#Үһүссаасоскуолата

💢 "Доҕордоһуу хоровода" тэрээһин сэргэхтик ыытылынна

Бороҕон нэһилиэгин биир ытык миэстэтигэр турар "Доҕордоһуу" историко-архитектурнай мусуой-заповедникка Үһүс саас оскуола түмсүүлэрин икки ардыларыгар "Доҕордоһуу хоровода" диэн өрөспүүбүлүкэтээҕи тэрээһин-күрэх үрдүк таһымҥа ыытылынна. Бырайыак ааптара "Көмүлүөк" Үһүс саас оскуола көхтөөх чилиэнэ Матрена Новоприезжая, Бороҕон нэһилиэгин "Көмүлүөк" Үһүс саас оскуолатын түмсүүтэ. 2018 сыллаахха улуус Үһүс саас оскуолатын чилиэннэригэр бу бырайыагынан "Славянская письменность" тэрээһини тэрийэн биһирэммиттэрэ.

Тэрээһиҥҥэ нуучча норуотун ырыаларыгар, үҥкүүлэригэр, частушкаҕа, оформлениеҕа, ас дьаарбаҥкатыгар, блины буһарыытыгар күрэхтэстилэр. Ону киэҥ састааптаах дьүүллүүр сүбэ бары ирдэнэр критерийдэри тутуһан сыаналаата. Ол курдук нуучча норуотун "Деревенька моя" ырыаны дуэтынан толорууга Тумултан Люция Попова, Матрена Новоприезжая, нуучча норуотун үҥкүүтүгэр "Московская кадриль" сыырдаахтар, оформлениены киэргэтиигэ, быыстапкаҕа нуучча норуотун култууратын, ускуустубатын, сиэрин-туомун көрдөрөн туруорууга "Көмүлүөк" (Тумул),

блины астааһынын күрэхтэһиитигэр Тумултан Татьяна Ксенофонтова, "Сааскы дьаарбаҥка” ас күрэхтэһиитигэр суоттулар, частушкаҕа "Күндүүнэ" (Мүрү) кыайыылаахтарынан буоллулар.

Анал бириистэринэн "Күндүүнэ" түмсүү "Зимушка зима" үҥкүүтэ, түүлээхтэр "Кыайыыга дьулуурун иһин", ырыаҕа Гаврил Мигалкин (Суотту), баянист Альберт, Наина Васильевтар (Тумул) ыллылар.

Уопсай түмүккэ, кыайыылаах үрдүк аатын Бороҕон нэһилиэгин "Көмүлүөк" Үһүс саас оскуолата ылла, иккис миэстэни Мүрү нэһилиэгин "Күндүүнэ" түмсүүтэ, үһүс миэстэни Бэрт Ууһун "Ситим" түмсүүтэ үллэһиннилэр.

✍️ Светлана Прудецкая, бибилэтиэкэр, уопсас. кэрэсп. Тумул

☑️ Сиһилии: https://мюрюгазета.рф/article/94299

✅ t.iss.one/murusahargata @ulusmedia

#нэһилиэктэргэ

💢 Баатаҕайдар түөлбэлэринэн хайыһарга күрэхтэстибит

Баатаҕай нэһилиэгэр быйыл Спорт уонна уопсастыбаннай хамсааһын сыла биллэриллибитинэн Спорт норуоттар икки ардыларынааҕы (муус устар 6 күнэ) уонна Доруобуйа аан дойдутааҕы (муус устар 7 күнэ) күннэрин көрсө дойду үрдүнэн ыытыллар "Лыжня России 2023" маассабай хамсааһыҥҥа бүгүн нэһилиэкпитигэр түөлбэлэр икки ардыларыгар хайыһар күрэхтэһиитин ыыттыбыт. Ону тэҥэ хаалыктаах хаамыыны көҕүлээччилэргэ, нэһилиэк олохтоохторугар уонна оскуола оҕолоругар эти-хааны чэбдигирдэр хамсаныылары оҥоттордубут.

Күрэхтэһии түмүгэ: "Сарыал" түөлбэ – 1-кы миэстэ, "Аргыс" түөлбэ – 2-с миэстэ, "Дабаан" – 3-с миэстэ.

Кыайыылаахтар мэтээллэринэн, грамотанан наҕараадаланнылар.
Күрэхтэһии кылаабынай судьуйатыгар Николай Николаевка, физкултуура учууталыгар Алексей Ядрихинскайга уонна түөлбэ салайааччыларыгар, бүгүҥҥү күн тэрээһинин кыттыылаахтарыгар тус бэйэбиттэн махталбын тиэрдэбин.

✍️ В. Белолюбская, нэһилиэк спортинструктора

✅ t.iss.one/murusahargata @ulusmedia