🌿 ОТ ЫЙЫН 12 КҮНЭ

♈️Хой

Үчүгэйдик билбэт эйгэҕэр киирэ сатаама. Ол оннугар урукку, билэр ньымаҕынан оҥор – ситиһииҥ улахан буолуоҕа. Бу күн тэрийэр, дьаһайар үлэҥ табыллыаҕа.

♉️Оҕус

Айар куттаахтарга уонна өй үлэтин толорооччуларга ситиһиилээх күн буолуоҕа. Салалтаҥ эн үлэҕин сыаналаан үрдүкү дуоһунаска аныыр этиини оҥоруоҕа.

♊️Игирэлэр

Улахан дьыалаҕар ситиһии кэлэрин туһугар чуумпуга барытын ымпыктаан-чымпыктаан толкуйдаа. Тус сыалгын ситиһэргэ дьон уопутугар тирэҕир.

♋️Рак

Олус өр кэмҥэ бэйэҥ эрэ сөбүлүүргүнэн дьарыктаммыккын, онуоха атын дьыалаҥ мунньуллан хаалбыт. Онон сиппэккэ турар боппуруостаргын быһаар.

♌️Хахай

Барытын биирдэ саба тута сатаама – дьыалаларгын суолталарынан араар. Бу күн билсиһэ сатаама, соччото суох кэмэлдьилээх дьону кытта билсиэххин сөп.

♍️Кыыс

Эрдэ мунньуммут уопутуҥ бүгүн көмөлөөх буолуоҕа. Эйэҕэс-сайаҕас буоллаххына, эн иннигэр ханнык баҕарар аан тэлэччи аһыллыаҕа. Тус олоххор соһуччу үчүгэй бэлэх күүтэр.

♎️Ыйааһын

Сибиэһэй салгыҥҥа сынньалаҥ үчүгэй настырыанньаны саҕыаҕа. Баҕаҕын барытын ханнарар туһуттан эбии дохуоттанар туһугар хамсан.

♏️Скорпион

Чугас дьоҥҥун кытта сыһыаҥҥар болҕомтолоох буол – кинилэри үөрдэргэ кыһалын. Урут хаһан да оҥорон көрбөтөххөр ылыстаххына табыллыы баар буолуоҕа.

♐️Охчут

Бүгүҥҥү күҥҥүн кичэйэн былааннаа, оччоҕо эрэ үтүө түмүктэри ылыаҥ. Араас дьону кытта кэпсэтэ, алтыһа сатаа – уопуттарын туһаныаҥ.

♑️Чубуку

Салалтаҕын кытта мөккүһүмэ: түмүгэ эйиэхэ хобдох буолуон сөп. Ис туруккун кэтээ, сүрэҕиҥ тугу этэрин иһит.

♒️Күрүлгэн

Дьону кытта сэрэнэн кэпсэт: улахан иирсээҥҥэ кыттыспыккын өйдөөбөккө хаалыаххын сөп. Үлэҕэр барыта кэминэн, табыллыы күүтэр.

♓️Балыктар

Санаабыккын олоххо киллэрэргэ бүгүн уустуктары көрсүөҥ. Төһө да кыһалыннаргын, түмүгүттэн астыныаҥ суоҕа. Онон хамаанданан үлэҕэ кыттыс эбэтэр көмөтө көрдөө.

✅ @uanurusahargata

🌿 Бүгүн Бөтүрүөп таҥара күнэ. Ардаҕа син биир баар эбит. Бэҕэһээ сорох нэһилиэктэргэ дохсуннук түспүт дииллэр.

☀️ Сарсыарда 6 чааска Бороҕоҥҥо 18 кыраадыс сылаас буолбут. Күнүс 26-28 кыраадыс сылаас буолара күүтүллэр. Илинтэн сөкүүндэҕэ 2 м түргэннээхтик үрэр тыаллаах ыраас күн.

🔥 Бөтүрүөп куйааһа диэн аатырар күннэр үүннүлэр. Сарсын абааһылар мунньахтыыр күннэрэ. Былыргы итэҕэлинэн бу күн Кунай эрэ оттуура үһү.

✍️ Афанасий Сектяев

📸 Ольга Шепелева. Мүрү

✅ @usmurusahargata @ulusmedia

⏺ Уус Алдан улууһун олохтоохторо, айанньыттар!

Бүгүҥҥүттэн, ол эбэтэр от ыйын 12 күнүттэн, Суотту паромнара МАЯК биэрэгэр көспүттэрин туһунан биллэрэллэр⛴️⛴️

Маяк причалыттан: 07ч00м, 09ч00м, 12ч00м, 15ч30м, 18ч00м
Кангалаас причалыттан: 09ч.00м, 12ч00м; 16ч00м, 18ч00м; 21ч00м.

Икки паром сылдьар⛴️⛴️

Билсэр телефоҥҥут:
89681520100 (т/х "Аргыс")
89142703751 (т/х "Айан")
89679131333 (руководитель)

✅ @uamurusahargata @ulusmedia

⏺ Уус Алдан улууһугар ааспыт сылга 6 ый түмүгүнэн сокуоннай сааһын туола илик 16 оҕо уонна 27 төрөппүт учуокка турбут буоллахтарына, быйыл 6 ый түмүгүнэн 44 оҕо уонна 32 төрөппүт учуокка тураллар. Ол курдук төрөппүттэр сүрүннээн итирдэр утаҕы иһэннэр учуокка турбут буоллахтарына, оҕолор өттүлэриттэн буруйу кэһии арааһа элбэх, холобур, иҥсэ-ымсыы санааҕа киирэн малы-салы уоруу, итирдэр утахтары иһии, түүҥҥү өттүгэр сылдьан туора дьон дьиэтигэр көҥүлэ суох киирии, араас көрүҥнээх эт-хаан эчэйиитин таһаарыы, тырааныспары ыытар бырааба суох уруулга олоруу уонна да атыттар.

Оройуон үрдүнэн быйыл 6 ый түмүгүнэн араас административнай кэһиилэри оҥорон 15 оҕо учуокка ылылынна, бу көрдөрүү былырыын 6 этэ. Быйыл оҕо холуобунай буруйу оҥоруута тахсыбата, былырыын 6 ый түмүгүнэн биир оҕо арыгы испит туруктаах сылдьан улахан киһиэхэ орто көрүҥнээх эт-хаан эчэйиитин таһааран холуобунай эппиэтинэскэ тардыллыбыта.

Сокуоннай сааһын туола илик оҕолору кытары үлэлиир хайысха сотрудниктарынан 6 ый түмүгүнэн административнай буруйу кэһиигэ барыта 93 протокол төрөппүккэ, 6 сокуоннай саастарын ситэ илик оҕолорго толорулунна, олор истэригэр: арыгы иһиитэ, киһини эчэтии, күлүгээннээһин уонна түүҥҥү өттүгэр оҕо уулуссаҕа сылдьыыта киирдилэр. 12 киһиэхэ сокуоннай сааһын туола илик оҕоҕо арыгы иһиигэ кучуйуутун иһин, оҕону кытары бииргэ арыгылааһынын иһин толорулунна.

Сиһилии👉 БАТТАА

✅@uamurusahargata @ulusmedia