулууруҥ-дьаныарыҥ ханнык да соруктары толороргор көмөлөһүөҕэ. Үп-харчы дьыалатыгар соһуччу табыллыаххын сөп.

♊️Игирэ

Саҥа идеяларга уонна үөрэххэ аһаҕас буол. Киэһэни чугас дьоҥҥун, доҕотторгун кытта атаарарыҥ ордук.

♋️Рак

Биир кэм устар чуумпу күн күүтэр. Ол гынан баран дьиэтээҕи түбүккэ үгүс күүскүн, сыраҕын барыаҥ.

♌️Хахай

Үлэҕэр үрдүк кирилиэһи дабайар түгэн үүннэҕинэ, эйиигиттэн быһаарыныылаах дьайыыны ирдиэҕэ. Бу күн күүһүҥ-уоҕуҥ толору – ону үчүгэйдик туһан.

♍️Кыыс

Үөрэххэ уонна былаан оҥосторго табыгастаах кэм. Урукку кыһалҕаҕын соһуччу быһааран кэбиһиэххин сөп.

♎️Ыйааһын

Бу күн үлэҕэ үөрүйэҕиҥ, сатабылыҥ үтүө түмүктэри көрдөрүөҕэ. Дьону кытта кыра сөпсөспөт буолуу тахсыан сөп.

♏️Скорпион

Бу күн көһүппэтэх өттүгүттэн тургутууну аҕалыан сөп. Онно эн сэрэйэн, таайан көрөр дьоҕуруҥ көмөлөһүөҕэ.

♐️Охчут

Иэйиинэн уонна идеянан туолбут күн. Саҥа саҕалааһыҥҥа доҕотторуҥ көмөлөһүөхтэрэ.

♑️Чубуку

Эйигин таһаарыылаах күн күүтэр. Эн санааҥ кэллэктиипкэ суолталаах буолуоҕа.

♒️Күрүлгэн

Саҥаны арыйыы, саҥалыы көрүү тахсыан сөп. Бэйэҕэр уонна бэйэҥ санааларгар эрэн!

♓️Балыктар

Күнүҥ холкутук ааһыаҕа, ол эрээри соруктаргар болҕомтоҕун уур. Бэйэҕин көрдөрөргөр, айар үлэнэн дьарыктанаргар табыгастаах күн.

☝️Бу күнтэн гороскоп 7.00 чааска тахсар буолуоҕа😉

✅ @uamurusahargata @ulusmedia

📆Ахсынньы 18 күнэ. Орто күн

🥶Бэҕэһээ халлааммыт күнү-дьылы кэтээн көрөр сулууспа билгэлээһини дьэ, билиммэтэ. Сарсыарда оргуйар туманы, 46 кыраадыс тымныыны көрдөрөн соһутта. Оттон билгэлээһин 30-тан тахса кыраадыс тымныы этэ.

🌥Бүгүн сарсыарда 6 чааска Бороҕоҥҥо 30 кыраадыс тымныы буолбут. Күнүс 28-29 кыраадыс тымныы буолара күүтүллэр. Сөкүүндэҕэ 1 м түргэннээхтик үрэр уларыйа сылдьар тыаллаах былыттаах күн. Эбиэккэ диэри кыратык хаардыыр.

☝️Айылҕа биһигиттэн тутулуга суоҕун эмиэ биллэрдэ. Билгэлиир сатыырбытын ардыгар итинник сөбүлээбэтин биллэрэр буоллаҕа. Онон Саҥа дьыл түүн былыттаах, сымнаһыар буолуо диэн эрдэттэн этэн кэбиһэр табыллыбат.

✍️Афанасий Сектяев

📸 Ольга Шепелева

✅ @uamurusahargata @ulusmedia

#бэлиэкүн

🔖 Ахсынньы 1⃣8⃣ күнэ – СААХСА үлэһиттэрин күнэ.

🔖 Саахса – ЗАГС (запись актов гражданского состояния) кэтэҕэр саҥа төрөөбүт оҕо докумуонуттан саҕалаан киһи олоҕун тиһэх суруга оҥоһуллар түгэнигэр тиийэ түбүктээх, эппиэтинэстээх үлэ турар.

🔖 Саахса уорганын историята 1917 сыл ахсынньы 18 күнүттэн саҕаланар. Бу күн ''О гражданском браке, о детях и о ведении книг актов состояния'' диэн декреккэ илии баттаммыта. Бу докумуон сойуус дьиэ кэргэҥҥэ хайысхатыгар бастакы сокуоннай аакта буолбута. Ол күнтэн Саахсаҕа ыал буолуу, арахсыы, оҕо төрөөһүнүн уонна олохтон барыы докумуоннара толоруллаллар.

🔖 2018 с. Саахса үлэтигэр тосту уларыйыылар буолбуттара. Алтынньы 1 күнүгэр Биир кэлим судаарыстыбаннай реестр оҥоһуллан, Арассыыйа Саахсалара бары биир иһитиннэрэр ситимҥэ киирбиттэрэ. Дойду бары уорганнара үлэлэрин онлайн көрө олорор кыахтаммыттара.

🔖 Саахса уорганыгар үлэлээбит бэтэрээн-үлэһиттэри, бүгүҥҥү кэлэктииби истиҥник эҕэрдэлиибит!

✍ Уйаара КУСТУК

✅@uamurusahargata @ulusmedia

#сурутуу2025

Улуус прокурора Александр Малинкин хаһыат редакциятын кытта бииргэ үлэлэһиигэ сөбүлэҥ түһэристэ 👍

Онон нэһилиэнньэҕэ прокуратура өйдөтөр-сырдатар үлэтэ быстыбакка сырдатыллара былааннанар. Итиэннэ Александр Лазаревич улуус хаһыатын сылын аайы сурутар ааҕааччыбыт буоларын быһыытынан, эһиилги сурутууга эмиэ кыттыста.

✅@uamurusahargata @ulusmedia