⏺ Сэтинньи 16 күнүттэн Бороҕоҥҥо улууспут народнай кэлэктииптэрин күннэрэ ыытыллыахтара.

Бастакы күн Суотту народнай тыйаатыра, сэтинньи 17-с күнүгэр Тумул “Айыллан” народнай тыйаатыра ыалдьыттыахтара, испэктээктэрин көрдөрүөхтэрэ. Сэтинньи 23-с күнүгэр Бээрийэ нэһилиэгиттэн “Кэскил” студия, 24-с чыыһылаҕа Түүлээхтэн “Аргыс” эр дьон вокальнай ансаамбыла, ахсынньы 2 күнүгэр Тандаттан “Дьиэрэй” эр дьон вокальнай ансаамбыла, 12-с чыыһылаҕа Бороҕоннооҕу ырыа-үҥкүү норуодунай кэлэктиип Күлүмнүүр аатынан “Тойон Мүрү” култуура дыбарыаһыгар айар кэнсиэрдэрин көрдөрүөхтэрэ, быыстапкаларын туруоруохтара.

Итини таһынан ити күннэргэ кэлэктииптэр хаһан хайдах тэриллибиттэрин, кимнээх тэрийбиттэрин, кимнээх кыттыбыттарын, ситиһиилэрин олохтоох “Дуораан” араадьыйа нөҥүө билиһиннэриэхтэрэ, биэриилэр күнүс 13.00 чаастан тахсыахтара.

Саха сиригэр күн бүгүн 207 народнай кэлэктиип баарыттан Уус Алдан улууһугар 9 народнай кэлэктиип айымньылаахтык үлэлиир, айар-тутар. Бу кэлэктииптэргэ нэһилиэктэр олохтоохторо, учууталлар, үөрэнээччилэр, медицина, тыа хаһаайыстыбатын, дьиэ-уот коммунальнай хаһаайыстыбатын, сибээс, култуура үлэһиттэрэ, дьиэ хаһаайкалара, пенсионердар бэйэлэрин иллэҥ кэмнэрин туһалаахтык атааран, талааннарын арыйан, нэһилиэккэ ыытыллар араас култуурунай-маассабай тэрээһиннэргэ кытталлар, тэрийсэллэр, улуус, өрөспүүбүлүкэ, Россия, аан дойду таһымнаах куонкурустарга, фестивалларга кыттан улууспут аатын ааттаталлар.

Уус Алдан улууһун култуураҕа управлениетын матырыйаалынан

🏃 Сиһилии манна көр👈

✅ @uamurusahargata @ulusmedia

👍 Хаһыакка күргүөмүнэн!

Улууспут үлэтин-хамнаһын, туруу үлэһит, талба талааннаах дьонун сырдатан сурукка-бичиккэ тиһэн устуоруйаҕа хаалларар уонна улууспут сахалыы сайдам тылынан суругу-бичиги тарҕатар соҕотох хаһыатыгар кэлэр сылга сурутууну күннэтэ ыытабыт.

Бүгүн үөрэх улуустааҕы салалтатын кэлэктиибэ хаһыакка 100% суруйтарда, ону таһынан үөрэх салалтатын начаалынньыга Степан Литвинцев түөрт бэтэрээнигэр сурутууну бэлэхтээтэ. Үөрэхтээһин эйгэтин үлэһиттэрэ эмиэ ис санааларыттан бэтэрээннэригэр суруттардылар.

Ону сэргэ култуура улуустааҕы салалтатын үлэһиттэрэ эмиэ 100% суруйтардылар. Салайааччынан саҥа үлэлээн эрэр эдэр киһи Сергей Нафанаилов хаһыат суолтатын өйдөөн, бары үлэһиттэрин сурутууга ыҥырар.

Ити курдук, улууспут олоҕун-дьаһаҕын кэскилин тэлсэр төһүү эйгэлэр үлэһиттэрэ улуустарын хаһыатын ааҕалларын, өйүүллэрин өссө төгүл биллэрдилэр.

✍️ Мария Аргунова

✅ @uamurusahargata @ulusmedia

#бэлиэтүгэн

✊ Ойуунускай аата дорҕоонноохтук ааттанна

Саха норуотун уһулуччулаах политическай уонна общественнай деятелэ, суруйааччы, учуонай-лингвист Платон Алексеевич Слепцов – Ойуунускай төрөөбүтэ 130 сылыгар аналлаах үөрүүлээх тэрээһин ыытылынна. Саха норуотун олоҕор сүдү суолталаах үлэни-хамнаһы оҥорон хаалларбыт чулуу киһибитин оҕо аймахха өссө төгүл билиһиннэрэр, өйдөтөр аналлаах тэрээһиҥҥэ үөрэнээччилэр кини айымньыларынан театрализованнай дьүһүйүүлэри, монтажтары көрдөрдүлэр.

✍️📹 Ольга Шепелева

✅ @uamurusahargata @ulusmedia