#бэртхараудьуордара

💢 Бэргэн ытааччылар түһүлгэлэрэ бастыҥнары тургутта

Бойобуой дьайыылар бэтэрээннэрин улуустааҕы уопсастыбаннай түмсүүтүн бэрэссэдээтэлэ Гвардия сержана, РФ "Эр санааланыы" уордьанын кавалера Гаврил Попов сырдык кэриэһигэр уонна бэтэрээннэр бириистэригэр кыраҕы харахтаах бэргэн ытааччылар хамаанданан уонна биирдиилээн бастыыр иһин күрэстэрэ ыытылынна.

"Куропатка-ВПп" уонна "Штурмовое-ВПп" диэн икки көрүҥ түмүгүнэн биирдиилээн бастыыр иһин ытыыга

I м. Лаврентий Тарскай (Бороҕон с.).
II м. Геннадий Оллонов (Бороҕон с.)
III м. Михаил Аргунов (Тиит-Арыы) тэҥнээхтэрин булбатылар.

Маны сэргэ бу көрүҥнэргэ хамаанданан ытыыга

I м. "Оллоон" СОК
(Геннадий Оллонов, Лигорий
Бурцев, Анатолий
Бурнашев).
II м. ДЮСШ хамаандата (Аликсан Охлопков, Жора
Осипов, Саша
Бочкарев).
III м. Сыырдах бөһүөлэгин хамаандата (Анатолий Копырин, Михаил Копырин, Иван
Стручков) буолан, үөрүүлэрэ үксээтэ.

Уопсайа 15 хамаанда уонна биирдиилээн 37 ытааччы кыттан, күрэхтэһии олус тыҥааһыннаахтык ааста.

Дойдубут чулуу ыччаттарын, Дьоруой тэҥэ хорсун дьоммут ааттарын үйэтитэр күрэхтэһии үгэс быһыытынан ыытыллан, спорт ытыы көрүҥэр бастыҥнары таһаара турарыгар бигэ эрэллээхпит.

✍️ Ольга Шепелева

✅ t.iss.one/murusahargata @ulusmedia

#бэртхараудьуордара

💢 Хайыһардьыттарбытыгар эҕэрдэбитин тиэрдэбит

⛷Улуус хайыһарга комплекснай спартакиадатыгар Курбуһах хамаандата үһүс бириистээх миэстэни ылан, нэһилиэгин чиэһин үчүгэйдик көмүскээбитинэн "эҕэрдэлиибит👍👏💪

Хамаандаҕа Николай Пестряков, Иван Винокуров, Николай Бурнашев, Мария Макарова, Елена Захарова, Мария Стручкова сүүрдүлэр.

Биирдиилээн сүүрүүгэ бэтэрээн сүүрүүкпүт Николай Бурнашев бастакы миэстэни ылары ситистэ👏👏👏

✍️ Анна Винокурова, уопсас. кэрэсп., Курбуһах

✅ t.iss.one/murusahargata @ulusmedia