🗞📰 Хаһыаппыт эрэллээх доҕотторо эҕэрдэлииллэр
😍👍👏

Истиҥ баҕа санааларгытыгар махтанабыт👏👏👏

📹 Ольга Шепелева

✅ t.iss.one/murusahargata @ulusmedia

#хаһыатааҕааччыхаһыат

💢 Бүгүн – улууспут хаһыатын төрөөбүт күнэ🎂💫

Ааҕааччы киэҥ араҥатын хабар, улууспут олоҕун-дьаһаҕын сырдатар, устуоруйатын үйэтитэр “Мүрү саһарҕата” хаһыат муус устар 4 күнүгэр “төрөөбүт” күнэ. Хаһыат быйыл 88-с сылын ааҕааччыларбытын кытары бииргэ алтыһар.

Оччотооҕу кэмтэн олох-дьаһах араас уларыйыыларын, үйэлэр кирбиилэрин ааһан, саҥа таһымҥа таҕыстыбыт.

Хаһыаппыт нэдиэлэҕэ биирдэ бээтинсэ күн ааҕааччыларга тарҕанар, ону таһынан күннэтэ сонуннарбыт, ыстатыйаларбыт мюрюгазета.рф саайтпытыгар уонна t.iss.one/murusahargata телеграм ханаалбытыгар тиһигин быспакка тахсаллар.

Хаһыат кэлэрин мэлдьи кэтэһэр, сирийэн сиһилии ааҕар эрэллээх сурутааччыларбытын, улууспут бары олохтоохторун “Мүрү саһарҕата” хаһыат тэриллибит күнүнэн эрэдээксийэ аатыттан итиитик-истиҥник эҕэрдэлиибит. Өрүү да маннык бииргэ тутуһан, айымньылаахтык үлэлии сылдьыаххайыҥ!

✅ t.iss.one/murusahargata

#кэрээйгэтэ

💢 Бээрийэ туосчуттара тэҥнээхтэрин булбатылар

Саха Өрөспүүбүлүкэтин норуотун маастара Екатерина Колодезникова төрөөбүтэ 75 сылынан, кини сырдык кэриэһигэр "Саха туоһун тойуга" өрөспүбүлүкэтээҕи аһаҕас бэстибээл бүгүн ыраахтан-чугастан үгүс туосчуу түөрт түһүмэхтээх олус интэриэһинэй уонна туһалаах күөн-күрэскэ түмтэ.

Түмүккэ Бээрийэ нэһилиэгин "Арчы" туосчуттарын түмсүүтэ тэҥнээҕин булбата уонна Екатерина Ивановна бииргэ төрөөбүттэрэ, оҕолоро туруорбут бириистэринэн наҕараадаланнылар. Иккис миэстэни Таатта улууһун Баайаҕатын “Испэ туос” түмсүүтэ ситистэ. Оттон “Төрүт туос” Нам улууһун I Хомустаах нэһилиэгин түмсүүтэ үһүс бириистээх миэстэҕэ тигистэ. Төрдүс – дьокуускайдар “Сайсары”, бэһис аммалар “Туос тойуга” түмсүүлэрэ буоллулар.

✍️ Ольга Шепелева

☑️ Сиһилии: https://мюрюгазета.рф/article/94222

✅ t.iss.one/murusahargata @ulusmedia

Күннээҕи гороскоп✨

💫 Муус устар 5 күнэ 💫

Хой ♈️

Дууһаны сылаанньытар үчүгэй сонуну истэн үөрүөҥ

Оҕус ♉️

Барыта үчүгэй буолуоҕун аттыгар биир киһи тиийбэт

Игирэлэр ♊️

Чуумпуга олорон киһи элбэҕи ырыҥалаан, анааран көрөр

Рак ♋️

Өйүҥ-санааҥ олох биири эрэ саныыр, атын туһунан толкуйдуон да баҕарбат

Хахай ♌️

Таптал өттүгэр олус интэриэһинэй алыптаах түгэн күүтэр, сүрэҕиҥ аҥаара отой атын өттүттэн арыллыа, соһутуо, үөрдүө

Кыыс ♍️

Ким эрэ эйигин кытары санаа атыстаһыан баҕарар, ол түгэни өр күүтэ сылдьар

Ыйааһын ♎️

Болҕомтолоох, эппиэтинэстээх буолар бүгүҥҥү күҥҥэ эйигиттэн эрэйиллэр

Скорпион ♏️

Аймалҕаҥҥа түбэһэр куттал баар, тулаҕын көрүн, иирсээҥҥэ киирэ сатаама

Охчут ♐️

Көҥүл сылдьар үчүгэй эрээри, дууһаҥ тапталы эрэйэр

Чубуку ♑️

Дууһаҥ олус интэриэһинэй дууһаны таарыйар кэпсэтиини баҕарар

Күрүлгэн ♒️

Эн истиҥ тапталыҥ эн ыһыллаҕаскын, оттомо суоххун барытын сабардыыр

Балыктар ♓️

Имэҥнээх тапталга куустарыаҥ, эттиин-хаанныын, өйдүүн-санаалыын, сүрэхтиин-дууһалыын сынньаныаҥ